صوت احتكاك مش فاهم

**madinabaza** · 25-09-2012 10:03 AM

لما بدور العربيه الصبح وهيا بارده بسمع صوت احتكاك بس لما بتسخن وادور بيروح ممكن حد يفهمني ايه الصوت ده؟ مع العلم انها زيتها بينقص هل ده له علاقه ولا لا؟

**ahmedeihab** · 25-09-2012 11:40 AM

لسه الزيت بيكون بيرفع

الكلام ده مش بياخد اكتر من 5 او 10 ثوانى على ما يوصل للكوستبانات

^_^

**akmm** · 25-09-2012 12:55 PM

متابع ....

**madinabaza** · 25-09-2012 05:07 PM

بس صوت الاحتكاك ده ش طبيعي يا فندم

**verna2008auto** · 25-09-2012 05:19 PM

اعتقد .. انك تكشف علي طقم السيور كلة بالبلي بتاعة ....

**madinabaza** · 26-09-2012 12:24 PM

مغيرهم والله يا باشا

**HOSSAM99** · 26-09-2012 10:01 PM

حضرتك بتحط زيت أيه و بقاله أد أيه (زمن و كيلو متر ) ؟
و سبب نقصان الزيت و هل فيه دخنه أو تغير للون الزيت أو مياه التبريد ؟ و بينقص بمعدل أد أيه ؟

**madinabaza** · 28-09-2012 02:39 AM

المشاركة الأصلية كتبت بواسطة hossam99

حضرتك بتحط زيت أيه و بقاله أد أيه (زمن و كيلو متر ) ؟
و سبب نقصان الزيت و هل فيه دخنه أو تغير للون الزيت أو مياه التبريد ؟ و بينقص بمعدل أد أيه ؟

بحط شل الاصفر وبعد ممكن 5000 او 6000 ك وحاطه من شهرين كده ولما كان بينقص زودت بتاع 3 4 مرات كده كل مرة نص لتر لما بكارك بنزين جامد بيطلع دخان ابيض خفييف بس مفيش دخان بيطلع من المكنه نفسها ولون الزيت بني والميه مش بتنقص خالص والعربيه بتسحب كويس جدا يعني مفيش مشكله في المشي خالص وكذا ميكانيكي يقلولي مفهاش حاجه وميكانيكيه تانيين يقوولولي عايزه شنبر مش عارف اصدق مين :/

**HOSSAM99** · 28-09-2012 09:35 AM

إن شاء الله خير
لكن الموضوع الأهم هو الدخنه و نقصان الزيت اللي بيدل علي عدم إحكام غرفة الحريق يبقي مبدئياً العربيه محتاجه طقم شنبر
أما الصوت العالي في الدواره صباحا فهو تقريبا من التاكيهات بيبقي موصلهاش زيت لكن بعد كام ثانيه الصوت بيختفي و ده مش عيب في المكنه و لكن عيب في الزيت لأنه تقيل و بيوصل ببطء لأجزاء المحرك في ثواني الدواره الأولي
أما لو كان الصوت بياخد وقت علي ما يختفي يبقي محتاجه كشف علي البلي و مبروسر التكييف و مكنة الباور لأن ممكن صوت الإحتكاك يجي منهم
يبقي عربية حضرتك محتاجه شنبر و يكون عند ميكانيكي أمين

بالتوفيق