الموضوع: ايه موضوع شهادة البيانات دا ؟؟ بعد اذنكم

العربية لما رخصتها تنتهي بيحتاجو شهادة بيانات من المرور
و دي اعتقد بملغ بسيط او مجانا ( مش فاكر بصراحة )

بص ياسيدي لما بيبقى معاك توكيل وعايز تسجل باسمك والرخصه ساريه وترخص بتروح بالتوكيل الشهر العقاري تعمل عقد باسمك وتطلع على المرور بالعقد وشهاده مخالفات وتنجز الليله كلها

----------------

انما الرخصه خلصانه يعني مالهاش لازمه

بتروح بيها على المرور التابع للعربيه وتطلب منهم شهاده بيانات للشهر العقاري ولو انت هتسجل في مرور مختلف بتطلب برضو شهاده بيانات للمرور التاني
دي عباره عن ايه انه بيطلع ملف العربيه ويتاكد من كل حاجه

ويديك شهاتين بالبيانات وحده موجهه لمصلحه الشهر العقاري والتانيه موجهه للمرور التابع ليك انت اللي هترخص فيه بعدين انما لو هترحص في نفس المرور الشهاده التانيه مش مطلوبه بس يامعلم وبياخدوا الرخصه منك

تروح انت بالتوكيل والشهاده الموجهه للشهر العقاري تعمل عقد باسمك
وبعد كده تروح المرور بالشهاده التانيه والعقد ومتنساش الوصل بتاع العقد مترميهوش وكمان التوكيل يبقى معاك برضو بس وترخص عادي جدا وبرضو لازم يبقى معاك شهاده مخالفات تجيبها من الي العربيه كانت مرخصه فيه
وشكرا

كل قصه شهاده البيانات انها احيانا في بعض الوحدات بتاخد وقت لانه بيطلع ملف العربيه كله من البدايه ولو العربيه مترخصه مثلا كزا مرا بيلاقي ليها كزا ملف اول ملف للرخصه ال 3 سنين مثلا وبعدها اترخصت سنه ف ليها ملف تاني بسنه ومفيش مانع من بعض الغباء من العساكر الي هناك يرجع يقولك ملقتوش تقوم مهزقه يروح يجيبه بسرعه وكده يعني

Opelawy
متشكر يا باشا ع الرد ربنا يخليك

حماده المصرى
احب انا الشرح بالتفصيل D:
ربنا يخليك يا باشا متشكر جدا
انا كدا فهمت كل حاجة
ربنا يكرمك يارب