للبيع لانسر بومه سبورت 2009

**gta10** · 20-09-2012 07:49 PM

للبيع لانسر بومه سبورت موديل 2009- لون نبيتى -العربيه بحالة الزيرو و ماشيه 57 الف كيلو و العربيه كاملة يعنى جنوط و فتحه سقف و عتب و كساحات و سبويلر و فرش جلد كامله من كل حاجه و لسه متغير لها طقم كاوتشات بريدجيستون رياضيه و كل قطع غيارها من التوكيل حتى زيت الفتيس ال cvt متغير ليها على صيانة ال40 الف كيلو و كمان العربيه معاها جركن زيت فتيس متسوبيشى الاصلى و طقم السيور بتاعها بالكامل+الفواتير بتاعته من التوكيل من سير كاتينه و باور و تكيف و بلية شداد و كمان معاها طقمين تيل اصليين يعنى العربيه مش محتاجه حاجه خالص و قطع الغيار دى كنت جايبها من التوكيل و مخليها عندى هى و الفواتير بتاعتها و العربيه مطلوب فيها 100 الف جنيه و غير قابل للتفاوض ودى شويه صور للعربيه

**szaalouk** · 22-09-2012 09:49 PM

موفق في البيع ان شاء الله

**newmoner** · 23-09-2012 01:36 AM

خليجى ولا وكيل؟؟ راشة ولا فابريكة بره و جوه؟؟رخصة اد ايه؟

**newmoner** · 23-09-2012 01:39 AM

وناوى تغير بايه بعد البيع ان شاء الله؟

**gta10** · 23-09-2012 03:50 AM

العربيه خليجى كويتى و مش راشه خااااالص و العربيه فابريكه جوه وبره و مافيهاش اى عيوب ميكانيكيه بس هى كانت فيها خبطه فى الرفرف اليمين و انا رديتها بايدى و هى موجوده فى اخر صوره بعد الخبطه يعنى ماثرتش على حاجة و فيها حكه خفيفة من قدام و حكه فيفه فى الكساحه اللى ورا و بالنسبه للرخصه هى هاتنتهى اخر الشهر اللى جاى و لو ما حصلش نصيب و بعتها هاجدد ترخيصها لمدة 3 سنين و سبب البيع انى مسافر بره و ناوى ان شاء الله اشترى تويوتا كامرى او تويوتا اوريون او مرسيدس e280 و لو ماحصلش نصيب و اتباعت هارفع العربيه و اخليها فى الجراج يعنى كده كده انا مش مستعجل على بيعها و كمان انا مش محتاج فلوسها علشان حاجه بالعكس العربيه دى انا بحبها جدا جدا جدا بس انا قولت كده كده انا مسافر و مافيش حد هايركبها فا اضطريت ابيعها بدل من ركنتها

**mody1221** · 23-09-2012 08:12 PM

العربية جميلة ماشاء الله انا لو مكانك ارفعها (مجرد رأى) لانها 2009 وسوبر اكشن يعنى اخر السى فى تى ورياضية ماتزعلش منى دة مجرد رأى مش اكتر ولو ناوى تبيع ربنا يحسنللك سوقها

**gta10** · 24-09-2012 03:44 AM

والله يا استاذ mody1221 شكلى كده هاسمع كلامك و انا و الله كنت متردد جدا انى ابيعها لانى بحب العربيه دى جدا بس انا قولت ممكن الركنه تبوظها بس لكن غير كده والله انا ماكونتش هافكر فى البيع على العموم ربنا يقدم اللى فيه الخير انا هاخليها و اجدد لها الترخيص بتاعها و اهو الحمد لله انا محافظ عليها جدا

**MR . Gold** · 25-09-2012 06:49 PM

المشاركة الأصلية كتبت بواسطة gta10

والله يا استاذ mody1221 شكلى كده هاسمع كلامك و انا و الله كنت متردد جدا انى ابيعها لانى بحب العربيه دى جدا بس انا قولت ممكن الركنه تبوظها بس لكن غير كده والله انا ماكونتش هافكر فى البيع على العموم ربنا يقدم اللى فيه الخير انا هاخليها و اجدد لها الترخيص بتاعها و اهو الحمد لله انا محافظ عليها جدا

استاذنك ياباشا في رقم التليفون لو لسة في نية البيع لان الحقيقة قلت عليها لواحد صاحبي فاقلتلة هااجيبلك رقم التليفون وهو هايكلم حضرتك دة لو نية البيع موجودة .. وربنا يوفقك لما فية الخير

**MR . Gold** · 27-09-2012 08:49 PM

المشاركة الأصلية كتبت بواسطة LANCAR

استاذنك ياباشا في رقم التليفون لو لسة في نية البيع لان الحقيقة قلت عليها لواحد صاحبي فاقلتلة هااجيبلك رقم التليفون وهو هايكلم حضرتك دة لو نية البيع موجودة .. وربنا يوفقك لما فية الخير