الموضوع: ملاحظاتي واستفساراتي علي لوجان 2013 اوتوماتيك

متابع

الحمد لله انا استلمتها من اسبوع :
ملاحظتي :
[1]- الدريكسون . تقيل وهي واقفة . لما بتمشي بيخف وبيكون كويس .
وموضوع الأحساس بالبور بتاع الدريكسون مسألة خبرة وتجارب لعربيات تانية .
يعني اكيد اللي طالع من لادا للوجان هيقول ان دريكسون اللوجان ميه وسهل .
كل اللي طالع من عربية اقل هيشعر أن الدريكسون كويس .
لكن اللي كان راكب لانسر ولا تويوتا هيكون الدريكسون تقفل بالنسبة ليهم .
من الاخر هي مسألة نسبية .
لكن الغريب هو موضوع إن دركسيون المانيوال اخف من الاوتو ؟؟؟؟؟

الملحوظة (2) هركز واخد بالي واشوف للتأكيد .

الملحوظة (3) لم تحدث معي حتي الان .

الملحوظة (4) حصلت معايا وبسمع صوت بيعلي وينخفض
رحت التوكيل علشان يظبط الفيرون . قالوا ليه بعد كده إنه مظبوط . وده صوت الكمبورسور . بتاع التكييف
وده عادي .
عموما لازم الواحد يركز مع العربية شوية ونتأكد من بعض علي الملاحظات .

المشاركة الأصلية كتبت بواسطة raniarefki

الحمد لله اشتريت اللوجان الاتوماتيك بعد انتظار شهرين وعندي بعض الاسئلة او الملاحظات عليها
1- الدريكسيون تقيل اوي حاسس انه مش باور اصلا ولما جربته في عربية لوجان مانيول لقيته اخف من عندي فهل ده طبيعي ولا انا عندي مشكله ؟؟؟؟

الدريكسيون باور اصلا تقيل شوية و ده الاوربي مش زي الكوري و الياباني بس انا ماجربتش في المانيول

2- حاجة غريبة عندي اني وانا باسخن العربية كل ما احرك الدريكسيون اي حركة ال rpm يطلع وينزل زي ما اكون بازود بنزين . مش عارف حد حس بحاجة زي ديه ولا لأ ؟؟؟؟

انا عندي كده برضو خذت بالي من وانا باسخن العربية كل ما احرك الدريكسيون اي حركة صوت الموتور زي ما اكون بازود بنزين

3- موضوع السخونة اللي عند الرجلين ماتحلش ولا حاجة في موديل 2013 . انا لو مش مشغل التكييف باحس ان فيه هبو طالع علي رجلي .

محستش بكده على رجلي بس انا عندي بسيب الموبايل لما بسيبه في الكاب هولدر لو التكيف شغال بيكون بارد !! لو التكيف مش شغال بيكون سخن شوية

4- صوت الموتور من غير التكيف مش مسموع نهائيا ولكني لما باشغل التكييف باسمع صوت غي عادي عالي قوي ولما جربت لوجان مانيول ماحسيتش المشكلة ديه ومش عارف هل عندي مشكلة في المروحة مثلا انها بتشتغل السرعة العالية بس ولا في ايه انا مش عارف

انا عندي كده برضو بس عدد الكيومترات بيفرق في الموضوع ده
........

(1) بخصوص الباور...فعلا ه تقيل حبتين و هى واقفة وعند الركن و ده عرفته من المنتدى هنا قبل ما أشتريها فمكانش مفاجئ بالنسبة لى...بس لما جبت طارة للدريكسيون نوعها محترم تخنته فإديتنى تحكم أفضل و بالتالى حسيت أن الباور بقى التحكم فيه أسهل و أخف
(2) مفيش سخونة خالص عند الدواسات بالنسبة لى
(3) فعلا صوت الموتور بيعلى و بينرفز مع التكيف و أحيانا بأحس بالصوت بيعلى قوى و بعدين بيخف...و الأعضاء هنا فى المنتدى أشاروا أن ده صوت الدرجة التانية من المروحة و دى مبتشتغلش طول الوقت.
(4) معظم الأعضاء أجمعوا أن موضوع صوت الموتور و التكيف و التسارع و إستهلاك البنزين العالى هى أمور وقتية و بتقل بالتدريج حتى تختفى بعد 5000 كيلو إستخدام..

فيه نقطة يا جماعة عايز أثيرها هنا بالمناسبة :-
كلنا اللى إستلمنا عربيات 2013 أوتو.. فيه مننا معاه العربية بالكاسيت الجديد و البعض الآخر لأ...و قد يكونوا غيروا أو تلافوا بعض العيوب مش مجرد كاسيت جديد و بس...لذا يا ريت اللى يوضح أن عنده مشكلة يوضح عربيته 2013 بالكاسيت الجديد و لا لأ...لكى نعرف هل التغيير الذى طرأ عالعربية كان كاسيت و بس و لا لأ
و آسف عالإطالة

متابع