خبطت العربية ! !

**os.a.ma** · 15-09-2012 01:53 AM

انهردة للأسف وانا بخرج العربية من الجراج خبطت العربية من الباب اليمين الي ورا في الرصيف الخبطة كانت خفيفة لكن الرصيف ما شاء الله معمول من فوق بحديد جابلي نص الباب والفيبر الي تحت الباب دمرهم ...
نزلت من العربية كنت هموت جنبها وخصوصا انها مكملتش 1000 كيلو معايا لسه لكن في الآخر قدر الله وما شاء فعل .

**maheralsisi** · 15-09-2012 02:40 AM

لو مش ماثرة سببها تاخد العين لحسن انت لسة هاتتشوي
انا كان معايا عربية كل ما اظبطها تتخبط في اقل من 48 ساعة لحد ما زهقت و اتخبطت خبططين و سبتها ما اتخبطتش تاني و الله كنت عامل عقد مع بتاع قطع الغيار كل اسبوع يشيلي وشين فانوس لحد ما سبتها زي ما هي ماحدش قرب لها تاني
تقريبا الناس بتخش ع العربية النضيفة علي اساس ان صاحبها مهندم و محترم ما دام مراعيها انما لو مبهدلة يقولك ابعد عنها احسن صاحبها (لامؤاخذة ) عربجي
ده انا الميكروباص بقي يوسع لي السكة و يخاف و التكاتك بقت تركن لما تشوف العربية
بصراحة العربية المبهدلة في مصر هيبة هيبة يعني
و العربجة و قلة الادب اللي بيحفظوا حقك مع الاشكال اللي ما يعلم بيها الا اللي خالقها