الموضوع: حد يعرف حاجة عن اجراءات الاستيراد ؟؟

سؤال ممكن يبان غريب شوية في الظروف اللي انا فيها و الحادثة اللي عاملها و كده يعني
بس انا لاحظت حاجة علي النت ان الفورد منتشرة جدا في اوروبا و خاصة الاسكورت (في انجلترا الاسكورت الليفت باك هي دي ال128 بتاعتهم ) و ليها قطع غيار بالهبل و اكسسوارات تحفة علي امازون و اي باي و مواقع تانية و قطع الغيار جديدة مش مستعملة و بعد ما تحسب فرق تحويل العملة و الشحن علي قطعة واحدة هاتلاقيها بنفس سعر اللي بيتباع هنا استيراد او اعلي حاجة بسيطة و الفرق بينها و بين اللي بيتباع هنا جديد رهيب و طبعا الجودة مافيهاش كلام و أكيد لما عدد القطع بيزيد مصاريف الشحن بتقل ؟
السؤال بقي هو انا لو طلبت الحاجات دي من الموقع هادفع جمارك عليها لما تيجي ؟؟
و لو هادفع هادفع كام ؟؟ كنسبة ؟ حد جرب الموضوع ده قبل كده يقولنا ؟
و لا الجمارك هاتاكل الفرق ده كله ؟
ماهو مش معقولة الاقي طرمبة المية استيراد ب650 جنيه و الاقيها برة جديدة ب 120 دولار (غير الشحن ) و الشحن برة بالوزن يعني لو طلبت حتتين تلاتة و ماعدتش الوزن هاتتحاسب بنفس سعر الشحن و التكلفة طبعا هاتقل..
بس انا خايف من هنا و الجمارك اللي هنا
منهم لله اللي عملوها كده ياما التاجر يسرقك ياما الحكومة تستهبلك

والله انا كنت دخلت على المواقع ولما سالت عرفت ان شركة الشحن الى هتوصلك الحاجة هتدفع اللازم كلة وتحاسبك علية وهى بتسلمك يعنى لو فية لعب شركة الشحن هى الى ممكن تلعب اسال فى الجمرك وشوف