فى انتظار تعليق العضو المحترم edfa3ly .com
رقم العضوية : 23265
تاريخ التسجيل : 26Oct2008
المشاركات : 538
النوع : ذكر
الاقامة : Egypt
السيارة: sold
السيارة[2]: lancer 2003
دراجة بخارية: no
الحالة :
السلام عليكم ورحمة الله وبركاته
تحية طيبة لاعضاء نايل موتورز الكرام،
حضراتكم انا عامل الموضوع ده عشان يبقى مرجع لاى حد عايز يشترى من الموقع
لان الموقع فيه مشكلة كبيرة وهحكى اللى حصل بالتفصيل
انا من 3 ايام تقريبا قررت ان اشترى حاجات من اي باى وكنت سامع على ادفعلى وقلت اجرب معاهم
المهم سجلت فى الموقع ، والموقع كان عامل عرض كوبونات 50% off
المهم اخدت النمبر بتاع الكوبون وعملت اوردر من 6 طلبات والتكلفة حوالى 1400 جنيه والكوبون حوالى 20 دولار خصم وطريقة الدفع عبارة عن ديبوزيت فى البنك
ولسه مدفعتش ، وبعد كده لقيت حاجات من اللى هجيبها موجودة هيا هيا بس ارخص منهم فقلت اعدل الاوردر لقيت ان الموقع مبيقبلش تعديل الاوردر الا بعد مراجعته( طب تراجعه ليه وانا لسه مدفعتش يعنى لو عايز اعدل حاجة اقدر اعدلها لان المراجعة بتاخد وقت )
المهم ملقيتش حل غير انى اكتسل الاوردر واعمله من اول وجديد واضيف النمبر بتاع الكوبون لقيته بيقى ان النمبر غلط بعد ماكتبت الاوردر من اول وجديد ومينفعش اسحب كوبون جديد
طبعا اضطريت انى اعمل يوزر نيم جديد وفيسبوك جديد عشان اخد الخصم واعيد كتابة الاوردر لثالت مرة
وده كان اخر يوم فى الكوبونات جيت امبارح لقيت حاجات ارخص وعايز ابدلها ( وعذرا لان دى اول مرة اشترى من على النت والمفروض ان ادور على الحاجة اللى عايزها واقارن واشوف ارخص سعر بين اى باى وامازون بس الصراحة كان وقتى ضيق بس بردو الموقع فيه مشاكل ولازم يتحل )
المهم طبعا لما لقيت الحاجت ارخص قلت ماينفعش اكنسل الاوردر لحسن الكوبون يبوظ وعرض الكوبونات خلص
فكلمت خدمة العملاء رد عليا شاب قلتله انى عايز اضيف حاجات وزر الاضافة مش موجود قلى ايعتلنا اللى عايز تضيفه على الميل واحنا هنضيفهولك وقلتله ابعلتى اسماء البنوك وارقام الحسابات عشان اودع لانى خارج القاهرة(نص الرسالة هتلاقوه تحت) الكلام ده امبارح الصبح
اتبعتلى الاميل حوالى 6 بليل وبيقلى فيما معناه انى اعمل اوردر جديد ومردش عليا فى موضوع البنوك حتى (يعنى رسالتى متقرتش اساسا)
طبعا كنت متاكد انى لما اجى اعمل اوردر جديد وانقل النمبر بتاع الكوبون هيقلى غلط وانى استخدمته مع انى لادفعت فلوس ولاالاوردر بتاع اتفعل وبدء تنفيذه عشان ابقى استخدمته
وكده راح عليا العرض ده غير 3 ايام كل يوم اعيد الاوردر لدرجة انى حفظته
وبعت الكلام ده فى رسالة للعضو المحترم اللى همزة الوصل بينا وبين الموقع وسامحنى لو كانت اللهجة شديدة شوية لان الموقع يجيب القولون العصبى (الرسالة كانت موجهة للموقع وخدمة العملاء وليست لحضرتك ، ولكن حضرتك لما كلمتك من كام يوم رديت عليا فى وقتها وشكرتك على سرعة ردك)
وده نص الاميل اللى انا بعته للموقع عشان الاضافات
the links i want to order
http://www.amazon.com/SanDisk-microS...Ultra+Class+10
Amazon.com: [Aftermarket Product] Brand New Rear Back Door Plate Panel Cover Faceplate Panel Fascia Repair Fix Replace Replacement For Samsung GT-i9220 Galaxy Note [Silver]: Cell Phones & Accessories
2M MHL Micro USB to HDMI HDTV Adapter Cable for Samsung Sony Xperia HT EVO 3D | eBay
notes
1-the memory card is 64gb brand new (not used) with free shipping and costs $54.51
