سيفيك 2008 ولا تيدا زيرو ولا كارينز ؟

**ahmad_82_03** · 15-09-2012 03:36 PM

السلام عليكم
بعد اذنكم ياجماعة وخصوصا اهل الحكمة والخبرة عايز رأيكم فى مقارنة غريبة شوية
انا كنت بفكر اجيب تيدا او كارينز زيرو بالتقسيط يعنى حاجة عائلى كده .. وكنت بسأل وادور وكده بس حصل حاجة برجلتنى شوية
معروض عليا هوندا سيفيك بتاعت واحد صاحبى جدا استلمها فى 10/2008 يعنى اخر 2008
وعاملة 60.000 كم وكل صيانتها فى التوكيل حالتها ممتازة لأن صاحبى ده تقريبا كل استخدامه ليها عالطرق السريعة مش فى وسط البلد وانا اعرفه كويس وعارف العربية عاملة ازاى
هو عايز يبيعها على 106000 على اخر السنة ونخلصها من البنك لأن فاضلها تقسيط سنة .. لو خدتها انا وكملت تقسيط السنة ده هتقف عليا ب 108000 خلاف انى هضطر ادفع 4000 جنيه تأمين لمدة السنة دى
بصراحة متبرجل ومش عارف هل المبلغ ده كويس عليها ولا كتير .. واثبت على اللى كنت بفكر فيه التيدا والكارينز ولا اخلص السيفيك لأنى شايفها فرصة كويسة ولقطة
انا لو خلصت فى السيفيك هدفع كل اللى معايا حاليا بخلاف انى هدخل جمعيات عشان اكمل فلوسها
محتاج حد بيفهم يفكر معايا .. ارجو النصح لوجه الله

**S O P H O S** · 15-09-2012 08:52 PM

سيفيك
والله اعلم ..

**mohamed_selim** · 15-09-2012 09:08 PM

حضرتك احتياجك ايه؟
لومساحه كبيره و حاجه لعيله و سفر يبقى كارينز
لو طريقك مكسر او فى مطبات السيفيك واطيه و هتحك
لو طريقك عادى و بتحب الجرى و العيله مش كبيره اوى السيفيك كويسه و التيدا كويسه برضه ... الخلاصه انت حدد ظروفك ايه و تشوف مين فى دول بيديك احسن مواصفات بالنسبه لاحتياجاتك

**kliken** · 16-09-2012 12:27 AM

السيفيك طبعا ما شاء الله عليها و انا بحبها جدا
التيدا من العربيات الجميله صالونها واسع جدا عاليه ما بتحكش فى اى مطب
الكارينز واسعه برضه بس انا عن نفسى مش بحبها بس هى عربيه عمليه و كويسه برضه
حضرتك شوف احتياجاتك و خد لفه فى اقسام العربيات دى هنا فى المنتدى و ربنا يوفقك للخير

**szaalouk** · 17-09-2012 12:05 PM

حضرتك احتياجاتك ايه ؟؟؟
السيفيك عربيه تحفه بكل المقاييس لكن لو العيله معاك علي طول و محتاج مساحه للشنط
فتخرج السيفيك من حساباتك لأن شنطتها علي قدها مش زي التيدا السيدان ولا الكارينز
طبعا الأختيار التاني لو انا اللي بقارن يبقي التيدا
عربيه سمعتها محترمه
موفره في البنزين بكتير عن الكارينز
ثباتها جيد ( لن اقول ممتاز ) امال السيفيك تبقي ايه ممتاز جدا جدا جدا جدا .
توكيل محترم جدا و ان كان توكيل كيا ايضا من التوكيلات القويه المحترمه في مصر .
سعر اعاده البيع ايضا لصالح الكيا ( متماسكه اكثر من التيدا عند اعاده البيع )
تحياتي

**Mohamed.Ramah** · 17-09-2012 03:12 PM

بلاش مستعمل لو فى مقدرتك تجيب جديد
بتدور فى فئة MPV الافضل من الكارينز ارشحلك PEUGEOT 207 SW

التيدا الشكل الحالى لو حينتجو منة السنة القادمة حتكون اخر سنة وبعدها حيتوفر موديل جديد كليا من التيدا HB

الافضل منها Mazda3 والاقرب اختيارا للسيفيك وبالتوفيق فى الشراء