الصين جابتلى عقدة نفسيه فى أسعار عربيات الدبل كابينه !!!

**MaNoLa** · 09-09-2012 01:55 PM

كنت بتفرج على العربيات الدبل كابينه الصينى لأنى بحب النوعية دى من العربيات بالاخص لما بتتقفل و بيبقى أستخداماتها أقوى بكتير من العربيات الملاكى العاديه و بما أن العربيات النقل دى أستخدامها كأنك مثلا بتحارب و مش بيحصلهم حاجة

و لقيت أول حاجة دلوقتى عربيه أسمها GO NOW و دبل كابينه بـ 76 ألف جنيه !!!
يعنى بمعنى أصح ممكن يكون سعرها فى الصين حوالى 45 ألف جنيه و فى الأخر أسمها دبل كابينه

أى نعم عمر العربيه دى ما هتتقارن مع التويوتا أو الأيسوزو أو الحاجات دى
لكن خلى عندك أمل أن العربيه دى مثلا مصريه و سعرها بعد الأنتاج زى ماقولت حوالى 45 ألف جنيه

تتوقع دى هتحل أزمه بطالة و أزمه مواصلات و مصايب كتيرة أد اية

**ahmedsamir5edr** · 09-09-2012 02:52 PM

و لا هتحل حاجه و هتعك البلد و تزحمها و تقفلها أكتر !!

ما السواقين واقفين بالتويوتا علي قفا من يشيل .

هتبقي توك توك جديد و خلاص و تقرفنا اكتر

**esmailzaki** · 09-09-2012 05:16 PM

سؤال بس بعد اذنك هى العربية دى فين بتتباع عند انهى معرض بالظبط وياريت لو فى فرع فى اسكندرية للمعرض ده

**hossam_elwani** · 09-09-2012 06:00 PM

بلا صينى بلا قرف ودى حتلاقى ليها قطع غيار ............ وكلها تقليد من الدبابه القديمه على الجديده وخامات زى الزفت اوعى تتغر بلسعر كلام فاضى كله والى بيتاجر اصلا فى العربيات الصينى بيرمى فلوسه على الارض

**esmailzaki** · 09-09-2012 09:34 PM

انا عارف كل اللى انت بتقوله ده بس انا كل ما اقصده انى عايز اشوفها واعرف معلومات عنها وانا باذن الله بشوية الخبره اللى عندى احكم عليها كويسه ولا لا بعد الكشف عليها و تجربت بعض الحاجات فيها

**MaZaGAngeE** · 09-09-2012 11:17 PM

مش مقنعه خالص ....
بس تنفع كبديل رخيص لمدة سنة بالكتير لحد ما الواحد يقدر يشتري عربية كويسة

بس ميتسوبيشي جاك اظن رخيصة
و نيسان ب 83
و العربيتين كويسين و قريبين من سعر الصيني

**Land_Cruiser** · 10-09-2012 12:01 AM

اشك ان العربيه دى مش هتستحمل بهدله الطرق الغير ممهده اللى المفروض تستخدم فيها و خاصه انها المفروض انها تستخدم لاغراض تجاريه و استهلاك شاق و هيبقى مصيرها زى المحاولات الصينيه الفاشله بالنسبه للاستخدام التجارى تحديدا زى الميكروباصات و المينى فان اللى بنشوفها على الطريق اكل عليها الزمن و شرب و هى لسه موديل سنه فاتت لكن شكلها بقالها ١٠٠سنه و اعتقد انها مضيعه للفلوس على الفاضى و طبعا اول ما تتبهدل ملهاش حل لان الخامات المستخدمه فيها رخيصه علشان يقدروا يصنعوها بالاسعار دى و لا ليها سعر اعاده بيع حتى و اللى عايز يشترى يخلليه فى ماركه معروفه و خاصه ان السعر متقارب

**MaNoLa** · 10-09-2012 04:00 AM

أنتوا مش فاهمين قصدى من الموضوع
أنا ماليش دعوة بالصين
أنا كل هدفى من الموضوع أننا عايزة اوصلكم أن لو مصر عملت عربيه زى دى بالظبط و بسعر أقل من سعر البيع هنا فى مصر هتكتسح جدا حتى و لو كانت خامتها زى الصينى لأن هيكون فيه قطع غيار و بالتأكيد إلى هيحافط عليها مش هيحتاج يغير فيها كتير

