ياجماعة انا كنت عايز اجيب بلاى ستيشن والناس قالولى راحت عليها خلاص
هات اكس بوكس ينفع للكبار والصغار
ممكن اعرف ايه الفرق بينهم وياترى سعره بكام
شكرا
عرض للطباعة
ياجماعة انا كنت عايز اجيب بلاى ستيشن والناس قالولى راحت عليها خلاص
هات اكس بوكس ينفع للكبار والصغار
ممكن اعرف ايه الفرق بينهم وياترى سعره بكام
شكرا
الإكس بوكس تفوق على البلاى ستيشن و الوي بمراحل كتيرة و كفاية سنسور الحركة أفضل من الموجود فى الباقى و تقدر تلعب ألعاب أكثر واقعية عليه زى التنس و الكنكت سبورت بالنسبة للكبار زى حالتى و حاليا نازل الفيفا 13 و الnba بالسنسور أما البلاى ستيشن حتتقيد و مش حتتمتع زى الإكس
بس نصحتى ليك ماتجيبش جهاز كراك و تستعمل له ألعاب كوبى لإن ده فشل ذريع و أنا كنت عامل كدة فى الأول و إكتشفت إن كل شوية لازم أحدث السوفت وير بحوالى 150 جنية و كمان الألعاب الكوبى بتأثر على عدسة الجهاز و إشتريت ألعاب كتير جدا و فى الآخر لقيت الأولاد عندى بيركزوا على 3 أو 4 ألعاب
بعد كدة إشتريت جهاز أصلى و ألعاب محددة الأولاد بيختاروها و من ساعتها معنديش مشكلة فى سوفت وير أو تحديث .كله أوتوماتيك بمجرد التوصيل بالنت.
Xbox 360 Kinect Vs. PlayStation Move - YouTube
لو بتفرق معاك حصريات ال بلاي ستشن زي God of war و Uncharted و ....l Gear يبقي بلاي ستشن لانها حصريات غايه في الروعه و لو مش بتفرق معاك يبقي اكس بوكس و شوف الفيديو اللي فوق عامل مقارنه بين موشن سينسور في الاتنين
معلوماتى عن أسعار البلاى مش قوى أما الإكس فهو حوالى 3000-3500 جنية فى مصر بس لو تعرف حد فى السعودية ممكن يجيبهولك أقل يعنى فى حدود 1200-1400 ريال و ده أرخص كتير ولو تعرف تجيبه من أوروبا أو أمريكا فحتوفر جامد بس خد بالك و إنت بتشترى من الملاحظة الجاية سواء بلاى ستيشن أو إكس بوكس .
فى الخليج نظام الألعاب أوروبى يعنى اللعبة لازم يكون مكتوب عليها pal و معنى كدة إنك حتجيب الألعاب من دولة خليجى أو من أوروبا بالنت ( بتوفر جامد ) و اللعبة بتبقى فى حدود متوسط 200-240 ريال أو حوالى 20-30 جنية إسترلينى .
فى مصر النظام أمريكى يعنى الالألعاب تكون ntsc و الأسعار فى أمريكا زى أوروبا لكن فى مصر حدث ولا حرج عن الإستغلال و كأن اللى بيجيب لعبة علشان أولاده تنشغل عن القذارة اللى فى التليفزيونات ده مليونير أو جاى من عالم تانى و لازم يتقلب فحتسمع عن 400-500 جنية للألعاب الجديدة المشهورة زى الفيفا
ألعاب الإكس بوكس و البلاى ستيشن تقريبا نفس الأسعار
جزاك الله خير يافندم
طيب ايه احسن نوع ممكن اجيبه انا نزلت لقت 4 gb و 250 g b
تنصحنى با ايه
وانا فى السعودية واللعبة الواحدة ب 150 ريال
دورت فى المنتديات لقيت اناس كلهت بتقول عدله ب 150 جنيه وبعد كده هات اللعبة ب 20 جنيه
هو مش كده اوفر ولا ايه
وهل صحيح لو عدلته لازم كل كام شهر اعدله تانى ولا مش لازم يعنى اجبارى ولا اختيارى
وهل هو مسلى للكبار
شكرا
متابع باهتمام وسكرااااااااااااااااااااا ااااااااااااا
مش حيفرق سعة الهارد فى تشغيل اللعبة .لكن ال250 جيجا يخليك تخزن ألعاب أكتر على الهارد من ال 4 جيجا و ده مفيد جدا لإن فى الحالة دى لما بتحط اللعبة البروسيسور بياخد المعلومات الأساسية فقط من على الشريط و الباقى من الهارد و دة بخلى عدسة الدى فى دى ما تشتغلش بإستمرار و عمرها يطول .و بالنسبة لحفظ الألعاب الفنى اللى فى المحل حيقولك إزاى أو لما تشترى أبقى أعرفك .
فى السعودية الألعاب متوفرة فى مكتبة جرير و إكسترا و فى المحلات المخصوصة للألعاب لكن جرير و إكسترا أرخص و ممكن تجيب الألعاب اللى بينزلوا عليها عروض لما تقدم شوية و دى بتبقى رخيصة قوى أقل من 120 ريال و بعض الألعاب زى السباقات و ألعاب الأطفال الصغيرة ممكن توصل 49 ريال
نصيحتى ليك و لأى واحد عايز يشترى .بلاش المعدل للآتى
1-التعديل يخلى الجهاز blocked بالنسبة لأى تحديث لإن كل مدة بتلاقى لعبة جديدة نازلة تحتاج software معين و المفروض أول ما تشغلها على الجهاز يطلب منك توصيله بالنت و يقوم بتحديث سوفت الجهاز أوتوماتيك و مجانا من موقع ميكروسوفت . ولما الموقع يكتشف إن الجهاز cracked خلاص بيعمل block على الجهاز وماتقدرش تشغل أى ألعاب نهائيا
2-الألعاب الكوبى اللى ب 20جنية منسوخة بطريقة تعبانة و تؤثر على عدسة الدى فى دى و مش كل الألعاب تنفع.
3-عن تجربتى مع أولادى و أولاد أصدقائى . الطفل دايما يركز على لعبتين أو تلاتة بالكتير و تلاقيه يلعب بيهم 80% من الوقت يعنى لما أجيبله 50 لعبة حيفرح بيهم فى الأول و بعدين تستهويه لعبات معينة و دى تقدر تعرفها من ميول أولادك مثلا بيحب ألعاب simulation , fighting ,racing.....يبقى فى الحالة دى أجيبله حاجة نضيفة بمعنى سعر 3 ألعاب فى السنة يساوى تقريبا سعر 30 لعبة كوبى
4-لو قمت بالتعديل يبقى لازم تعمل تحديث للسوفت كل شهرين أو تلاتة حسب الألعاب الجديدة اللى بتنزل.
هو مسلى لكل الأعمار لإن فيه ألعاب تصلح للكل . ممكن أولادك يلعبوا عليه لوحدهم أو مع بعض و ممكن تلعب معاهم فيفا أو بولينج أو مصارعة أو ......... و ممكن تلعب لوحدك لو تحب زى حالتى أنا بأحب جدا ألعب تنس بالسنسور لإن ده بيخلينى أبذل مجهود و أحرك جسمى كنوع من التنشيط و التخسيس
و شكرا
معلش اخر سوال لعية التنس بكام وفيفا 2012 بكام