الموضوع: انا مسافر السعوديه هل من نصائح

السلام عليكم ورحمة الله وبركاته،،،

بص يا سيدى....

أولا :- انا كمان فى السعوديه - بس فى الخبر مش جده - هحاول افيدك فى اللى اقدر عليه.

1) بدل السكن السنوى ، المتعارف عليه انه بيكون ما يعادل قيمة 3 شهور من الاساسى ، يعنى لو راتبك الشهرى الاساسى مثلا 5000 ريال شهريا ، التعارف عليه ان بدل السكن بتاعك يكون 15 الف ريال سنوى.

2) الاقامه فى المتوسط بتطلع فى خلال من 3 اسابيع ل شهر ، معلش استحمل اول شهر ده لانه بيكون اصعب شهر تقريبا يمر عليك ، خصوصا انك مسافرتش للعمل فتره كبيره قبل كده حسب كلامك ، لان كل حاجه هنا بتكون عن طريق الاقامه ، خط موبيل ، اشتراك نت ، رخصة قياده .............................. كل ده لازمله ان الاقامه تبقى موجوده.

3) كلام فى السياسه ممنوع ممنوع ممنوع ، خليك على الحياد دائما فى الموضوع ده ، وويسلام يا باشا لو عرفتك تقضى الفتره بتاعتك سميع وبس ، يعنى اسمع وبس ، و حاول قدر المستطاع متتكلمش كتير فى اى حاجه.

4) لا تستعجل الحكم على الاخرين ابدا فى الغربه ، هتسمع انه فلان ده ابن تييييييييييييييييت و و و و و وهتتعامل معاه تلاقيه ابن ناس جدا ، وهتسمع ان فلان ده رجولة الدنيا وهتتعامل معاه وهتلاقيه متقلعهوش من رجلك ، يعنى ما تحكمش غير لما تتعامل انت بنفسك وتفهم كل واحد حوليك تمامه ايه بلغتنا كده يعنى.

5)متحاولش ابدا وانت سايق بامر الله تشد مع واحد سعودى وخصوصا لو كان شاب صغير ، ومتسالنيش ليه بقى .....!!! ، حاول قدر المستطاع تسوق هنا سواقة اللى عنده خمسين سنه يعنى.

6) الاكل والشرب هنا مفيش اكتر منه وارخص منه مقارنة بمصر.

7) البنزين هنا طبعا برخص التراب مفيش مقارنه مع مصر ، متوسط اللتر يعنى نصف ريال سعودى ، يعنى تجيبلك حاجه 4000 سى سى ان شاء الله ومش هتحس بموضوع البنزين ده خالص.

- فى النهاية \برده الموضوع كله يتوقف \ع\\لى الشركه اللى انت رايحها ، رايح مؤسسة صغيره ولا رايح على شركه كبيره ليها اسمها ، يعنى منتظمين فى الرواتب تعاملهم ادمى ، وربنا يصلحلك الحال يارب.

مفيش حاجه تانيه جايه على بالى الوقتى ، انا هتابع الموضوع ولو فيه اى حاجه تحب تسال عنها وانا اعرفها اكيد مش هتاخر فى الرد..

ربنا يصلح حالك ويفتح عليك ابواب رزقه الحلال.

المشاركة الأصلية كتبت بواسطة land_cruiser

موضوع السواقه ده فعلا مهم جداً ما ينفعش تتهور و تسوق بدون رخصه و بعدين ممكن تحتاج تاخد دروس سواقه هناك لان الامتحان بيبقى تقيل و خليك حذر فى التعامل مع الاخرين. لحد ما تعرفهم كويس و أوعى تشرب من مياه الحنفيه هناك .استخدم المياه المعدنيه اللى نوعها معروف زى نستله مثلا اما بالنسبه للطبخ و الشاى ممكن تستخدم مياه معدنيه انواع تانيه ارخص و حاول تحافظ على وزنك على قد ما تقدر و ما تشتركش. فى اى حديث له دعوة بالسياسه او لا قدر الله تتخانق مع احد. خليك على الحياد و فى نفس الوقت معتز بنفسك و انت تلاقى اللى حواليك بيحترموك سواء. كانوا مواطنين او مغتربين زيك و بالتوفيق ان شاء الله

