فكرة و ياسلام لو اتنفذت (من مانيوال الى هاف اوتوماتيك )

**mido7337** · 07-09-2012 03:34 AM

السلام عليكم و رحمة الله و بركاته

انا خطر فى بالى فكرة و قولت اطرحها على حضراتكم و نناقشها مع بعض

الفكرة هى ميزان بين دواسة البنزين و الدبرياج بحيث ان الطبيعى تكون دواسة الدبرياج نازلة على الاخر و يكون فيه وصلة (سلسلة) بين الدواستين قصيرة بحيث ان لازم تكون دواسه على الارض و دواسة اخرى لأ
و مع بدء الضغط على دواسة البنزين تبدأ الوصلة تسحب دواسة الدبرياج للأعلى و بالتالى تبدلأ السيارة تتحرك و عند النقل ترفع قدمك عن دواسة البنزين فتسحب الوصلة دواسة الدبرياج مرة اخرى للأسفل و تنقل و تبدأ تدوس بنزين تانى و هكذا

الفكرة خطرت على بالى و قلت اتناقش مع حضراتكم و اشوف افكاركم يمكن نقدر ننفذها ان شاء الله

**mido7337** · 08-09-2012 09:01 PM

مفيش اى افكار يا شباب

**ahmedtunning** · 08-09-2012 10:11 PM

هي فكره حلوووووه اوي بس انت كده طول ما انت شيل رجلك من علي البنزين كانك ديس دبرياج قصدك كده

**atala** · 09-09-2012 11:04 PM

كده الدبرياج هيبوظ بسرعة جدا علي فكرة العربيات الاوتوماتيك فيها 2 دبرياج والتحكم فيهم عن طريق الزيت

**medododo** · 09-09-2012 11:31 PM

فكرة ممتازة بس هتخلص على اسطوانة الدبرياج بسرعة

**graffittiii** · 10-09-2012 12:51 AM

المشاركة الأصلية كتبت بواسطة ahmedtunning

بس انت كده طول ما انت شيل رجلك من علي البنزين كانك ديس دبرياج

+1111

**a7med_elmagree** · 11-09-2012 12:47 AM

فكرة بسيطة وجميلة :d

**Eng.Geo** · 11-09-2012 12:05 PM

هي الفكرة فيها أخطاء تمنع تنفيذها
بس ايه رأيك لو عملت زرار في دراع الفتيس لما تدوس عليه يكون في دراع هيدروليك تشد الدبرياج ؟
ده مبدئيا
انما لو الفكرة هتتنفذ يبقي لازم الهيدروليك ده هيعرف العزوم عشان مايجيش وانا طالع عالأول أسيب الزرار يقول الهيدروليك سايب الدبرياج فالعربية تفصل !
أو مثلا يكون بيسيب بالراحة فتيجي علي السرعات الكبيرة وانت حارق وتسيب الزرار يقعدله 20 ثانية بيفصل ... يبقي الله يرحمها أسطوانة الدبرياج