اللغز و كلمة السر فى الموضوع
اننا عايزة أشوف عربيه أنتاج مصرى

**hazemsagherh** · 10-09-2012 08:51 AM

هوه اكيد شىء رائع اننا نلاقى بلدنا تنتج عربية بغض النظر على ان كفاءتها كبداية تصنيع حتكون مش قوى
ولكن بعد كده ممكن تتحسن

**Land_Cruiser** · 10-09-2012 02:39 PM

المشاركة الأصلية كتبت بواسطة manola

أنتوا مش فاهمين قصدى من الموضوع
أنا ماليش دعوة بالصين
أنا كل هدفى من الموضوع أننا عايزة اوصلكم أن لو مصر عملت عربيه زى دى بالظبط و بسعر أقل من سعر البيع هنا فى مصر هتكتسح جدا حتى و لو كانت خامتها زى الصينى لأن هيكون فيه قطع غيار و بالتأكيد إلى هيحافط عليها مش هيحتاج يغير فيها كتير

اللغز و كلمة السر فى الموضوع
اننا عايزة أشوف عربيه أنتاج مصرى

كان فى زمان تجربه زى اللى حضرتك بتقولى عليها دى فى السبعينات و عملوا عربيه فعلا كان اسمها رمسيس و لم تنجح مع الاسف و انقرضت بسبب كثره مشاكلها و عدم توافر قطع الغيار على الرغم انها كانت انتاج محلى و رخيصه لكن مشاكلها كثير و يمكن ده كان ساعتها نتيجه قله الخبره فى المقام الاول مش قله الضمير زى الان

اعتقد ان الحل بالنسبه لنا هو اننا نركز على التجميع هنا فى البدايه بس يبقى بجوده عاليه جداً بحيث لا نستطيع ان نفرق بين التجميع فى مصر و بين تجميع بلد المنشأ و ده من حيث الخامات و دقه التقفيل و تتلافى الاخطاء اللى بتخللى كل سياره كأنها موديل لوحدها بمشاكلها و رداءه المكونات المصريه بحيث انها تصبح بكل اسف هى عيب السياره الوحيد. لو اهتمينا بالحاجات دى. هنلاقى شركات كتيره اتشجعت و اصبحت بتجمع عندنا و ده هيساهم فى تشغيل عدد كبير من العماله و كمان هيؤدى لزياده عدد المصانع المغذيه لصناعه السيارات و مع الوقت هتتوفر عندنا خبره و رأسمال كمان يؤهلنا اننا ندخل فى الصناعة دى بمخاطره قليله جداً و بسمعه كويسه لان لو التجميع كان كويس ممكن نصدر للخارج و العالم يسمع عن جوده منتجاتنا فيبقى متقبل فكره اننا نصنع عربيه و نقدر نسوقها فالبدايه لابد من ان تكون من تجميع محترم يعملنا سمعه طيبه و نتعلم منه و نفضل نكبر فى نسبه التجميع الى ان نصنع عربيه كامله بجوده عاليه و بعد كده نعمل موديلاتنا بنفسنا و ما نجمعش و لا نقلد حاجه حد و يا رب نعيش لما نشوف اليوم ده

الموضوع: الصين جابتلى عقدة نفسيه فى أسعار عربيات الدبل كابينه !!!

LinkBack

أدوات الموضوع

عرض

الصين جابتلى عقدة نفسيه فى أسعار عربيات الدبل كابينه !!! - انشر الموضوع فى :

-

-

-

المواضيع المتشابهه

حتى البيض بيقلدوه في الصين !!! صنع في الصين

اتفاقية ciq مع الصين للرقابة على جودة البضائع المستوردة من الصين

استفسار عن أسعار عربيات بيجو 305 في السوق

انا جالى عقدة

هيونداي الانترا تكتسح المبيعات في الصين ! عودة وحشية لكوريا في الصين !

الكلمات الدلالية لهذا الموضوع

المفضلات

المفضلات

ضوابط المشاركة