لا كده كده اكيد مش هيدونى عربيه الا لما يطلعولى رخصه و انا معيا رخصه مصرى و قلولى هيعدولهالى مع السعوديه انا مش قلقان من نقطه دى لان هيكون معيا سواق
و بالنسبه لوزنى هو مظبوط بس بدور على جيم هناك علشان مبطلش رياضه
بالنسبه للمياه ربنا يخليك على النصيحه
و بالنسبه للكلام انا كلامى قليل اصن و مبحبش الوكلوك و النميمه

المشاركة الأصلية كتبت بواسطة medododo

العفو على ايه
الأمر مايسلمش قميص يطير منه زرار بتنفع الابرة والفتلة في الحاجات البسيطة دي
بالنسبة لبدل السكن بتهيألي قليل على شقة ممكن تسكن مع ناس أو تاخد غرفة لوحدك (ملحق) مش هقدر أفيدك أوي لأن تجربتي مكنتش هناك أستني شباب السعودية هيظهرواوإن شاء الله يفيدوك

تسلم ياباشا و ربنا يخليك نصيحتك على راسى

المشاركة الأصلية كتبت بواسطة horas3000

بالتوفيق يا باشا ان شاء الله
و ربنا معاك

و ممكن تخلي حد يكسر وراك قله هههههه

باشا
قوله واحده قول عربيه قلل ههههههههههه

المشاركة الأصلية كتبت بواسطة ahmed a.maksoud

يا باشا ده نورك

بص انا مروحتش السعودية قبل كده........مش هقدر أفيدك فى موضوع السكن ده.

بس ممكن تدخل على ksa.dubizzle.com و تشوف الأخبار أيه.

و أخر حاجة........انصحك تطلب نقل الموضوع لقسم المغتربين......و تاخد جولة هناك..........فيه أكتر من عضو فى السعودية و هتلاقي مواضيع ناس بتسأل فيها و هما بيحاوبوا.

بالتوفيق يا باشا.

احمد بيه اهتمامك على راسى
بالنسبه لقسم المغتربين فا هو ميت خالص فانا فولت هنا حبيبى و اسحابى

المشاركة الأصلية كتبت بواسطة ahmed a.maksoud

بمناسبة كلام land_cruiser عن الرخصة

لما قدمت على الرخصة فى الإمارات و بعد ما عرفوا أنى معايا رخصة مصرية بقالها أكتر من 3 سنين قالوي خلاص كده أمتحان شارع على طول...........طبعاً أنا قولت زى الفل..........الإمتحات أمتى إن شاء الله......قالولي بعد شهر

شهر.........شهر ليييييييييييه ؟
علشان تلحق تخلص الحصص اللى هتاخدها.........يا جماعة أنتوا مش قولتو أمتحان شارع على طول..... ؟
قالك ما هو أمتحان الشارع ده بتاخدله 5 حصص نظري و دى إشارات و قواعد المرور و كده..........و 10 حصص عملي :))))

فيه حاجات معينة بيركزوا فيها جامد هنا
1- و أنت بتنقل من حارة لحارة.......تبص فى مراية النص.....المرايات الجانبية فى الإتجاه اللى أنت هتنقل فيه......تدى إشارة......تبص تاني فى المرايات الجانبية......و بعد كده تبص بوشك لورا فى الناحية اللى أنت هتنقل عليها علشان تتأكد أن مفيش حد فى ال blind spot و بعد كده تنقل.....و بعد كده تطفي الإشارة.............لو معملتش الحاجات دي..........بالسلامة.
2- أول ما تركب تظبط الكرسى.....و بعدين المرايات و بعدين الحزام.......و لو اللى بيمتحنك حاول يشتت أنتباهك لأى حاجة...........ولا كأنه بيتكلم.
3- الدوار........أو الصينية........مش زى مصر البقاء للأقوى.........لأ اللى جوه الدوار هو اللى له الأولوية يعدي.....و لازم تمشي فى حارتك سواء فى الشوارع العادية أو الدوار.
لو الشارع 3 حارات و داخل على دوار......لو هتخش يمين يبقى لازم تكون فى الحارة اليمين..........لو مكمل على طول فى الحارة اللى فى النص.......لو هتخش شمال تكون فى الحارة الشمال........طبعاً مع إستخدام الإشارات.
4- تاخد بالك من الخطوط اللى فى الأرض..........لو الخط متصل متعديش من حارة للتانية........و أنت سايق تكون ماشي فى نص الحارة اللى أنت فيها........مش فى اليمين أوى ولا الشمال أوي.

