تصليح مرايا ضم ميجان 2006 - تجربه ناجحه

**triton** · 18-09-2012 04:54 PM

السلام عليكم وحوش المنتدي

بقالي فتره طويله مش بكتب علي المنتدي او بسأل لان الحمد لله كانت الدنيا ماشيه علي احسن ما يكون ... المهم حبيت اشارك معاكم تجربه ناجحه

كان مقطوره خبطت المرايا الشمال بتاعتي ودمرنها وميكانيزم الضم اتدمر تماما ... وكنت سايبها بقالي يجي سنه علي اساس اني هجيب مرايا استيراد او الميكانيزم علي الاقل

ربنا الهمني افك المرايا و اجرب حظي ... لقيت الميكانيزم تافه جدا بس الصراحه التصميم يعتبر غبي جدا لانه صعب الاصلاح في حاله الكسر ... بلاستيك في بلاستيك

المهم قررنا انا واخويا الصغير استبدال الميكانيزم البلاستيك ده بمسمار عن الخراط مخروم من جوه بحيث يعدي جواه سلك كهربه المرايا ( 4 اسلاك لتحريك القزازه ... 2 سلك للضم ... لانهم موتورين مختلفين

مرفق كام صوره للنتيجه بعد ما خلصنا ... الخلاصه انه بلاش تشتري مرايا جديده لان القديمه غاليا ممكن تتصلح بس الصنايعيه بيكسلوا
[aldl]http://s13.postimage.org/ahqnjyimv/photo.jpg[/aldl]
[aldl]http://s16.postimage.org/pzob5ejed/photo_2.jpg[/aldl]
[aldl]http://s9.postimage.org/eh2fbzfgf/photo_3.jpg[/aldl]

**ecybrarian** · 18-09-2012 05:27 PM

حلوة الفكرة دي..بس المسمار دا بسن قلاوظ ولا متشبط وخلاص؟؟

**triton** · 18-09-2012 06:01 PM

مسمار قلاووظ بورده من تحت عشان تعرف تمسك السوسته ... في رأيي افضل بمراحل من التصميم الاصلي اللي كله بلاستيك في بلاستيك

**MohammedAladel** · 18-09-2012 07:10 PM

الأستاذ شريف محمد ليه السبق وعمل الحركة دى

الأستاذ شريف استعان بالمسمار دا من أباجورة قديمة عنده أنا كمان عندى الأباجورة القديمة والمسمار بس مطنش شوية هو مخروم من جوا عشان يعدى السلوك ومن برا قلاووظ عشان يربط صامولتين يضغط بيهم السوستة

**MohammedAladel** · 18-09-2012 07:13 PM

[color="rgb(0, 100, 0)"]السؤال بقى المسمار طوله قد إيه بالظبط عشان ولو رحت لصنايعى عشان يعمل زيه أقوله إيه ؟؟؟

وطبعا قطعت السلوك بتاعت الموتور

[/color]

**Ahmed Selim** · 18-09-2012 08:34 PM

عودُ أحمد يا حاج شريف

ما شاء الله عليك..............نازل بتقلك :)

**triton** · 19-09-2012 02:00 AM

المشاركة الأصلية كتبت بواسطة mohammedaladel

[color="rgb(0, 100, 0)"]السؤال بقى المسمار طوله قد إيه بالظبط عشان ولو رحت لصنايعى عشان يعمل زيه أقوله إيه ؟؟؟

وطبعا قطعت السلوك بتاعت الموتور

[/color]

السلوك قصيره جدا فكان لازم تقطع وتوصل ... هم مش كتير حوالي 8 فرد علي ما اتذكر .... المهم بس تقدر تعديهم من جوه المسمار ... ويكون الضغط علي السوسته بحساب عشان يفضل الموتور قادر انه يلف المرايا مظبوط .... طول المسمار اتقاس عند الخراط ... بس لو زاد شويه مش ازمه لانه فوقه وتحتيه فاضي ....

**triton** · 19-09-2012 02:00 AM

المشاركة الأصلية كتبت بواسطة ahmed a.maksoud

عودُ أحمد يا حاج شريف

ما شاء الله عليك..............نازل بتقلك :)

وهي العين تعلا علي الحاجب ؟؟؟؟ انت الاصل طبعا .... عامل ايه في الحر بتاع اليومين دول ؟

**Ahmed Selim** · 19-09-2012 07:59 AM

المشاركة الأصلية كتبت بواسطة triton

وهي العين تعلا علي الحاجب ؟؟؟؟ انت الاصل طبعا .... عامل ايه في الحر بتاع اليومين دول ؟

يا باشا الله يكرمك

الصيف هنا بيودع بس بذمة :)

-

الموضوع: تصليح مرايا ضم ميجان 2006 - تجربه ناجحه

LinkBack

أدوات الموضوع

عرض

تصليح مرايا ضم ميجان 2006 - تجربه ناجحه - انشر الموضوع فى :

-

-

-

-

-

-

-

-

المواضيع المتشابهه

مقارنة بين ميجان 2007 و ميجان 2005/2006 و كلام غريب

للبيع رينو ميجان حالة شاذة...للبيع رينو ميجان موديل 2006 ترخيص شهر 10-2006 المواصفات

اليكم تجربه تغير عفشة ميجان بالتفاصيل والأسعار

تصليح مرايا

مساعدة فى ايجاد جراب مرايا شمال ُ280 - 2006

الكلمات الدلالية لهذا الموضوع

المفضلات

المفضلات

ضوابط المشاركة