خبراء اللاب توب

**alex_life1989** · 12-09-2012 07:34 AM

ان شاء الله ناوى اجيب لاب توب فى حدود 3.500
فى ماركة معينة حد يفضلها ليا فى الشراء
انا كنت شوفت حاجة صناعة المانى و مواصفاتها كويسة هيا دى كويسة ولا فى حاجة افضل

**Dr_Mido** · 12-09-2012 07:35 AM

هتعمل بيه ايه

**akmm** · 12-09-2012 10:45 AM

حاليا الماركات الكويسه ديل ولينوفو .

**MohammedAladel** · 12-09-2012 12:53 PM

أدخل على الموقع دا وشوف العروض
www.egyptlatop.com
عامة عشان يكون فى بالك إن كل اللابتوبات صناعة صينى والله أعلم

وبصراحة الماركات كلها كويسة مفيش حاجة وحشة بس على حسب الإمكانيات اللى إنت عايزها من الجهاز جهاز هتلعب عليه وجرافيكس أو جهاز استخدام عادى

هو الديل كويس وسعره كويس كمان بالنسبة للأمكانيات
السونى جميل برضه بس سعره غالى شوية بإمكانيات أقل
عندك إتش بى

وإيسر ولينوفو وتوشيبا (على ما أعتقد بيتجمع فى مصر سعره غالى شوية فى الحديث منه عشان توكيله فى مصر بس أنا شايف إنه أكبر عيب فيه إنه تبع شركة العربى )
كل دى ماركات كويسة مفيش حد اشتكى منها فيه ناس اشتكت من سخونة الإتش بى فى بعض الموديلات ولكن بيبقى سوء استعمال أو كل جهاز بيبقى ليه ظروف عمل معينة لو مش متوفرة طبيعى إنك مش هتاخد الأداء الكامل للجهاز

بالنسبة للإتش بى ميزته إنه ضمانه عالمى

**mem** · 12-09-2012 02:09 PM

اول شى السونى تشوفه
وبعدين التوشيبا دول افضل حاجه

**semi** · 12-09-2012 02:57 PM

هو المبلغ هيحجم اختياراتك طبعا فلو عايز ماركة كويسة
كنت هقولك سوني فايو
لكن بمقدار المبلغ انصحك بسامسونج ماركة مش مشهورة في اللابتوب
بس ممكن بالمبلغ ده تجيب امكانيات عالية بالسامسونج
ونفس الكلام لينوفو الاتنين لسه جداد بس بينزلوا امكانيات عالية باسعار اقل
او لاما بقى تتجه للماركات التقليدية hp , toshiba , dell وسيبك خالص من asus , acer
او اي ماركات غريبة تلاقيها غير اللي فوق

**eslamsubaru** · 12-09-2012 04:01 PM

بص يا باشا انا معايا FUJITSU لسه جايبه من 4 شهور . مواصفات :
Core i3 , 6 g RAM , 320 HD
الجهاز صناعة و تقفيل المانى 100% ده أكيد . الحاجة الوحيدة اللى فيه مش المانى البطارية : صناعة يابانى و تقفيل صينى.
الجهاز فى المجمل 100% من حيث السرعة و وقت الشغل و مبيسخنش , الميزة اللى فيه كمان ان فيه 2 مروحة للبروسيسور واحدة من تحت و التانية من الجنب و دى ميزة لان مروحة تحت ممكن تتسد لو انت حاطط الجهاز على سطح مش مستوى.
الجهاز فيه 3 usb
1 HDMI
1 RGB port
الجهاز فيه كارت شاشة محترم 1650 بيشتغل بكامل طاقته علشان الرامات 6 جيجا.
الجهاز كان عامل ايام ما جبته 2700.
فيه امكانيات أعلى فى الماركة دى ممكن تشوفها و بالسعر اللى معاك.

**MohammedAladel** · 12-09-2012 04:16 PM

مفيش حاجة اسمها سيبك من أسوس وإيسر ولينوفو لسة جديد الماركات دى محترمة جدا للعلم

اللى مغلى السونى الشهرة مش أكتر مش عشان هو الأحسن دايما ولا حاجة دا من وجهة نظرى

بل بالعكس دا الناس بتشكر جدا فى اللينوفو دا بالذات وإيسر عن تجربة مع إبن عمى لاب توب جميل جدا

السونى فايو بصراحة شكله جميل من برا

والديل ستوديو تحفة برضه

والاتش بى بافيليون بكل أنواعه جميل شكلا وامكانيات

**S O P H O S** · 12-09-2012 07:50 PM

المشاركة الأصلية كتبت بواسطة eslamsubaru

بص يا باشا انا معايا fujitsu لسه جايبه من 4 شهور . مواصفات :
Core i3 , 6 g ram , 320 hd
الجهاز صناعة و تقفيل المانى 100% ده أكيد . الحاجة الوحيدة اللى فيه مش المانى البطارية : صناعة يابانى و تقفيل صينى.
الجهاز فى المجمل 100% من حيث السرعة و وقت الشغل و مبيسخنش , الميزة اللى فيه كمان ان فيه 2 مروحة للبروسيسور واحدة من تحت و التانية من الجنب و دى ميزة لان مروحة تحت ممكن تتسد لو انت حاطط الجهاز على سطح مش مستوى.
الجهاز فيه 3 usb
1 hdmi
1 rgb port
الجهاز فيه كارت شاشة محترم 1650 بيشتغل بكامل طاقته علشان الرامات 6 جيجا.
الجهاز كان عامل ايام ما جبته 2700.
فيه امكانيات أعلى فى الماركة دى ممكن تشوفها و بالسعر اللى معاك.

حضرتك لو فكيته هتلاقي الرام مش صناعة الشركة وصيني ايضا المروحة صيني
وبالاضافة للبطارية كما قلت وايضا الشاحن وده مش عيب فيه لكن كل الماركات اصبحت متشابه
الا فموديلات العالية
عموما بالمبلغ ده شوف توشيبا هيكون امكانيات متوسطة بجودة معقولة
او ديل امكانيات هتكون اعلي من التوشيبا
او اسوس وده لو عاوز مقاش شاشة 14 وهيكون الخيار الوسط وضمان سنتين
والله اعلم ..

**MohammedAladel** · 12-09-2012 08:34 PM

وزى ما قال العضو الفاضل فوجيتسو سيمنز كويس برضه

بس أعلق على حتة المروحتين مش عشان فيه مروحتين يبقى نسد الفتحة اللى تحت أعرف الاول تصميم المروحتين دول لأنى شفت جهاز سيمنز فى حالة السخونة بتشغل مروحة بتدوس على زرار

يعنى دى مش ميزة ولا حاجة تميزه بيها عن باقى الأجهزة لأن كل جهاز ليه نظام معين تصميم معين

عامة كل الأجهزة مينفعش تقعد بيها وتحطها على قماش السرير مثلا عشان متسدش فتحات التهوية
لأنه المروحة بتسحب هواء من تحت ترميه برا من الفتحات اللى على الجمب