عضو جديد يرجو الصداقة والمساعدة

**mohamed salem** · 21-09-2012 04:39 AM

السلام عليكم جميعا
انا بجد يشرفنى انى اكون من اسرة المنتدى المحترم وعضو بيها
ويشرفنى انى اتعرف على اصدقاء جدد
وخاصة ملاك الرينو لوجان
العربية دى بجد دخلت دماغى لانها عربية شيك وقوية وانيقة
بس العيوب اللى اتقالت عنها مخليانى متردد
انا العربية اللى معايا فولكس جولف 1 موديل 74بس الصراحة الالمان كانوا سابقين عصرهم فعلا العربية بتاعتى فيها حاجات كويسة اول حاجة موتورها القوى 1600سىى سى وصاجها المتين ويكفى انها عاشت 37سنة وماعملتش غير عمرة واحدة وصيانتها جميلة جدا
بس انا الصراحة انا عاوز اجدد ومش عاوز اندم على الجولف لو بعتها فلو سمحتم عاوز اعرف اراء الناس اللى جربت اللوجان واية رايهم فيها بصراحة وهل هى جديرة بالشراء ؟ [aldl]http://www.google.com.eg/imgres?q=%D8%B5%D9%88%D8%B1%D8%A9+%D8%A7%D9%84%D8% AC%D9%88%D9%84%D9%81+1&um=1&hl=ar&sa=N&biw=1366&bi h=632&tbm=isch&tbnid=UCb9uj2Z3E9NSM:&imgrefurl=htt p://en.wikipedia.org/wiki/File:Vw_golf_1_v_sst.jpg&docid=EO3vihQfl8N9uM&imgu rl=http://upload.wikimedia.org/wikipedia/commons/3/3e/Vw_golf_1_v_sst.jpg&w=800&h=600&ei=hsNbUNCfHob4sgb q-4CwBA&zoom=1&iact=rc&dur=1&sig=1109608768239598950 40&page=1&tbnh=134&tbnw=176&start=0&ndsp=18&ved=1t :429,r:16,s:0,i:118&tx=331&ty=260[/aldl]

**gebreel** · 21-09-2012 11:57 AM

خد لفة في القسم و اسأل و هنجاوبك ان شاء الله على كل اللي بتسأل عليه بامانة

اما هي العربية تستاهل ولا لأ فانا شايفها تستاهل كل جنيه في الفئة السعريبة دي و علشان كدة اما جيت اجيب عربية ثانية اوتو جبتها بردو

**tondar90** · 22-09-2012 12:09 PM

منور يا استاذ محمد

عندي لوجان 2012 منيول

وكان قبل كده عندي عدة عربيات
1- ميتسوبشي جالانت موديل 1998 ------ اللوجان افضل
2- نيسان تيدا 2006 ------- التيدا افضل في الفرامل و التكييف
3- بيجو 405 موديل مش عارف ايه ------ اللوجان افضل
5- بيجو 207 موديل 2011 ------- البيجو 207 افضل من ناحية التكييف

اقدر اقول مع تجربتي ان اللوجان ممكن تتقارن مع العربيات دي لانها عربيه كفائه و تتفوق

و من عيوب اللوجان
1- ضعف التكييف مقارنة مع العربيات الاخرى
2- الفرامل ذات اداء عادي وليك عليها شويه في السرعات العالية من حيث سرعة الاستجابة
3- العفشة الداخلية رخيصة و اقتصادية

اللوجان اتعملت و تهندست كبديل حضاري كويس للعربيات المهلكعة في روسيا و اوربا الشرقية
عربية اقتصادية بتصميم ممتاز و واسع و ميه ميه و انعم في السواقة من اي عربية سوقتها قبل كده

مش عارف لانك اتيت من خلفية عربيات المانية ايه حتكون نظرتك و ردة فعلك لكل هذه البساطة و الاداء الاقتصادي

الخلاصة: عربية اقتصادية و بسعر معقول و بنت حلال و احسن من غيرها و لو انا مكانك حشتري اللوجان