ياريت معلومات عن مرسيدس زلموكه

**mr_sameh** · 10-09-2012 12:38 AM

بصراحه محتاج معلومات عن العربيه المرسيدس الزلموكه ايه مميزاتها وعيوبها وعندي معلومات غير اكيده وهي ان التكييف بتاعها ضعيف جدا
كمان الموتور بيسخن جامد
واخيرا استهلاك البنزين اخباره ايه
والاسعار عامله ايه وياتري فيها موديلات مميزه ولا كل الموديلات زي بعض

**mr_sameh** · 18-09-2012 09:54 PM

القسم ده ناااااااااااااااااااااااا يم

**mr mostafa** · 20-10-2012 12:17 AM

بص يا ريس الزلموكة عربيه جميلة جدا والتكيف جميل جدا التكيف سئ فى التمساحة لكن الزلموكة جميل جدا واحسن من اليابانى كمان وهى تنقسم إلى قسمين مويلات تبدأمن 1985 إلى أوائل 1993 ودى تعتبر امكانيات واحده وقسم اخر من اواخر 1993 إلى بدايه 1995 ودى حاجة تانيه خالص قوه سحب ممتاز ماكينه محترمة بمعنى الكلمة تكيف شديد

**alzelafy** · 20-10-2012 04:54 AM

عيوب ايه يا باشا لما الزلموكه فيها عيوب يبقى البلاوى التانيه ايه و اللى قالك تكييف و بتسخن و الحوارات دى معلش دة واحد عمرو ما ركب مرسيدس اصلا عشان لو ركبها مكنش قال كدة ابدا ---- دى العربيه الوحيدة اللى علمت فى دماغى هى و العيون طبعا

**yehiaabdelrhim** · 20-10-2012 03:48 PM

يا باشا اللى قالك كدة على الزلمكة يبقى عمره ما ركبها اصلا
او العربية فيها مشكلة
انا معايا زلمكة 1994 بقالها 7 سنين معايا و ما شاء الله التكيف بتاعها مش تلاجة ده فريزر
انا ببيعها دلوقتى وانا زعلان والله

**mr mostafa** · 20-10-2012 11:14 PM

لون 1994 اللى مع حضرتك ايه وحالتها ايه

**alzelafy** · 21-10-2012 03:28 AM

العربيه دى يا باشا لا قبلها و لا بعدها عربيه محترمه جدا جدا جدا و اوعى تقول كلمه عيوب تانى فى مرسيدس ... دى وحش الطريق بس دور على عربيه نظيفه و انتا عمر ما هيملى عينك عربيه من عربيات اليومين دول و لما هنعوز تغير هتدور على العيون و لما هتعوز تغير العيون هتجيب الفياجرا (عربيه) عشان محدش يفهمنى غلط و بعد كدة ال سى ال اس و هكذا و انتا طالع

**mr_sameh** · 23-10-2012 02:27 AM

انا فعلا بفكر جديا في الزلموكه لكن منتظر اعرف اخبار استهلاك البنزين ايه

**mr mostafa** · 23-10-2012 03:18 AM

بص يا باشا لو كاربراتير ومظبوطة صح وإبرة الكاربراتير hc الاصلية تعملها فى حدود 350 جنية كدا فى الحالة دى العربية تعملها 200 كيلو على الصفيحة مع التكييف تعملها 190 كيلو على الصفيحة اما لو رشاشات ودى بتبدأ من اواخر 90 وحضرتك طالع بقى دى بتوفر جامد عن كدا لو الرشاشات مظبوطة ظبطت كمبيوتر صح