هنا الرخصة و انت بتقدم عليها تختار رخصة مانيوال و لا أوتو............لو طلعت مانيوال تقدر تسوق الأتنين..........لو أوتو تسوق أوتو بس............معرفش أيه النظام فى السعودية........و طبعاً المانيوال له شوية حاجات لازم تلتزم بيها و أنت سايق.........زى أنك و أنت بتهدي السرعة تنزل بالنقلة.............نقلة نقلة......يعنى لو على الرابع و بتهدي علشان تقف......متستناش لما تقف و تمور.......لأ كل لما السرعة تقل تنزل نقلة حسب السرعة.

ههههههههههههههههههههههههه ههههههههه
ده اختبار رخصه و لا اختبار حمل
ربنا يستور بقا

المشاركة الأصلية كتبت بواسطة grand hand

اجعل الله رفيقك واهلك يكفيك كل شئ وان شاء الله موفق

ربنا يخليك ربنا معنان و يوسع رزقنا قادر يا كريم

المشاركة الأصلية كتبت بواسطة mmans

أنا في جدة بردو يا باشا و لو محتاج اي حاجة انا تحت امرك -انا لسه واصل من شهر--
كل الكلام اللي فات جميل انا مشهزود عليه-بس اسالك مكان العمل فين بالضبط و بدل السكن بعني قليل شوية--فيه بدل تأسيس ولا لأ وطبيعة العمل ايه وهل انت متزوج و معاك اولاد عشان الاقامة و السكن وكدا لان كل منطقة لها نظامها---و نصيحة مبدئية استعن بالله و هو مدبر الأمور و توكل عليه حق التوكل

مكان العمل فى شركه التموين العربى
انا بطولى لوحدى خاطب هنا بس
بالنسبه لبدل السكن انا الوصلتلو انى مشش هعرف للاسف اجيب شقه لوحدى و هضطر انى اشارك حد علشان نجيب حاجه محترمه و انا ليا صديق سبقنى ب شهرين كده قالى تعلا و نعد معه بعض و انا لسه هشوف
بالنسبه للتاسيس فا اه فى بدل تاسيس بس اعتقد و اله اعمل ان بدل التاسيس ده بيتخصم من المرتي بيكون زى سلفه
و ربنا يكرم يا رب

المشاركة الأصلية كتبت بواسطة tfsi

ما ينفعش تتفاوض معاهم على بدل السكن السنوى ويزودوه شوية

للاسف انا كنت عايز اوصول اكتر اكتر يا خالد بيه بس هما جابو اخرهم معيا يعنى هههههههه
قلولى لو اتجوزت و جبت مراتى العقد هيتعدل بس انا كده كده العقد سنه قولت اجرب

المشاركة الأصلية كتبت بواسطة gasser_beek

السلام عليكم ورحمة الله وبركاته،،،

بص يا سيدى....

أولا :- انا كمان فى السعوديه - بس فى الخبر مش جده - هحاول افيدك فى اللى اقدر عليه.

1) بدل السكن السنوى ، المتعارف عليه انه بيكون ما يعادل قيمة 3 شهور من الاساسى ، يعنى لو راتبك الشهرى الاساسى مثلا 5000 ريال شهريا ، التعارف عليه ان بدل السكن بتاعك يكون 15 الف ريال سنوى.

2) الاقامه فى المتوسط بتطلع فى خلال من 3 اسابيع ل شهر ، معلش استحمل اول شهر ده لانه بيكون اصعب شهر تقريبا يمر عليك ، خصوصا انك مسافرتش للعمل فتره كبيره قبل كده حسب كلامك ، لان كل حاجه هنا بتكون عن طريق الاقامه ، خط موبيل ، اشتراك نت ، رخصة قياده .............................. كل ده لازمله ان الاقامه تبقى موجوده.

