الموضوع: قسم المقارنات ده هيجبلى الضغط و السكر

بصو الموضوع مش غرضو النقد قد ما هو نقد لواقع مش لى شخص
انا قسم المقارنات ده فعلا بحتار فى امرو
هنعتبر انا واحد معيا 100 الف جنيه دخلت قولت يا جماعه قدامى اكسنت و صنى و ريو و جين 2
اختار ايه
و تبدا المعركه فى ان الناس البترد بدل متفيد الراجل يتخناقو مع بعض من فيهم بيفهم اكتر من التانى
اليقول ابعد عن الكورى و غنيلو من غير اسباب و اليقولو الصنى و اليقولو جين 2 تقفيلها وحش و توكيل زباله و هو عمرو مركبها و لى حتى عدى من جنبها
و تلاقى الراجل البيسال لعن اليوم الفكر يجيب فيه عربيه طبعا ده مش فى العموم بس فى الغالب بيحصل كده
او لو مثلا واحد دخل قال معيا 300 الف و عايز عربيه
و تلاقى كل واحد بيرد بيحلم هو نفسو فى ايه و يقول للراجل اليقولو هات فولفو لمجرد سمعو عنها خير و اليوقول بى ام طبعا يرد واحد تانى يقول بى ام ايه مرسيدس طبعا
طيب اجيب مرسيدس ب 300 الف ايه يقولو دور على حاجه كسر زيرو مع ان الراجل طالب زيرو يقولو زى ايه يقولو دور بقا ههههههههههه
ده على اساس ان الراجل لو فاهم كان سالك
و فى ناس تانيه يقولو هاتلك حتى شيروكو او جولف
و الراجل يبقا محتار و مش فاهم يجيب ايه و ميطلعش بمعلومه مفيده اصلن
ده غير بقا ال معاه 70 الف و يخش يسال على زيرو و تبدا الخناقه بين لانوس و فيرنا و لوجان و ساجا و عشاق كسر الزيرو ينزلو ب جين تو الصنى الشكل القديم و الانتر و السيراتو الشكل القدبم و يحشرو المازدا 3 و و بدل مالراجل يفهم يخش فى حيس و بيص و ميبقاس فاهم حاجه
دى نماذج انا شوفتها طبعا فى نماذج ايجابيه كتير بتفيد
بس التحيز بيغلب على مواضيع كتير جدااااااااااا
زى عشاق الكورى و كارهى اى حاجه من ريحه كوريا
مدمنى اليبانى الى لو فات مش هيتعوض تانى و اى حاجه غيرو تبقا مش اعتماديه و لا تنفع تمشى فى مصر
و نهارو يبقا مش فايت اليخش يقالك اجيب اسبرنزا و لا byd و تنزل الناس ضرب فيه لحد ميكره الصينى معن ممكن يكون الصينى ده مناسب لحالتو
الهدف من الموضوع انا ملخصو فى كام نقطه
يا جماعه مش كل الناس بتفهم فى العربيات متخدش نايل موتورز مقياس
80% من المصرين ميعرفوش حاجه عن العربيات غير اشكلها و بتتساق ازاى و شكرا
يا جماعه السوال امانه يعنى الراجل ممكن يكون بقالو 5 6 سنين بيجمع فى 60 70 الف جنيه علشان يجيب عربيه تصون اهل بيتو من القرف فالازم نكون قد الامانه دى و نجوب عن تجربه و عن امتلاك للعربيه مش ده قال و ده جرب و سمعت من ده دى فلوس مش ورق جرايد
مينفعش انا امتلك نيسان تبقا نيسان احسن عربيه و النترا عربيه زباله
و مينفعش اكمنى راكب كرولا اقول على الاكسنت يع ممكن تكون مناسبه ليه عن الكرولا انتا راكبها
حيره الداخل يسال بتكون كبيره جداااااااااا و خصوصا لو اول عربيه ليه
مينعش تجربه سلبيه ليا لعربيه تخلينى اشتم فى ماركه بعنها
يعنى مش علشان جبت فرنا و عومت منك على 160 يبقا هيونداى كلها زباله و اى حد يسال عنها تقول اوعى تجبها
لا ممكن تكون العربيه الكانت معاك عفشتها بايظه او انتا الكنت بتجرى جامد
بلاش النظره السلبيه المتناهيه
بلاش تحط حلمك انتا فى سوال واحد غيرك يعنى ميبقاش حلمك ان لو معاك 400 الف هتجيب مرسيدس و لما حد يسال توقول على طول هات مرسيدس
عارف بقا لما يجى اليوم التكون فى ايدك ال 400 الف هتكون فى قمه الحيره و مش هتجرى على مرسيدس لان اليدو فى المياه مش زى الايدو فى النار و لا ايه
بلاش ملحوظه طيب زود شويه و هات كذا لان هو معاه دول و عايز عربيه بدول منتا لما تقولو زود بتحسيسو انو مستحيل هيلاقى عربيه بالمعاه دول
شلا معاه 4 الف جنيه اديلو اختيارات
انا هدفى من الموضوع مش نقد الناس البترد
لان فى ناس ردودها كويسه و بتفيد جدا و ناس تانيه بتغرق الدنيا و المواقف كتير جدااااااااا
لاكن التنبيه بشويه حجات بننسها و مبنخدش بلنا منها ولا ايه
وقفه مع النفس
و لو حد شايف كلامى غلط يصححلى برضو
بس بدون تعصب للراى يعنى يكون عنو مرونه الى احنا مفتقدينها فى كل حاجه بنعملها

حل ممتاز اخ هانى