الموضوع: حدث في امبابه

المشاركة الأصلية كتبت بواسطة hugan

الاخوه الاعزاء
امس كان يوم غريب جدا
هاحكي علي اللي حصل علشان الناس تاخد بالها
العربيه فجاءه بطلت وقطعت كهرباء نا قولت ان االدينامو لان البطاريه جديده وخلاص شطبت ما فيهاش شحن
المهم كان ركب معايا 2 من اصدقائي
اتعذبوا كل شويه العربيه تبطل وينزلو يزقووا العربيه تمشي شويه وتبطل ينزلو يزقوا لحد ما تقطع نفسهم واتهد حيلهم
انا كنت راجع من الهرم ورايح علي المطريه
الكهربائي في امبابه
بتدخل له من شارع طلعت حرب من علي النيل عند البرنس بتاع الكبده المشهور
المنطقه دي للي يعرفها زحمه وكلها تكاتك ومحلات وبشر وناس رايحه وجايه
فجءه قبل الكهربائي بحاجات بسيطه العربيه بطلت تاني
الناس نزلو وزقوا العربيه ومشيت انا بسرعه وقولت لهم حصلوني علي الكهربائي
لكن بطلت تاني ووقفت في نص الشارع
وهنا المهم
انا سايق الناس اللي معايا ورايا بشويه
العربيه وقفت في نص الشارع
نزلت ازق العربيه لوحدي علشان اركن علي جمب علشان الطريق
فجاءه وبدون ماشعر لقيت واحد علي يميني وواحد علي شمالي بيساعدوني في زق العربيه
لكن اللي علي شمالي ماكانش بيزق من الخلف
كان بيزق من الباب الامامي شمال
وراسه طبعا داخل العربيه

والتاني اللي علي يميني
كان واقف ورايا
قولت لهم متشكر ياجماعه انا مش عايز مساعده العربيه مش هاتدور
وبكلم واحد
التاني فجاءه لقيته اختفي
ببص عليه
لقيت اللي واقف ورايا ايده اتمدت واخد حاجه من باب العربيه
وفي عز اللخبطه تذكرت اني كنت سايب 15 جنيه في الباب
انا ماكانش هاممني لان العربيه ما فيهاش حاجه
تليفوني انا متعود اني احطه في جيبي
ولكن انا كنت بكلم الكهربائي
وسيبته جنب عصايه الفتيس
وناسي اني سايبه داخل العربيه
طبعا المعلم اللي علي يميني مد ايده وخطفه واختفي
واللي علي شمالي اخد ال 15 جنيه وانا مش متخيل انه اخد حاجه
وهنا وصل الرجاله اللي معايا
لقيت الشخص اللي علي يميني انسحب للخلف
ونط في تك تك
بسرعه
بضرب ايدي في جيبي ما لقتش التليفون
قولت لهم بسرعه الواد ده حرامي
في لحظه كانوا وراه لكن كان فتح بال تك تك

وهنا ظهر شابين من شباب امبابه الحترمين رااكبين موتو سيكل قالو لهم في ايه

الناس اللي معايا قالو لهم العيال سرقت تليفون وجريو
راح الشابين جارين وراهم ومعرفش ايه اللي حصل بعد كده
بعده بشويه اتصلنا علي التليفون
الشباب اللي راكبين الموتوسيكل ردوا علينا وقالو لنا اتليفون معانا وقابلونا عند البرنس
انا طبعا واقف جنب العربيه لانها في نص الشارع والطريق واقف بسببها
راللي معايا راحوا قابلوهم وعرفوا ان من جريهم وراهم التوك تك اتقلب بيهم الشباب مسكوهم والناس اتلمت
وكلوا العيال الحراميه علقه موت
يعني في ناس جدعان لحد الان
الظريف في الامر
زقينا العربيه ورايحين علي الكهربائي لقيت واحد تاني بنفس الطريقه وجاي يزق وبيساعد
قولت له بقولك ايه اللي قبلك سرقوا التليفون والعربيه ما فيهاش حاجه
راح واخد بعضه وماشي
والحمد لله كان في واحد من الناس اللي معايا كان سايب تليفونه علي الكنبه الخلفيه
لكن الزجاج كان مقفول والدنيا ضلمه ربنا سترها
المهم
لو العربيه اتعطلت بيك لاي سبب
امن نفسك
ومش اي حد جاي يساعك
بيسا عدك لوجه الله
ولسه مصر فيها ناس جدعان

ايه يا عم هوجان تبقى عند البرنس ومتكلمنيش يا باشا ما انت عارف اني ساكن قريب قوي من هنااااك وبعدين كنت جبتلك كهربائي لغاية عندك يا باشا
على العموم حصل خيير الحمد لله