الموضوع: اركب ايه من المنصورة الى جامعة القاهرة

المشاركة الأصلية كتبت بواسطة ahmed_120s

انزل كلية الزراعة و اركب المترو لحد محطة جامعة القاهرة و دي اول محطة فوق الارض للمترو من خط شبرا كمان محطة القطر في المؤسسة جنبها المترو من اول الخط... يا رب اكون عرفت افيدك رغم اني من سكان الزقازيق تروح و ترجع بالسلامة

اوصل للمترو ده منين برضه انا عاوز اعرف اركب ايه و انا رايح قطر ولا سوبر جيت و من هناك اركب تانى مواصله ايه و انزل فين ؟؟؟

السلام عليكم و رحمة الله و بركاته

بص يا باشا, أنت تركب القطر مكيف درجة تانية من المنصورة عادى, المفروض أن القطر بيوصل لحد محطة مصر فى القاهرة, أنت هتنزل محطة بدرى, اسمها (المؤسسة), أول ماتنزل فى المؤسسة, هتمشى عالرصيف مع الناس اللى ماشية لحد ماتوصل محطة المترو من أول الخط, أنت هتركب الخط من أوله, فطبعا -ان شاء الله- هتلاقى الكراسى فاضية, و أنت بتقطع التذكرة بتاع المترو, اسأل الموظف و قوله, انا عاوز أنزل فى الحتة الفلانية, أنزل محطة اييييييييييييه ؟؟؟, و هو هيقولك, و أنت راجع هتركب المترو لحد محطة مصر اللى هتركب منها القطر الى المنصورة, المهم, أنك تحاول تروح و تيجى فى القطر الدرجة التانية المكيف عشان ماتحسش بعناء السفر على الاطلاق و اوعى تفكر تركب أى حااااااااااااااااااجة, بتمشى على الأسفلت, لأن الطريق لو وقف و ده أمر وارد جدا, هتندم ندم السنين أيا كانت العربية و لا المواصلة اللى أنت راكبها, ان شالله يكون فيها تكييف و لا حتى حمام سباحة, أدام واقفة تبقى واقفة, و لو كنت عارف أنت هترجع امتى من القاهرة بالسلامة, ممكن و أنت بتحجز من المنصورة, تحجر رايح جاى عشان تضمن أنك تلاقى كرسى و أنت راجع, لأن ممكن تيجى تحجز من القاهرة, ماتلاقيش تذاكر و لما تروح تحجز من المنصورة, ماتقومش يوم السفر الصبح تروح المحطة و تحجز, لأن أكييييييييييييييييد الموظف هيقولك, مافيش كرااااااااااااااسى , احجز على بيات (ليلة السفر يعنى).

يبقى أنت هتعمل اييييييييييييييييييه ؟؟
هتحجز فى القطر درجة تانية مكيف رايح جاى ليلة السفر مش يومها الصبح.

تروح و تيجى بالسلامة ان شاء الله.

اقرب محطه لكلية الزراعه هى محطة فيصل او الجيزه و من هناك 10 دقايق مشى توصل لكلية الزراعه
لو مش هتمشى يبقى تنزل الجيزه و تاخد تاكسى دقيقتين هيوصلك (بس الميدان ميكونش واقف)

الف شكر ليكم يا رجالة

و الحمد لله المشوار اتعمل و خلصناه بحمد الله



و انا رايح لقيت القطار كومبليت رايح جاى :):):)

فطبعا سيبك منه

روحت على السوبر جيت شرق الدلتا و ركبت من المحطة فى المنصروة الساعه 7.20و وصلت لاخر الخط معاه الى فى الازبكية او القللى مش عارف و الله المنطقى كان اسمها ايه

بس و اخدت تاكسى ب 10 جنيه زى الفل ودانى لحد الكلية و شكراا على كده

و فى الرجوع للاسف ركبت ميكروباص ربنا ما يوريكم يا رب

بس الخلاصه لو حد عاوز يروح يركب القطر و يوصل محطة مصر و بعدها يركب المترو من قدام المحطة مصر و فى محطة مترو عند الجامعه بنزل هناك

الحمد لله على السلامه
كنت خليت الاوتوبيس ينزلك عند محطة مترو رمسيس ... او من عند اخر الخط لو سالت على اقرب محطة مترو كنت هتلاقيها قؤيبه لان محطات وسط البلد كلها قريبه من بعض ...