النترا 2010 ولا بومة 2010 ولا سيراتو 2010 ؟؟

**diablo1231** · 24-09-2012 02:56 AM

كنت عايز اشتري عربية مستعملة في حدود 90 الف مثلا ولقيت قدامي ال 3 عربيات دول

1- لانسر 2010 بومة هالف سبورت
2- النترا 2010 الشكل القديم فول اوبشن
3- كيا سيراتو 2010 كاملة ما عدا فتحة سقف و سمارت كي

كنت عايز رأيكم ايه الأفضل فيهم و لو في حاجة تانية احسن في نفس الفئة السعرية وشكرا :) !!

**S O P H O S** · 24-09-2012 04:03 AM

حضرتك قالتهم بالترتيب الصح
من وجهة نظري

**Mohamed Fawzy** · 24-09-2012 11:40 AM

بص يا باشا بالترتيب كده وعن تجربة

1-الالنترا
2-البومة
3- السيراتو

**diablo1231** · 24-09-2012 01:42 PM

طيب في استفسار ايه عيوب السيراتو ؟؟

**Mohamed Fawzy** · 24-09-2012 02:35 PM

المشاركة الأصلية كتبت بواسطة diablo1231

طيب في استفسار ايه عيوب السيراتو ؟؟

العفشة ناشفة - الدريكسيون تقيل - قطع الغيار غالية

**diablo1231** · 24-09-2012 03:58 PM

شكرا ليك يا باشا , المشكلة ان والدي اللي هيشتري و عايز يجيب مستعمل في حدود 90 الف و مقتنع جدا بالسيراتو فلو تقدر تفيدني و تقولي نقط تفوق اللانسر علي السيراتو والانترا اكون شاكر ليك جدا :) !!

**Mohamed Fawzy** · 24-09-2012 04:38 PM

المشاركة الأصلية كتبت بواسطة diablo1231

شكرا ليك يا باشا , المشكلة ان والدي اللي هيشتري و عايز يجيب مستعمل في حدود 90 الف و مقتنع جدا بالسيراتو فلو تقدر تفيدني و تقولي نقط تفوق اللانسر علي السيراتو والانترا اكون شاكر ليك جدا :) !!

يا باشا السيراتو هي اقل واحدة في التلاتة يعني الانترا والبومة تقريبا زي بعض وبتبقى أذواق بقى اللي بتفرق بينهم يعني انما هاقولك هما احسن من السيراتو في ايه

اعتمادية: لانسر - النترا - سيراتو
تسارع: النترا - لانسر - سيراتو
قطع غيرا: النترا - لانسر - سيراتو
عفشة : النترا - لانسر - سيراتو
سعر اعادة بيع: لانسر - النترا - سيراتو
كماليات: سيراتو- النترا - لانسر
شكل: سيراتو - النترا - لانسر

طبعا الكلام ده مجرد وجهة نظري الشخصية المتواضعة التي لا قيمة لها وعن تجربة طويلة للعربيات دي بجد فهتلاقي وبكرر من وجهة نظري ان السيراتو ما تتفوقش غير في الشكل والكماليات ودول متهايالي مش هما مربط الفرس ولا ايه رأي حضرتك؟

**diablo1231** · 24-09-2012 05:02 PM

تمام عندك حق يا باشا , انا ده رأيي فعلا , انا مرتاح اكتر للالنترا , الف شكر لحضرتك :) !!

**felfel2010** · 24-09-2012 06:52 PM

انا عندى نفس الحيرة بين الالنترا و البومة و احيانا شارك 2008

**modo88** · 25-09-2012 01:02 PM

بالعقل كدا بالنسبه للمواتير الالنترا والسيراتو زي بعض والاتنين بيتفوقوا علي الانسر...العفشه لالنترا ناعمه جدااا السيراتو ناشفه جداا الانسر وسط بس تعتبر ناشفه....الكماليات شايف ان الالنترا الكامله تعتبر زي السيراتو السيراتو الاختلاف فيها الاستيبترونك بس في الفتيس الانسر كماليات قليلة جداا وتابلوه فقير اوي وشكلها شعبي اوي بجد :d
وسيبك من اللي يقولك ياباني وكوري الياباني بصراحه هوندا وتويوتا وسوبارو غير كدا ماتدورش (وجهه نظري)
علي فكرة انا زيك كدا بقارن بينهم وبقالي شهر ونص واكتر بدور علي النترا نضيفة ومش لاقي :(
وطالما لوالدك يبقا زود خمسه ولا اكتر شوية صغيرين وشوف التويوتا 2008 ولا 2009 بس تكون الخليجي وبلاش الجنوب افريقي mmt لانها كلاسيك اوي وهاتبقا حلوه معاه وعربيه تحفه بجد

الموضوع: النترا 2010 ولا بومة 2010 ولا سيراتو 2010 ؟؟

LinkBack

أدوات الموضوع

عرض

-

-

-

-

المواضيع المتشابهه

اوبترا 2010 او النترا 2010 انا محتار

فانتازيا مانيوال 2010 ولا سيراتو اوتو 2010

سيراتو اس اكس 2010 وكيل ولا هوندا سيتي 2010

هيونداى النترا 2010 أم تويوتا يارس 2010

معلش يا جماعة كنت عايز استفسر على السيراتو 2010 و النترا 2010

الكلمات الدلالية لهذا الموضوع

المفضلات

المفضلات

ضوابط المشاركة