الموضوع: عندما تعشق الشيكولاته شدايه نار

اولا كده الموضوع ده للرجاله المبتقدرش تتحكم فى الادربنالين و متهورين ووحشين
و شابل قلبو و حاطط علبه بولاك اسود
مع الاعتراف الكامل باخطاء الفادح بس هنقوزل ايه قله عقل و تهور شباب
بعد الدباجه الطويله دى نخوش فى القصه
جه صديقى احمد ماهر و قالى هنقاضى يوم فى بورتو السخنه و يلا و كده قولت اشطه
قالى بس معيا ناس اصاحبى من الجامعه هيجو معانا قلتلو و انا كمان هجيب اصحابى و هتبقى لمه
قالى مفيش مانع
اتفقنا هما فى عربيتين و احنا 3 عربيات علشان انا اصحابى كلهم شبطو فا كونا 14 واحد
و هما كانو 8 تقريبا
العربيات الطالعه العبد لله و فيات برافو 120 حصان و النترا hd مانويل
و احمد ماهر صديقى بعربيتو فنتازيا و صديق احمد ماهر و هو المدعو اسلام زباله
هو اسمو كده اسلام زباله و الله العظيم و صديقو كان اسمو عطوسه و دو كانو اصاحبو من الجامعه
و الريس اسلام معاه عربيه النترا الجديده هاى لاين md يعنى
حابب اوصفلكو اسلام زباله لان انا كنت محتار فى تصنيفه
هو اولان لابس بنطلون نبيتى و تيشرت اخضر فى اصفر
و كاب ابيض و نضاره شمس كبيره جدا تقريبا مغطيه خدودو
لابس فى ايدو 3 دبله و 2 خاتم و بيتاع 70 حظاظه و 3 سلاسل
و كوتشى اورانج و قاطع حته من حواجبو و على طول السوجاره فى ايدو حتى لو مطفيه
طبعا الانطباع الاول انو شاب توك توك
بس مش فاهمو ساكن فى المعادى و ابوه مدير بنك ليه مختار الاستيل و الاسم ده الله اعلم
المهم اتعرفنا على بعض و دخلنا مونا من البنزيه العنج كوبى الجيش دى و دوسنا فى الطريق
طبعا انا مش فى دماغى اى شد لانى لسه طالع من حادثه محترمه ربنا يعفيكو لاكن الانسان بطبعو دماغو تعبانه
اولان المنوشات الاولى كانت بين الانترا من الجيلين
و احب اقلكم ان الانترا hd مانويل سحبها جبارررررررر
جيه الاستاز اسلام فى الاول و لقيتو كيك داون فى التانى و بيجرى مع نفسو كده على اساس نسخن معاه
محدش عبرو هههههههههههههههه كان شكلو عبيط اوى و هو بيجرى لوحدو
قام الانترا التانى الهو hd قام مسقت نقله و جابو و عداه كل ده فى رينج ال 140 150 و احنا وراهم بنتفرج طبعا
زعلو فوق و تحت من الاخر عربيه خيش و قش يمكن علشان الركبها اسمو زباله فا هى مخنوقه منو
طبعا الفنتازيا ماشى مش فى دماغو الشد
القصه هنا مع بيتاع البرافو بقا الواد ده برنس فى الشد و هو ده الكنت مستنيه علشان اشد معاه لان البقين قشطه بالنسبالى
المهم كلنا بنجرى انا جريت و البرافو جرى مشاء الله العربيه دى فعليا حاتيه
طبعا لليعرف طريق القطاميه هو كولو استريت مع كام ملف فا الشديه شدايه ماوتير
فا انا قولت بلاش انا
طبعا البرافو كان قدام 220 ووراه النترا hd فى ضهرو و الفنتازيا و الاmd جنب بعض و انا وراء خالص
لحد مخلصنا الطريق و دخلنا فى الزعفرانه و ملفات الرعفرانه
طبعا انا و البرافو نصبنا السرك فعلان 20 كيلو فيلم رعب و الفنتازيا عمل معانا شغل كويس
لاكن الانترا الاتنين سورى و لا ليهم فيها فى الملفات و الهارد بريك و ريحت الشياط و الجو ده
المهم وصلنا فا الاخ اسلام زباله نزل من عربيتو سجارتو فى ايدو
و قال انتو مبتعرفوش تجرو يا جدعان انتو غلابه قوى
المهم قالو احمد يا عم اتلهى
قالنا طيب و احنا راجعين نشوف مين هبعلم على التانى قالنالو قشطه و الرهان على ايه
قال التقولو عليه انا قلتلو انا جنب بيتى رويال هوس تجيبلنا كلنا شيوكلاته و الكميه النعوزها
قال موافق
قال مين هيطلع معايا قلتلو انا قالى لا انتا 2500 قالتلو لا انا هطلع معاك بابرافو و اهى 1400 يعنى هتزعلها قالى موافق
دخلنا برتو و قضينا اليوم طبعا الحصل فى اليوم ده ميتحكيش ضحك السنين اصلن بلاش فضايح
و احنا راجعين بقا كانت الساعه 10 بليل كده عادل قلتلو اركب انتى عربيتى
و هات البرافو اربى الواد ده قالى بيس يا معلم بس اوعى تقلبها دنا لسه مفرحت بيها بلتلو لو قلبتها فديا هههههههه
قالى قشطه طلعنا من البوبات طريق الزعفرانه ضلمه كحل
و الواد طبعا من ارهاق اليوم فا قلبو مات و دماغو ساحت و انا راحت منى عليه
المهم طبعا البرافو زاحفتو طول الزعفرانه غرز و ملفات و الانتر المانويل كانت معانا برضو
دخان طريق القطاميه ماوتير زعلتو غرز زعل ملفات زعل لدرجه انو كان
هيتقلب اكتر من مره فى الملفات و الدنيا ضلمه جدا و انا حاطو وريا مطلعش لا فوق و لا تحت
العربيه دى من 80 لى 140 سفاحه تزعل اتخنها 1600 و 200 كمان فى مصر ووصلنا البوبات فى امان الله
انا الاول و الانترا وريا و بعدين ال الانتر ال md تالت ورنا
و طلعنا على رويال هاوس جبنا كلنا شوكلاته كنا 22 واحد لاكم ان تتخيلو الراجل ده دفع
شيكولاته بكام ب 700 جنيه اقسم بالله علشان يبطل يشد بقا و ربنا يهديه و طبعا دفع بالفيسا كارد
الدروس المستفاده
ربنا يباركك لاصحاب البرافو فيها
لانترا المانويل حاتيه
الفنتازيا ثابته ثبات السنين
الانترا md هما فين ال 140 حصان و ضهرها عامل زى الاستيك و ملهاش اى استيل و هى بتجرى بس شكلها امور
الطريق بيتاع القطاميه ده جامد جدا
طريق الزعفرانه ده طريق الموت
و اسف لو طولت عليكم