صني 2013 - تغيير الكاوتش فى تاير مانيا + تقرير استهلاك بنزين (طوالى)

**SonaSteel** · 18-09-2012 11:56 AM

ماشاء الله لاقوة الا بالله ممتاااااااااااز جدا
التقرير جميل ومنظم والاستهلاك بفضل الله ممتاز جدا ماشاء الله

الف مبارك علي الكاوتشاات الجديدة ومبروك علي الارض :)))

ربنا يرزقك خيرها ويكفيك شرها

وفعلا كنت عايز اعرف سعر الكاوتشات كام وبالخصم وصل كام وبالترصيص والنيتروجين وصل كام

و عقبال الدكتوراة ان شاء الله :))

**kliken** · 18-09-2012 12:22 PM

الف مبروك على الكاوتش و ربنا يباركلك فى عربيتك

**saint2011** · 18-09-2012 12:35 PM

مبروك الكاوتش يا دكتور براحتك جدا بتتصرف لوحدك من غير متقول لأخوك الصغير هههههههههههههه يا ترى الكاوتش الجديد سعره كام وبعت القديم على كام

**shady_hamdy** · 18-09-2012 12:50 PM

استهلاك بنزين ممتاز فعلا العربية دة سر نجاحها فى عد استهلاك بنزنها و بالذات ان سعر البنزين فى طريقة للزيادة

**zambarota** · 18-09-2012 03:07 PM

بصراحه الكاوتش الماكسيس ده سيئ جدا جدا

العربيه بتسمع فى المطبات

ربنا يسهل والواحد يغيره ان شاء الله فى اقرب وقت

**Ahmed.TV** · 18-09-2012 03:31 PM

الف مليون مبروك يا دكتور
استاذ محمد يسرى فعلا من الناس المحترمة جدا .. واللى بيكن لينا معزة خاصة .ز واكيد بنكن له كل احترام وتقدير
وده لينك العرض اللى حصلنا عليه من الاستاذ محمد ..

http://www.nilemotors.net/Nile/301722-a.html

وبخصوص تغيرك للمقاس البديل الاعرض لازم يكون الموصي به في كتالوج السيارة
اكيد حيعطيك ثبات واداء افضل على الطريق طبعا .. لان الكاوتش بقا اعرض واوطى على الطريق
وكمان اكيد نوع الكاوتش افضل بكتير من اللى كان راكب .. واكيد نقتشه مختلفة .. فاحساسك بصوت الكاوتش اقل
واكيد حتحس بثات افضل ولكن مش لدرجة كبير عشان بس متجريش وتفتكر ان العربية بقت مكلبشة .. لان السرعة ملهاش مقياس فى الثبات ابدا

بس انا عايزك تطمن الناس على احساسك بالباور هل هو هو وحدث اختلاف ولالا ؟ لان اعتقد وبنسبة كبيرة هو هو .. مع تقل بسيط جدا ولكن مش مؤثر جدا على نعومية الباور بردوا
لانى عامل كدا فى عربيتى

وعايزينك تتطمن الناس على السحب

والف مليون مبروك يا دكتور وعقبال الجنوط
وربنا يباركلك فيها يكفيك شر الطريق والحسد

تحياتى

**a.adam212** · 18-09-2012 08:40 PM

شكرا على تقريرك الممتاز...وبالنسبه للقبقاب هو فعلا صوت العفشه في المطبات عامل زي القبقاب :)
ان شاء الله اغيره قريب لاني تعبت من القباقيب

**Youssef.Awad** · 18-09-2012 09:42 PM

المشاركة الأصلية كتبت بواسطة mohamednagib

و كنت عاوز اسأل .. هل المقاس دا يعتبر مناسب لعربيتي صني 2011 اصلي ما غيرتش الكاوتش اللي فيها و عاوز اغير قريب ... .. معظم مشاويري على اسماعيلية الصحراوي .. وهل تأثيرة متوقف على الاحساس بالنشوفية في العفشة فقط و لا له تأثير على استهلاك البنزين كمان ...

ينفع يا محمد طبعا .. لأنه بينزل من المصنع فى السوبر صالون للصنى القديمة مع الجنوط بالمقاس ده 195/60-15

وفرق النشوفية وخفة الدركسيون بسيط جداا مش هاتقدر تلاحظه اساسا الا لو كنت حساس جداااااا فى سواقتك للعربية
لكن هتلاحظ الثبات فى المطبات عشان المداس زاد عرضه بواحد سم

وبالنسبة لاستهلاك البنزين برضه مفيش تغير ملحوظ ابداااا
والفرق ان الصنى الجديدة 1500 سى سى ومعدل استهلاكها 320 كم/ الصفيحة
ويقابلها فى الصنى القديمة 1600 سى سى بنفس ظروف السواقة المذكورة فى اول الموضوع (عن تجربة بمانيوال وrpm لا يتعدى 3) 240 - 260 كم/ الصفيحة

-

-

الموضوع: صني 2013 - تغيير الكاوتش فى تاير مانيا + تقرير استهلاك بنزين (طوالى)

LinkBack

أدوات الموضوع

عرض

-

-

-

-

المواضيع المتشابهه

صني 2013 - تقرير عن استهلاك البنزين

تقريرى عن تسليح الكاوتش فى تاير منيا

شكرا لشركه تاير مانيا

الكلمات الدلالية لهذا الموضوع

المفضلات

المفضلات

ضوابط المشاركة