استفسار صغير فى صيانة لانسر شارك

**dedomagy** · 16-09-2012 07:16 PM

كنت عايز استفسر
1- اية احسن نوع زيت فتيس + العربية بتاخد كام لتر وفية فلتر ولا لا
2-احسن نوع ماء رادياتير + كام لتر
3- اية اللى بيتعمل فى صيانة ال 40000
4- رقم تيل الفرامل الاصلى
5- الصيانة فى الرواس ولا دايموند احسن؟؟
6-والمساحات بتاعتها تتجاب منين وياريت المقاسات
والف شكر مقدما على الاجابة

**M.Mohsen_Saleh** · 05-11-2012 10:53 PM

غريبة محدش مهتم يجاوب !!

عموما هقوللك اللى أعرفه و يا ريت اللي عندي معلومة ميبخلش بيها , و اللى بيفتي ميكتبش اقتراحاته

بالنسبة لزيت الفتيس لسه مش متأكد التوكيل بيستخدم زيت ايه و بلاش تحط أي نوع تاني غير اللى التوكيل بيستخدمه حتى لو مين اقنعك انه أحسن، عشان الموضوع مش بيتقاس كده.

مياه الردياتير استخدم التوتال الأحمر ، اشتري جركن 5 لتر هيكفيك

صيانة ال40 زيت موتور و فلتر أصلي مش هتلاقيه في السوق أبدا و فلتر هواء و التوكيل بيرجح انك تغير زيت الفتيس في الصيانة دي. طبعا ضروري تفك فلتر التكييف و تنظفه بالهواء و تشد ركلاش فرامل اليد
معلومة مهمة ركلاش فرامل اليد في العربية دي سهل مش بتفك العجلة من مكانها في طبة في حلة الفرامل الخلفية بتتفك و يدخل مفك فيها يظبك الركلاش، عشان ميجيش الصنايعى يعمل برم و يهد العربية و يدفعك فلوس اونطة

الصيانة في دايموند أحسن في انهم لسه جداد و بيحاولوا يجيبوا العملاء من الرواس و المصرية ، و دايموند حاليا بينش مفيهوش 10 عربيات في اليوم، متهيألي مش هيبقى في مشكلة مع الحجز

المساحات روح شارع دمشق عند محل المدينة موزع ngk و ده معروف اوي هناك ، عنده ريش مساحات ب 20 جنيه نضيفة جدا جدا مقاس 24 و مقاس 20 و ممكن تجيب مقاس أكبر أو اصغر درجة على كيفك

يا ريت يا جماعة اللى يعرف نوع الزيت من التوكيل يقوللنا عليه أرجوكم
و الفتي غير مطلوب تماما عشان الغلطة هتدمر فتيس أوتوماتيك

شكرا

**movies** · 06-11-2012 12:48 AM

دياموند بيحطوا زيت توتال للموتور و الفتيس بس فى الرواس بيحطوا موبيل ... الفتيس بياخد 9 لتر لو الزيت اتغير كله... بالنسبة لمقاس المساحات يبقى 24 و 16 .
صيانة ال 40000 فيه تغيير جمييع السوايل و الزيوت بتاعة العربية ( موتور - فتيس - فرامل - زيت الباكم - مياه ريدياتير ) + تغيير فلتر الهوا + الكشف على التيل .