المشاركة الأصلية كتبت بواسطة beso516
تمام والله جميل جدا
بس لمعلوماتك انا اشتريت من الصين dvd للأسبرانزا عندى ودوخت السبع دوخات ولفيت حولين نفسى فى المطار بسبب الجمارك وتصريح دخول الجهاز مصر ( كأنى هدخل متفجرات ) ودفعت اغلب تمن الجهاز شحن وجمارك !!!!!!!!
ماهو ده الواحد الي بيخاف منوا ياباشا .... مشكلت بدلنا في الحته دي. علشان كده كان في موضوع الشباب عملينوا في القسم الاجتماعي عن طريقة الشراء من موقع اشتريلي او موقع ادفعلي .... ليهم سككهم في تخليص الجمارك. وقبل مايجيبولك الجهاز. او القطعه الي عاوزها بيحددولك سعرها بالكامل .... وانشاء الله كريم منير هيعرفنا على شركة كويسة تكون امينه وتوصلنا الحاجة لغايت باب البيت كمان .... صحيح بمناسبة جهاز الدي في دي اخباروا معاك ايه ياباشا ... هل لاحظت عليه ايه مشاكل بيعلق اسطونات او بيهنج مع الحرارة وتسلم ايدك على مشاركتك يا جميل !
المشاركة الأصلية كتبت بواسطة ahmed_fahmy
موضوع هايل والفوانيس الاماميه والخلفيه تحفه هيحولو العربيه وسعرهم منطقى جداً والطنابير غاليه عشان سبور مخرمه ودى مبيركبش عليها التيل العادى لها تيل مخصوص انسى موضوعها
حبيب قلبي احمد باشا فهمي .... فعلاً مشكلت الطنابير. ان الواحد بيخاف حتى يستبدل طنابير ياباني بطنابير صيني رياضية .... واذا طنابير اليابانية كمان بتبوظ بسرعه كل ٥٠.٠٠٠ كيلو. فما بالك بطنابير الصيني هتبقى عاملة ازاي
بالذات ان الواحد بيكون جي من مشوار. والعربية سوخنه والكوتش سخن والطنابير سخنه وفجئة تلاقي نفسك في شارع غرقان ميه او مليان مجاري. .... وتيجي توقف وتقول ارجع مرشدير تبص تلاقي عربية. لزقت فيك من وره وبيزمرلك وبيقولك خوش ياخويا هههههههههه. ومجاري ساقعه مع طنابير سخنه. تخليه تلوح معاك بدري بدري
بس الحلو في الصناعه الصينية انهم بيصنعوا تويوتا يارس باسم فيوس Vios ومنزلنها كمان ١٦٠٠ سي سي فبقى عندهم خبرة بس هل الفرامل الرياضية ياباشا بتعيش. ولا بتستهلك بسرعه
المفضلات