الموضوع: حابب افضفض

تفائل بالخير تجده
محدش عارف بكرة في ايه
مش جايز ربنا بيجهزلك حاجة احسن من المحل؟

المشاركة الأصلية كتبت بواسطة eng f3lix

تفائل بالخير تجده
محدش عارف بكرة في ايه
مش جايز ربنا بيجهزلك حاجة احسن من المحل؟

ونعم بالله
مهو انا على طول كنت متفائل والله بس الواحد بيبقى غصب عنه لما يلاقى نفسه حجات بتضيع من ايده وهو مش عارف يتصرف والى عليه بيعمل اكتر منه لدرجه انه ممكن الواحد يبات فى المحل مع صنايعى علشان يخلص شغله ومتشكر جدااااا لحضرتك

طيب . اية اخبار ظروفك المادية واستعدادك للزواج ؟

المشاركة الأصلية كتبت بواسطة al_manara

طيب . اية اخبار ظروفك المادية واستعدادك للزواج ؟

الموضوع مش ظروف ماديه الموضوع متوقف انى ابقى بشتغل حتى علشان نفسى علشان اقل كلمه هتتقال انت هتصرف عليها من اين ؟ اهلك هيصرفو عليكم وانا مش من الناس ديه فلازم انى على الاقل انى يكون عندى شغل وشايف بجد ان البلد ديه دلوقتى مش فيها شغل كويس للشباب الا لو الواحد اشتغل شغل خاااااص علشان على الاقل يقدر يحقق الى هو عوزه لاكن بالنسبه لظروفى الماديه تماام بس انا عايز اعمل كل حاجه بنفسى اها اهلى ممكن يساعدونى بس مش يعملو كل حاجه اكييييد فهمت وجهه نظرى

المشاركة الأصلية كتبت بواسطة y a r i s

فضفض ياحبيبي ولايهمك كلنا اخواتك
بص هقولك حاجة في حكمة دايماً بتقول محدش بياخود اكتر من نصيبوا ... وتبقى في بوق السبع لكن مش مقسومالوا ومقسومالك
لكن خلي بالك ربنا لمن بيوقفلك المراكب السايرة فده لاحتمالين لاثالث لهما. اما لانك اسرفت على نفسك بالذنوب وقللت من الاستغفار ومبتسبحش ربك ولا بتستغفروا. غير كل فين وفييييين.

واما انك عبد صالح. وربنا ادرى بحالك. وعارف ان. لو موقفلكش المراكب السيرة هتيجي عاصفه قوية وتغرقك. لذلك حب ربنا سبحانه وتعالى يحمييك. من هذه العاصفه ومن هذه المشاكل. ... وانا مش هقولك لا تيئس لا يا حبيبي ئيئس. واحزن وكل حاجة بس متعندش يعني شايف الطريق ده مسدود شوف طريق غيروا مش تخش عكس الطريق وتحاول بكل الطرق انك تجاهد وتتعب ويطلع عينك في طريق مسدود. شوف غيروا يا ريس طرق ربنا كتيرررررررررررر

وحتى لو كانت فتاة احلامك .... لكن ربنا مش كاتبهالك شوف غيرها ياباشا حاكم خلي بالك النسوان دي اقدام. يعني تلاقي وحده حلوة وجميلة وشوها مفيش احلى من كده بس وشها وش نحس. وفقرية وهتفقرك ووحده عادية بس وشها وش السعد والهنا. ومن يوم ما ارتبط بيها كل يوم الخير بيجيبك من حيث لا تحتسب

ووالله بكسر الهاء كان ليا صديق عزيز اعرفوا ابن عز ابن عز من يوموا وكل سنة عربية وشياكة واناقه وحاجة بسم الله مشاء الله. حتى بيتوا مهندسة ديكور هيا الي لازم تيجي تصممهولوا وتفرشهولوا ويقلك لا لازم تكون مهندسة علشان اللمسة النسائية تطغى على البيت النهاردة تعاله شوفوا بعد ما اتجوز. باع العربية. وباع الموتسيكل الهارلي بتاعوا. وقفل محل الموبيلات. وباع شركة ابووه بعد ما مات وباع بيت ابوه وعربيت ابوه والي خلفوه ومش ناقص اشوفوا واقف في عبدالعزيز بيبيع هدوموا. وكلوا من ساعت ما اتجوز ها ونفسي اقولوا طلقها يمكن ربنا يكرمك. وترجع زي زمان بس تقول ايه حرام

فربنا يكرمك يا ابني بوحده تستاهلك وتقدرك وتكون وش السعد والهنا عليك قادر ياكريم .

مشكووور جدااااا ياحبى على ردك بجد كلامك سليم وعارف ان كل كلمه انت قولتها صح بس الواحد من طبعه بيحاول يكذب نفسه علشان يوصل للهدف الى هو عايزه ايان كان هو ايه الهدف ده ومش هيحس انه كان غلط الا لما يوصل للهدف ده ويقول فى الاخر ياريت انا مش حابب كده ومتاكد مليون فى الميه ان ربنا مش بيعمل حاجه وحشه مع حد وخصوصا لما يكون قريب منه ومشكوووووووووووووور جدااا ياصديقى على الرد بتاعك

اخى الحبيب
انت ربنا كرمك ولقيت الانسانة اللى بتدور عليها.
عندك محل ماشاء الله وبتوضب فيه فعلا.
ابن ناس واهلك اكيد هايسعدوك.
عايز تعمل حاجه قبل البنت ماتسافر.
لو انا كده فاهم صح اسمحلى اسألك فين المشكلة؟؟؟؟؟؟؟
ماتروح تتقدم لها ويكون فيه ربط كلام وتاخد فرصة لحد المحل مايفتح والدنيا تمشى
ولما يرفضوك تبقى جت منهم وانت عملت اللى عليك
على الاقل تبقى اتصرفت بايجابيه بدل مانتى عمال تندب حظك من غير ماتعمل حاجه
اتمنى لك التوفيق ونسمع منك كل خير