نيسان تستدعى كل السيارات القاشقاى بمصر

**mohamedloza** · 27-09-2012 10:54 AM

السلام عليكم ورحمة الله وبركاته

من يومين كده اتصل بيا واحد من شركة نيسان وطلب انى اروح اقرب مركز خدمة فى خلال الأسبوع ده أو الاسبوع الجاى على الأكثر فاستغربت وقولتله خير؟
قالى انه جاتلهم تعليمات من نيسان اليابان ان فيه بعض السيارات القاشقاى فيها عيب تصنيع فى طارة الدركسيون ولازم يستدعوا كل السيارات القاشقاى المباعة لمراكز الصيانة عشان يطمنوا ولا قدر الله لو طلع فيه مشكلة هيعلجوها والموضوع مش هياخد أكثر من ساعة (على حسب كلامه)
وللأسف الراجل ميعرفش تفاصيل أكثر من كده وقالى لما تروح مركز الخدمة هيفهموك اكثر
فهل حد عندنا هنا فى المنتدى يعرف اى تفاصيل قبل ما ندب المشوار ولا ايه

**أحمد كمال** · 27-09-2012 11:58 AM

حاجة محترمة و كويسة و الله

**Youssef.Awad** · 27-09-2012 12:43 PM

مع الاسف لا يوجد معلومات عن الاسباب وتفاصيل العيب ..
فمن الافضل ان تذهب فعلا كما طلبوا منك وتبلغنا بكل جديد
لكن فعلا بالتصرف ده كل يوم نيسان مصر بتثبت انها جديرة بحجم مبيعاتها فى السوق وثقة عملائها فيها ..

**assem_sayed** · 27-09-2012 01:46 PM

هويا طبعا حاجه محترمه جدا بس انا مافيش حد كلمني

**م. حاتم السباعي** · 27-09-2012 02:13 PM

الاخ الكريم الفاضل mohamedloza
حتي الان لم يصلني اي اتصال من الشركة
و انا كنت هناك من 10 ايام لاجراء صيانة ال 5000كم و لم يفتح احد معي اي كلام عن شئ
و ارجو ان تذهب لهم كما اخبروك و من الجائز ان هناك ارقام للعربيات بيتم استدعائها خرجت من المصنع في تاريخ محدد و هذا يفسر اتصالهم بحضرتك دون احد منا حتي الان
تحياتي لك