3) كلام فى السياسه ممنوع ممنوع ممنوع ، خليك على الحياد دائما فى الموضوع ده ، وويسلام يا باشا لو عرفتك تقضى الفتره بتاعتك سميع وبس ، يعنى اسمع وبس ، و حاول قدر المستطاع متتكلمش كتير فى اى حاجه.

4) لا تستعجل الحكم على الاخرين ابدا فى الغربه ، هتسمع انه فلان ده ابن تييييييييييييييييت و و و و و وهتتعامل معاه تلاقيه ابن ناس جدا ، وهتسمع ان فلان ده رجولة الدنيا وهتتعامل معاه وهتلاقيه متقلعهوش من رجلك ، يعنى ما تحكمش غير لما تتعامل انت بنفسك وتفهم كل واحد حوليك تمامه ايه بلغتنا كده يعنى.

5)متحاولش ابدا وانت سايق بامر الله تشد مع واحد سعودى وخصوصا لو كان شاب صغير ، ومتسالنيش ليه بقى .....!!! ، حاول قدر المستطاع تسوق هنا سواقة اللى عنده خمسين سنه يعنى.

6) الاكل والشرب هنا مفيش اكتر منه وارخص منه مقارنة بمصر.

7) البنزين هنا طبعا برخص التراب مفيش مقارنه مع مصر ، متوسط اللتر يعنى نصف ريال سعودى ، يعنى تجيبلك حاجه 4000 سى سى ان شاء الله ومش هتحس بموضوع البنزين ده خالص.

- فى النهاية \برده الموضوع كله يتوقف \ع\\لى الشركه اللى انت رايحها ، رايح مؤسسة صغيره ولا رايح على شركه كبيره ليها اسمها ، يعنى منتظمين فى الرواتب تعاملهم ادمى ، وربنا يصلحلك الحال يارب.

مفيش حاجه تانيه جايه على بالى الوقتى ، انا هتابع الموضوع ولو فيه اى حاجه تحب تسال عنها وانا اعرفها اكيد مش هتاخر فى الرد..

ربنا يصلح حالك ويفتح عليك ابواب رزقه الحلال.

ربنا يخليك يا باشا و يجعلو فى ميزان حسناتك و انا خدت كوبى من نصايحك و هنفذها بالسحتوته
و الشركه النا رايحها كبير اعتقد محدش اشتكى منها يعنى

المشاركة الأصلية كتبت بواسطة youssef.awad

مش هاقدر ازود على كلام ونصائح الاعضاء لانهم غطوا اهم النقاط ..

كان بودى اساعد لكن للاسف انا فى الرياض وحضرتك رايح جدة

بالنسبة لبدل السكن قليل نسبيا .. ويادوب يجيب شقة غرفة + صالة او ملحق فى اخر دور

بالنسبة للايجارات فى جدة (وايضا فى الشرقية زى الدمام والخبر) بتكون فى متوسط 18-24 الف ريال فى السنة

اما الرياض فأغلى مكان فى السعودية من 20-28 (انا واخد ب28 الف ريال غرفتين + صالة)

وطبعا اول ساكن فى عمارة جديدة له سعر مختلف عن المستعمل والحى بيفرق كمان فى السعر

بالتوفيق يا باشا.. وفعلا اسوأ فترة هى اول شهر تقريبا لحد اما تمسك الاقامة فى ايدك ساعتها هاتحس بانك تقدر تعمل اى حاجة
لكن لازم تعرف ان الروتين والبيروقراطية وغيرها موجودة هناك زى ما الكتاب بيقول .. اوعى تفكر الحياة وردية وكله سهل فى سهل :zb_sor1[1]:

تسلم يا باشا ربنا يخليك بالنسبه بقا اخد ايه و انا رايح
الدنيا هناك نت و موبيل بكام نظام البنوك سهل و لا صعب شويه حجات من دى لو سمحتو طبعا