الموضوع: ممنوع تركيب جهاز انذار للفنتازيا 2012

[justify]
أساتذتى مشرفى المنتدى وأعضائه المحترمين
اكرمنى الله بشراء الرائعة فانتازيا 2012 وعزمت وتوكلى على الله ان اول حاجة حركبها جهاز انذار سواء كان عادى او من الجى بى اس تراكر اللى مش خسارة فيها وبعد ما استلمتها بحمد الله انتظرت لحد ما رخصتها وقبل ما اروح بيها اتصلت على طول بالتوكيل علشان حتى اشوف نوع الانذار اللى عندهم واللى حيقولولى عليه بحيث يكون متوافق معاها حركبه او حتى لو قالى هات الانذار معاك كنت حاختار احسن حاجة
وجاءت الصدمة انهم مش بيركبو الانذار ليها علشان معندهمش وان النذارات التانية دى مش بنركبها علشان مش صح على كهربة العربية وانها صعب اختراقها فرديت ان الموضوع مش اختراق بس انما علشان لاقدر الله لو اتخبطت وهيه واقفة والا كان في محاولة لسرقتها بالكامل والا اى حاجة ولكن لا خياة لمن تنادى وعدت الايام والحمدلله على كل شىء العربية اترزعت واحد دبشة فى البربريز اللى قدام وجرحت القيم اللى فى الشمال واعتقد انى ساعتها كنت واقف فى البلكونة ولكن العربية مركونة فى داخلة الشارع اللى جنبى على طول ولو كان فيها جهاز الانذار كانت زمرت او عملت اى شىء انا راضى بقضاء الله والحمد لله والف حمد لك يا ربى انها جت على قد كدة بس انا اللى مزعلنى اعتقد انها كانت حركة مقصودة
المهم سؤالى للسادة الأعضاء والمشرفين هل لديهم علم بأمكانية تركيب الانذار فى التوكيل حتى لا تخرج من الضمان خاصة وان معظم السيارات فى الفئات الاقل بيركبو الانذار فى التوكيل (شيفورليه على سبيل المثال وذلك عن تجربة مع زميل لى وزبطهوله كمان وخلاه لما يشغل الانذار الكهرباء بتفصل من الموتور وعملة شوية شغل زى الفل
اسف على الاطالة وارجو الرد
والسلام عليكم ورحمة الله وبركاته
[/justify]

وكمان مش عايزيين ننسى موضوع سرقة الطاسات أو العجل لا قدر الله برضة تعمله قلق شوية وكله فى الأول والأخر على الله