الخرابيش أو الخدوش على التابلوه وفرش الابواب

**heka_m_y** · 10-09-2012 03:37 PM

يمكن دى اول مرة أطرح هذا الموضوع للنقاش مع انه موضوع يمكن البعض يشوفه موضوع تافه ولكنى اريد بعض الاراء والحلول لهذه المشكلة .

انا عربيتى شارك ولون الفرش الداخلى اسود وطبعا خامات التابلوه من الفايبر والفرش الداخلى للابواب جلد وفايبر ايضا وطبعا ابنى الصغير ساعات يلعب فى الباب أو فى التابلوه فيحدث به بعض الخرابيش أو الخدوش البسيطة .. وطبعا بتبقى باينة ومتلاحظة لان الخربوش بيبقى عبارة عن خط فاتح وكتير من الناس حد فك الكاسيت مثلا فترك اثارا على التابلوه أو شىء من هذا القبيل .

فلو سمتحوا أريد فتح باب المناقشة حول هذا الموضوع بالاخص للى عنده حلول أو جرب شىء لمحو هذه الخرابيش من سيارته .

وهابتدى بنفسى انا قرأت كتير فى منتديات اجنبية حول هذا الموضوع فمنهم من يرى أن الخرابيش لا تمحى الا باستخدام السيشوار الساخن حول الخربوش ثم مسحة بلطف .

ورأى اخرى يقول استخدام البوليش ثم تلميع المنطقة بأى سائل تنظيف لان المنطقة ستصبح بعد البوليش مجيرة شوية .

ورأى اخر يرى انه يجب رش المنطقة وانا ضد هذا الرأى طبعا

ورأى أخر غريب شويةوأنا اسف انى بشرحه وهو يرى أنه يبلل أصبعه من فمة ثم يمسح الخدش بقوة وطبعا انا اسف لقول هذا ولكن والله ده كان احد الاراء على المنتدبات الاجنبية .

ورأى اخر يقول انه يجب مسح الخدش بقطعة صوف ثم تلميع المنطقة .

ورأى اخر يقول انه يجب استخدام شىء يسمى مستر كلين وهو عبارة عن سفنجة ومسحوق زى مساحيق الغصيل عندنا .

ورأى اخر يقول انه يجب استخدام شىء يسمى ScratchX أو Scratch OUT وهو منتج من منتجات فورميولا 1 وانا بصراحة مش عارف بيتباع فين

ورأى اخر يستخدم اقلام الفلوماستر لدهن الخدوش وطبعا انا برفضه لانه ممكن يبهدل ملابس اللى يلمسه .

* على فكرة انا جربت البوليش وجبته بـ 40 جنيه من كارفور ولم يأتى بنتيجة مرضية .

* ومن ملخص هذه الاراء كلها طلعت بنتيجة واحدة وهى انه يجيب تسخين المنطقة وانا مش عايز اخاطر بذلك ولكن بعد تفكير أحضرت قطعة قماش بوليستر ناعمة جدا لمسح منطقة الخدش بقوة واثناء المسح بطريقة سريعة ستسخن المنطقة عن طريق البوليستر والمسح يجعل سطح المنطقة متساوى اى يذوب حروف الخدش مع المنطقة كلها زى فكرة السنفرة ثم تلميع المنطقة بأى سائل تنظيف .. وعلى فكرة انا فكرت فى هذا الشىء ولكن لسه مجربتوش .

أرجو ممن يهمهم الامر ان يفيدونى بأراءهم فى هذا الموضوع واسف لعدم أهمية الموضوع بالنسبة للبعض .

**akmm** · 10-09-2012 03:54 PM

مفيش موضوع عن السيارات اومشكله نقول عنها مش مهمه .... المهم العرض الجيد للمشكله وده حضرتك عملته مشكورا واضفت عليه بعض الحلول لها وحتى لو ماكنتش جربتها وقلت رايك الشخصى عن كل حل ... والمهم مشاركه باقى الأعضاء لأنه ممكن يكون فيه حل عند عضو للمشكله دى وهو جربه ونفع اولم ينفع مع ملاحظاته عليه ... وهنا تتحقق الفائده للجميع .