2- the battery cover of the galaxy note (i want both the silver one and the red one) and the price for both is $13.98 and both are brand new
3- 2M MHL Micro USB to HDMI HDTV Adapter Cable costs $7.77 with free shipping
please inform me with the banks deposit numbers, and am i have to pay the deposit right after make the order (within a certain number of days )
or at any time
thanks
وده نص الرسالة اللى ردوا بيها عليا
To make an order you have to visit your our website Edfa3ly.com - The World Is Just a Click Away then register and make your new order, fill all info of the item you want to purchase and the press check out icon and choose the payment method that is suitable :-)
وده نص الرسالة اللى بعتها للعضو المحترم Edfa3ly.com
اولا انا بعت لحضرتك قبل كده رسالة
انا اول مرة اتعامل معاكم وصراحة هتبقى اخر مرة
انا سجلت فى موقعكم وعملت اوردر وخدت كوبون وبعد كده جيت عدلت فى الاوردر ، موقع سيادتكم البايظ يقلى الكوبون غلط
اضطريت انى اسجل من اول حديد واعمل فيس جديد وخدت كوبون جديد وعملت اوردر من اول وجديد وطلبت 6 حاجات وجالى تاكيد تانى يوم انها هتتكلف 1400 جنيه والكوبون اشتغل لقيت حاجات من اللى طلبها ارخص فلت اعدل فى الاوردر وملغيهوش كله اختفت الكلمة بتاعة اضافة منتج
كلمت خدمة العملاء وقلتله انى حذفت حاجات من الاوردر وعايز اضيف حاجات
اللى حذفتها بس من امازون بدل من اىباي
قالى ابعتهالى فى لينك واحنا هنضيفها
عملت ميل كتبت فى الحاجات اللى عايز اضيفها ومواصفات كل حاجة وسعرها وشكلها الكلام ده كان النهارده الصبح
جيت بليل بفتح الميل لقيت مبعوتلى اميل فيما معناه انى اعمل اوردر جديد (يعنى من الاخر خدمة العملاء مضافش حاجة وكبر دماغه )
قلت امرى الى الله وعدلت الاوردر من اول وجدبد ونقلت رقم الكوبون اللى كان فى اخر اوردر وانا لسه مدفعتش يعنى مستخدمتش الكوبون
قالى ان الكوبون غلط والكوبونات خلصت فبالتالى جناب السفير اللى رد عليا فى التيلفون معدليش الاوردر وفى نفس الوقت ضيع عليا خصم بتاع 20 دولار ده غير وقتى اللى ضاع فى انى عملت 3 اوردرات عشان موقععكم مينفعش اعدل فيه اوردراتى الا بعد موافقت حضراتكم
وده اسمى عندكم ayman moemen
وده رقم الاوردر اللى انا لغيته فى الاخر 21964
وده رقم الكوبون CU50SEP
(والمعلومات دى عشان تعرف انى مبفتريش عليكم وتقدر تتاكد منها ولو دورت فى الميل عندكم هتلاقى نص رسالتى !!!
من عمل عملا فليتقنه
بذمتك ده يرضى رب ولا عبد
ومع ذلك شكرا لسعة صدركم المتناهية بس بصراحة مش هنصح اى حد يستخدم موقعكم الا لما تصلحوه وباذن الله هعمل موضوع كامل هنا فى المنتدى احكى فيه تجربتى مع موقعكم السهل الممتنع
,فى النهاية دى تجربة فردية وجايز حظى انا اللى وحش معاهم بس حبيت اقلكم على اللى جصل معايا ولكم التعليق
والسلام ختام
رقم العضوية : 23265
تاريخ التسجيل : 26Oct2008
المشاركات : 538
النوع : ذكر
الاقامة : Egypt
السيارة: sold
السيارة[2]: lancer 2003
دراجة بخارية: no
الحالة :
فى انتظار تعليق العضو المحترم edfa3ly .com
رقم العضوية : 129531
تاريخ التسجيل : 20Sep2012
المشاركات : 289
النوع : ذكر
الاقامة : Cairo
السيارة: No
السيارة[2]: Lancer
الحالة :
في البداية أنا نتشكر لحضرتك جدا على موافقتك على نشر الرسالة اللي بعتهالي على العام.
