أرخص كاسيت سونى dsx-a30 :)

**Patrickologyy** · 19-09-2012 02:32 AM

مساء الخير :)
نظراً لظروف البلد المنيله اليومين دول و تدهور وزارة الماليه داخل كل بيت مصرى :D
دى حبة معلومات عن أرخص كاسيت سونى :)
الموديل Sony DSX-A30

الكاسيت صناعه تايلاتدى و ضمانه من B-Tech زى أى كاسيت سونى 6 شهور :)
موجود فى التوفيقيه فى أرخصهم و الأرخص و شركة البركه و سعره بعد الفصال الجامد بيبقى فى حدود 450 جنيه :)
أدى كل مميزاته :)
DSX-A30 : Digital Media Players : Car & Marine Entertainment : Sony Asia Pacific

بس إختصاراً للوقت يعنى نقولها بالعربى :D
أولاً الجهاز ده : USB , Radio , Aux بس مافيهوش سى دى :)
الكاسيت فيه RCA واحد بس :)
الكتابه على الشاشه بيضاء و الزراير حمراء :)
الجهاز معاه ريموت كنترول طبعاً :)
الإكولايزر 3 باند بس مش 7 :)
إللى عايز تفاصيل معقده من إللى ماحدش بيفهمها دى يدخل على اللينك إللى فوق ده :D
رأيى الشخصى فى الجهاز إنه جميل كده و خفيف لو حد عايز صوت هادى كده و حلو على سماعتين باب و سماعتين بيضاوى :)
و ممكن يركب عليه جى إم كمان :)
جهاز لذيذ يعنى من الأخر و سعره حلو على قد إمكانياته :)
و شكراً :)

**thunder155** · 20-09-2012 11:15 AM

شكراًَ على التقرير , بس هيا الــ aux تحت الباب الصغير اللى على اليمين مع الــ usb ؟

**Patrickologyy** · 20-09-2012 04:02 PM

أيوه يا باشا :)

**momo44** · 21-09-2012 03:14 PM

تقرير لذيذ
بس انا شايف مش هتفرق 110 جنيه وتجيب ال 500 احسن

**Amr Axel** · 21-09-2012 07:38 PM

تسلم ايديك يا ريس نفسي اشوف تقارير من ديه كده عندنا في السوزوكي عن الماروتي اللي معاك هههههههههه

و سبحان الله كنت لسه من فترة بدور ع هيد يونت سوني او بايونيير بنفس الامكانيات ديه و كله قالي مش هتلاقي اخرك الصيني ههههههههه و لكني لم امل و لا اتعب في البحث و فعلا شوفته الصبح و قريت بعض امكانياته

و لكن
اولا للأسف لسه مشوفناش تجربة عملية ليه هل كويس و لا ملوش لازمة لأن خارجه زي الكلاريون 1970 اي بي اكس اللي عندي
ثانيا سعره يعتبر مبالغ فيه يعني انا شايف ان اخره 300-350 ج و زي ما مومو قال ازود احسن و اجيب سوني 500 و اي حاجة بايونيير في نفس السعر

بس سؤال بقي هل فيه بايونيير بنفس الامكانيات برده يا دوب راديو و فلاشة و ام بي ثري و لا لسه برده

**midooo_119** · 21-09-2012 08:22 PM

معلش سؤال رفيع يعنى الكاسيت ده مش بيشغل سى دى و لا شرايط ؟؟؟؟؟؟؟؟؟؟؟؟؟

**forti** · 23-09-2012 04:18 PM

المشاركة الأصلية كتبت بواسطة thunder155

بمناسبة الكاسيت السونى , كنت عايز أسأل عن السماعات sony xplod الناس رأيها ايه فيها , انا بحس انا شكلها أشيك من اى سماعه تانية , بس لو حد جربها يا ريت يقولنا أدائها عامل إيه ؟؟؟؟؟؟

انا عندى السونى 400 .. شكلها فعلا جميل .. الصوت كويس بردو .. انا مشغلهم على كاسيت بيونير 6350 sd

على رف خشب ام دى اف و الصوت جميل و البيز مش وحش ..

بس الناس بتقول ان لو اتوصلوا على جى ام بيضربوا بسرعة و الله اعلم