دواسة الدبرياج بتزييق

**amirboulos** · 23-09-2012 04:17 PM

يا جماعه عندي دواسه الدبرياج في صعوبه في حركتها وبتعمل صوت زي مايكون في بلاستيك بيحتك ببعضه او صوت احتكاك قولتهلم علي الموضوع ده في صيانه الخمسه مهندس الإستقبال اتفزلك وقالي ده ممكن يبقي تراب في واير الدبرياج ...هنضفهولك بـ wd واستلمت العربيه زي ما هي (ممكن يكون خف حبه ) بس برضه في صوت الإحتكاك ده وبيبان اكتر بقي في الزحمه مش عارف اعمل ايه ... حد حصل معاه كده ؟؟؟ وايه رائيكم في توكيل المقطم علشان بصراحه العبور بعيد جدا ومحلوش المشكله

**ali_333** · 23-09-2012 04:24 PM

انا كان عندي دواسة الفرامل بتزيق اما بتدوس عليها بس نزلت تحت بصيت عليها من جوة شوية لقيت الدواسة

والمفصل اللي ماسكة فيه واديتها رشة wd ومبقتش تزيق لكن موضوع التقل معرفش فيه

منتظرين رأي الاخوة

**amirboulos** · 23-09-2012 04:31 PM

المشاركة الأصلية كتبت بواسطة ali_333

انا كان عندي دواسة الفرامل بتزيق اما بتدوس عليها بس نزلت تحت بصيت عليها من جوة شوية لقيت الدواسة

والمفصل اللي ماسكة فيه واديتها رشة wd ومبقتش تزيق لكن موضوع التقل معرفش فيه

منتظرين رأي الاخوة

لا بص انا مقصدش تقل يعني الدبرياج تقيل ...اقصد ان الحركه مش سلسه او الدواسه زي ما تكون بلاستك بيحك في بعضه ..غير صوت دواسه الفرامل اللي حضرتك بتقول عليه ده كان عندي وراح لوحده ...كان في زي صوت تصفيره بسيطه مع الحركه بس حركه الدواسه كانت سالكه جدا حتي مع الصوت البسيط ده ...لكن الدبراج ده عندي زي ما يكون في تاكل في حاجة

**amirboulos** · 23-09-2012 10:40 PM

ايه يا شباب محدش حصل معاه الموضوع ده قبل كده ولا ايه ....دي مشكله فرديه ؟

**aimangorg** · 24-09-2012 12:50 AM

انا عندى نفس الموضوع

**Egyzizo** · 24-09-2012 02:26 AM

أنا عندى نفس الموضوع ودلوقتى باسمع منها أحلى مزيكة، بتبقى حاجة تكسف لو راكب معايا حد غريب ، وقلت عليها فى صيانة الـ 40 و الـ 45 والـ 50 والنتيجة انها بتزيد.

**Egyzizo** · 24-09-2012 03:07 AM

لو على قد التزييق هنتضايق شوية وخلاص
انما الواحد خايف يكون وراه حاجة كبيرة.
يعنى مثلاً السلك يتقطع ، أو تبقى فى مشكلة فى حاجة فى تركيب مجموعة الدبرياج.

قريت لواحد معاه النترا انه كان عنده نفس التزييق ، وفى التزييق شخصوا العيب من دسك الدبرياج

راجع المواضيع التالية ، وياريت لو وصلت لحل تقول لنا

http://www.nilemotors.net/Nile/113585-a.html

http://www.nilemotors.net/Nile/126889-2008.html

http://www.nilemotors.net/Nile/166008-2009.html

http://www.nilemotors.net/Nile/65669-a.html

**matrix_it** · 24-09-2012 03:15 AM

لسة ظاهرة عندى انا كمان

**amirboulos** · 24-09-2012 11:30 AM

مش عارف ليه بيحصل كده في الدبرياج ومبيحصلش في البنزين مع انه سلك برضه

**Egyzizo** · 24-09-2012 09:07 PM

أنا رايح التوكيل قريباً علشان الموضوع ده بس، ومش هافتح فى حاجة تانية علشان يركزوا، وهاروح لهم من أول اليوم ومش هارجع غير وهو متصلح ان شاء الله وهاديك الفايدة.