في النهاية أنا أحب أعتذر لحضرتك عن سوء التفاهم اللي حصل وفي نفس الوقت أقول لحضرتك اللي قولته في رسالتي ردا على الرسالة القاسية (أنا بس حبيت أقول لحضرتك قبل ردي على الشكوى ان حضرتك استعجلت وعملت أوردر قبل عرض المنتدى والحمد لله انه نكملش لأن تخفيض العرض بتاع المنتدى أكبر بكتيير من عرض الكوبون اللي حضرتك كنت هتستخدمه.
وقبل أي حاجة لازم نعتذر عن أي مشكلة حصلت لحضرتك.
ردي هيكون على موضوع حضرتك بلون مختلف:
كده كده هرد على حضرتك بالتفصيل لأن فيه حاجات مش مروحة على الموقع ولا في العرض وهي ديه اللي عملت سوء التفاهم.
مستني موافقة حضرتك على نشر الرسالة على العام)
وفي النهاية مش معنى ان حضرتك مش على علم بكل الخطوات بالتفصيل يبقى الموقع بايظ ومش شغال كويس.أنا بينت لحضرتك تفاصيل اللي حصل من السيستم عندنا وان حضرتك عملت 2 أوردر بس مش 3 وان الاتنين الخصم شغال فيهم عادي جدا وفي انتظار عملية الدفع.
شكرا لحضرتك ونرجو قبول الاعتذار عن سوء فهم الميل اللي حضرتك بعته.
رقم العضوية : 23265
تاريخ التسجيل : 26Oct2008
المشاركات : 538
النوع : ذكر
الاقامة : Egypt
السيارة: sold
السيارة[2]: lancer 2003
دراجة بخارية: no
الحالة :
يافندم مفيش اى داعى للاعتذار بس انا حكيت اللى حصل معايا والاوردر انا اقصد انى عيدت كتبته 3 مرات ,وانا كنسلته اخر مرة لما بعت الاميل باضافة الحاجت وبعد 24 ساعة مفيش حاجة اتضافت .
افهم من حضرتك انى لو عيدت الاوردر الخصم هيشتغل؟ ولو شغا ياريت اعرف البنوك وارقام الحسابات
رقم العضوية : 129531
تاريخ التسجيل : 20Sep2012
المشاركات : 289
النوع : ذكر
الاقامة : Cairo
السيارة: No
السيارة[2]: Lancer
الحالة :
بالنسبة لنقطة الكوبون فهو فعلا من شروطة انه يكون مرة واحدة فقط للعضوية وبمجرد ان حضرتك عملت check out للأوردر وبقى عندنا على السيستم يبقى كده حضرتك استفد من العرض ويفضل العرض شغال مع حضرتك حتى لو دفعت الفلوس بعدها بسنة
والأوردرين بتوع حضرتك احتولوا دلوقتي ل New Order واتبعت لحضرتك ميل فيه حسابات البنوك
رقم العضوية : 29
تاريخ التسجيل : 17Apr2007
المشاركات : 1,612
النوع : ذكر
الاقامة : إٍسكندريه
السيارة: أوبل - أسترا - 2000
السيارة[2]: هيوانداى - النترا - 2007
دراجة بخارية: no
الحالة :
بعد اذنك
عايز اعرف السعر النهائى كام وحتوصل فى كام يوم
سؤال جانبى ( ليهع الأختلاف الكبير فى ثمن السلعة من على الموقع نفسة يعنى نفس اللعبة مجوده بتفاوت اسعار رهيب )والمفروض اللى مختارها دى جديدة ؟؟ صح ولا ايه
معلش سؤال اخير : ممكن تختارو انتم افضل سعر للسلعة من على الموقع ؟؟ على اساس انها جديدة وليست مستعملة
Fifa Soccer 13 PS3 (Sony Playstation 3) 2013 Brand New! Factory Sealed! | eBay
[gdwl]
سبحانك اللهم وبحمدك ، أشهد أن لا إله إلا أنت أستغفرك وأتوب إليك
[/gdwl]
مـحـمـد الـطـويـل - إسـكـنـدريـه
المفضلات