أستفسارات كتيرة عن نظم معلومات إدارية (النقابه-البطاقة-الكورسات-هكذا)

**MaNoLa** · 17-09-2012 05:08 PM

أنا يا جماعة و بلا فخر بدرس فى نظم معلومات إدارية
طبعا المؤهل هيكون معادل لما تعطية الجامعات المصريه من بكالوريوس تجاره قسم نظم معلومات
و لينا الحق فى الأنضمام للنقابات
أى نعم أنا مش عارفة أية فايدة النقابه لكن سمعت أنها ضرورية جدا عشان يتم الأعتراف بيا

السؤال الأول :
أية أفضل كورسات فى مجال نظم معلومات إدارية لأن المجال دة مفتوح أوى فيه جرافيك و فيه قواعد بيانات و أوراكل و حاجات كتيـــــرة جدا لا تخطر فى البال

السؤال الثانى :
البطاقة دلوقتى سمعت من ناس كتيرة أنه هيتكتب فيها حاصلة على بكالوريوس نظم معلومات إدارية و دا لأن كلمة مهندسه حاسبات أو مبرمجه حاسبات أو غيرها حاليا مش بتتكتب فى البطاقة و أنا كان نفسى أوى أكتب فى البطاقة مبرمجه أو أى حاجة عليها القيمة الكلام دة حقيقى و أية المهن إلى ممكن تتكتب فى البطاقة ؟ و هل لازم ورق رسمى من عمل حكومى يفيد بأنى أعمل فى هذه المهنه ؟

السؤال الثالث :
النقابه بقى أية الأوراق اللازمة لأستخراج كارنيه النقابه و هل يشترط أثناء أستخراج كارنيه نقابة التجاريين أنى أعمل فى جهة حكومية ؟ زى نقابة المحاميين يتهئ لى لازم يشتغلوا سنتين فى المحكمة ؟

**wallace** · 18-09-2012 01:55 PM

أولاً ربنا يوفقك

بصي أنتي إن شاء الله هتكوني تبع نقابة التجاريين ومش هتفرق كتير اشتركتي ولا لا يعني الموضوع فيه حرية وشوية امتيازات بسيطة للمشتركين

أما بخصوص الشغل والتخصص فإنتي هتدرسي مواد تجارة ومواد حاسب وزي منتي قولتي درستي حاجات كتير من قواعد بيانات ومالتي ميديا وجرافيك وبرمجة ,لكن بعد التخرج كل دا هتكتشفي إنوا عبارة عن نبذه بسيطة في تخصص واحد منهم ,يعني أعتبري نفسك بتقرأي صفحة من كل كتاب او كل تخصص وبعد التخرج تختاري التخصص الأنسب ليكي

بخصوص البطاقة هيتكتب حاصلة على بكالوريوس نظم معلومات إدارية لان مينفعش نهائي يتكتب مهندسة إلا لخريجين هندسة أو التابعين لنقابة الهندسة فقط وزي مقولت لحضرتك انتي هتبقي تبع نقابة التجاريين

**MaNoLa** · 18-09-2012 02:36 PM

المشاركة الأصلية كتبت بواسطة wallace

أولاً ربنا يوفقك

بصي أنتي إن شاء الله هتكوني تبع نقابة التجاريين ومش هتفرق كتير اشتركتي ولا لا يعني الموضوع فيه حرية وشوية امتيازات بسيطة للمشتركين

أما بخصوص الشغل والتخصص فإنتي هتدرسي مواد تجارة ومواد حاسب وزي منتي قولتي درستي حاجات كتير من قواعد بيانات ومالتي ميديا وجرافيك وبرمجة ,لكن بعد التخرج كل دا هتكتشفي إنوا عبارة عن نبذه بسيطة في تخصص واحد منهم ,يعني أعتبري نفسك بتقرأي صفحة من كل كتاب او كل تخصص وبعد التخرج تختاري التخصص الأنسب ليكي

بخصوص البطاقة هيتكتب حاصلة على بكالوريوس نظم معلومات إدارية لان مينفعش نهائي يتكتب مهندسة إلا لخريجين هندسة أو التابعين لنقابة الهندسة فقط وزي مقولت لحضرتك انتي هتبقي تبع نقابة التجاريين

ميرسى جدا على المعلومات الكتيرة أوى دى
بس أنا بحب مجال تصميم المواقع و الأوراكل , و مش عارفة أخد كورسات أية فى الأتنين دول !!
بالنسبه للبطاقة هيتكتب المؤهل بس مش المهنه
يعنى على سبيل المثال
خريجه حقوق بيتكتبلها محامية - تجارة محاسبة بيتكتبلها محاسبة
نظم معلومات إدارية بيبقى أية ؟

**wallace** · 18-09-2012 02:44 PM

المشاركة الأصلية كتبت بواسطة MaNoLa

ميرسى جدا على المعلومات الكتيرة أوى دى
بس أنا بحب مجال تصميم المواقع و الأوراكل , و مش عارفة أخد كورسات أية فى الأتنين دول !!
بالنسبه للبطاقة هيتكتب المؤهل بس مش المهنه
يعنى على سبيل المثال
خريجه حقوق بيتكتبلها محامية - تجارة محاسبة بيتكتبلها محاسبة
نظم معلومات إدارية بيبقى أية ؟

بيتكتب فني حاسب ألي :)

بس لو مفيش شغل بتبقا حاصل علي مؤهل كذا ..

بخصوص تصميم المواقع والأوركال فكل حاجة منهم تخصص لواحدة ,يعني حتي الأوركال تخصصات :)

بصي بخصوص تصميم المواقع عشان كنت شغال فيه أنصحك تتعلمي بنفسك والموضوع سهل وبسيط

لو أنتي في الدراسة دلوقتي خلصي دراستك وفي الصيف أتدربي وأتعلمي تصميم المواقع

أما لو كنتي خلصتي دراسة فما أكثر الكورسات سواء الأجنبية أو العربية وإن كنت أنصحك بكوسات شركتي Lynda و total training

**mohamed_selim** · 18-09-2012 02:51 PM

البطاقه بيتكتب عليه حسب النقابه كاتبه المسمى ايه فى الورق ... مثلا فى حاله تبع نقابة العلميين مره كتبو حاصل على بكالوريوس حاسب الى و مع التجديد كتبو اخصائى حاسب الى ... زى ما هيكتبو هيتكتب فى البطاقه

بالنسبه لحالتك اظن نفس الكلام لو هتختمى الورق من النقابه اما هيكتبو حاصلة على بكالوريوس نظم معلومات إدارية او اخصائية نظم معلومات اداريه او اى حاجه مشابهه