الموضوع: استفسار عاجل في تجديد رخصة السيارة‏(تصريح تسير ملاكي‏)‏

العربية مش بأسمي انا لسة شاريها من واحد وهو عاملي توكيل طبعا مكتوب علي الرخصة‏(تصريح تسير ملاكي‏)‏
نهاية التصريح 12/9/2012
يعني بعد 4 أيام
نهاية الضريبة 28/10/2013
يعني كمان سنة
المهم انا روحت مرور فيصل النهاردة عشان اعمل استكمال مدة ويديني السنة اللي لسة في الرخصة مرضيوش وقالولي لازم المالك هو اللي يجي يجدد انت مينفعش بيقولي يادوب التوكيل اللي معاك ده تعمل بيه بيانات ومخالفات بس لكن تجديد بأسم المالك القديم لأ
المهم القصة دي لو نقلت ملكيتها هتخش في حوالي 3000 جنييه شهر عقاري ومرور وكله عشان العربية الانترا 2009
السؤال بقي انا قررت منقلش ملكية دلوقتي هستني شوية كده فا يتري هيدفعوني غرامة أو اي شئ لما اجي أرخص في المرور ولا ايه
ولو في حالة لو عملت عقد مسجل لنفسي ممكن اقعد بيه سنة وبعد كده ارخص
معلش حاجة اخيرة انا مسافر بيها الاسبوع ده خارج القاهرة واحتمال ارجع ويكون نهاية التصريح خلص اللي هو 12/9/2012 لو في لجنة وقفتني المخالفة هتبقي كام؟

شكرا يا باشا ع الرد انا شاريها من الراجل تصريح عشان ملفها في اسكندرية ولسة مكنش جه في مرور فيصل فبيدوا تصريح لغاية ما الملف يجي