استفسار -نصائح عند شراء سيارة مستعملة

**ENG_TEKA** · 25-09-2012 01:05 AM

السلام عليكم

عندى استفسار اتمنى اﻻخوة اﻻفاضل يفيدونى ﻻن خبرتى قليلة فى العربيات

معروض عليا بوما 2006 1600 cc اوتوماتيك هاف سبور كاملة رشة خارجى نظافة استعمال جيد و عاملة 68 الف كم ------- المطلوب مبدئيا 72 الف
السعر ده كويس وﻻ انزل كمان و لو انزل قد ايه بدون ما اجى على صاحبها

عندى استفسار ﻻنى مبفهمش فى العربيات و ﻻزم حد يفحص معايا و لﻻسف ده مش متوفر فهل ممكن اعمل فحص فى توكيل او مركز تانى و ده يكون ثقة و كافى للحكم و ايه المركز ده و تكلفة الفحص كام

اسف على اﻻطالة و شكرا مقدما

**أبو إياد** · 25-09-2012 08:53 AM

السعر ده ممكن تركب سوبر اكشن 2007 وتقريبا نفس الحاله اللى معروضه عليك لو هى كويسه وانت مرتاحلها حاول تنزل ل 68 الف

**أبو إياد** · 25-09-2012 09:14 AM

المشاركة الأصلية كتبت بواسطة eng_teka

شكرا لردك و بخصوص باقى الموضوع ممكن استفاد بخبرتك ؟

من غير خبره ولا حاجه انا لو عاوز اشترى حاجه ماليش فيها خبره لازم اسال وبخصوص شراء سياره لازم تكشف عليها فى التوكيل وهناك هايفيدوك بخصوص كل حاجه بس الكلام ده بيتم بعد ماتكون انت مقتنع بيها مبدئيا وبيتم الاتفاق المشروط بنتيجه التقرير

**ENG_TEKA** · 28-09-2012 04:39 AM

المشاركة الأصلية كتبت بواسطة eng.ghost

تكشف فى التوكيل
و تتفق مع صاحبها على سعر نهائى بشرط الحالة اللى قال لك عليها هى هى نتيجة تقرير فحص التوكيل
و لو طلع التقرير مطابق لكلام مالك السيارة سيادتك بتدفع سعر الكشف فى التوكيل خلاف سعر السيارة المتفق عليه

ولو طلع فى العربية عيوب او حادث او اى شئ مالك مكنش قال لك عليه
يبقى هو يدفع ثمن الكشف و التقرير وانت تشكره قوى قوى
وتسيبه و تمشى
او تفاصل معاه تانى
شئ يرجع لك و على حسب النتيجة فيها إيه كان مخبيه
بمعنى لو مغير رفرف مثلا ممكن تنزل فى السعر لان كده كان فيه حادث
اما لو مغير نصف او الشاسيه فيه عيب او غير ماتور او سقف يبقى عربية تصنف حوادث
ملهاش لزمة

شكرا جزيلا على اهتمامك