ساعدوووووووووووني كريستالة ولا نوبيرا ولا لانوس؟

**ahmed2adel** · 27-09-2012 05:32 PM

عايز اجيب عربية وخلاص معنتش عارف ايه احسن من ايه ومتطلباتي اهم حاجه عايز عربية اوتوماتيك قدامي واحدة نوبيرا 2004 علي 43 الف كالمة اوتوماتيك وعايز اخد رايكم مع العلم ان سواقتي صحبة بحرق جامد علي الغيارات وبحب الشد والجري ايه رايكم لانسر كريستالة اوتوماتيك ولا نوبيرا 2 ولا لانوس 2 وايه العيوب والمميزات بتاعتهم

**S O P H O S** · 27-09-2012 06:03 PM

لا لا لا
كراي خليك ف لانوس موديل حديث
وشوف حاجة نظيفة والي بيحافظ علي العربية بتحافظ عليه
خلي بالك ..

**ahmed2adel** · 28-09-2012 01:12 AM

طيب يا باشا انا معايا 45 الف يجيبو لانوس موديل كام ؟ طبعا انا عارف ان حسب الحالة انا بتكلم علي العربية التمام نمرة 1 زي ما بيقولو وممكن تقلي ليه بتفضل الانوس علي النوبيرا والانسر؟

**ahmed2adel** · 28-09-2012 01:13 AM

صحيح مخدتش بالي من موضوع تويوتا تيم دا دا انت كدا حبيبي ال 45 الف دول يجيبو كورولا 97 او 96 اللي هيا قبل العيون حالتها حلوة وايه رايك فيها ؟

**S O P H O S** · 28-09-2012 08:32 AM

المشاركة الأصلية كتبت بواسطة ahmed2adel

طيب يا باشا انا معايا 45 الف يجيبو لانوس موديل كام ؟ طبعا انا عارف ان حسب الحالة انا بتكلم علي العربية التمام نمرة 1 زي ما بيقولو وممكن تقلي ليه بتفضل الانوس علي النوبيرا والانسر؟

علشان هتكون افضل من وجهة نظري
لان كرستالة اقوي واحدة فيهم لكن منين تجيب الحالة النظيفة دلوقتي
والنوبيرا اوتومتك انا بفضل لانوس عليها ( وجهة نظر فقط )
الموديل اعتقد من 2004 الي 2007 والله اعلم
واتأكد بردوا ..

**S O P H O S** · 28-09-2012 08:37 AM

المشاركة الأصلية كتبت بواسطة ahmed2adel

صحيح مخدتش بالي من موضوع تويوتا تيم دا دا انت كدا حبيبي ال 45 الف دول يجيبو كورولا 97 او 96 اللي هيا قبل العيون حالتها حلوة وايه رايك فيها ؟

يجيبوا ولو زوت 5 كمان يجيب حالة افضل
بس لو لقيت لانوس حالة نظيفة توكل الله
انا كل الحكاية مش عاوزك تجيب عربية اسمها ياباني وتكون مهلوكه وتتعبك
لانك لو لقيت منهم نظيف وده قليل طبعا يبقي واحد فيهم طبعا بدون تردد
فعلشان كده بقولك الاقرب
موديل احدث ومدام الحالة نظيفة يبقي افضل

**ahmed2adel** · 28-09-2012 09:19 AM

تسلملي يا باشا طيب في حاجه تانية مهمة قوييي بقا انا مش عارف اشتري منين عايز انزل اجيب من السوق ناس كتير بتخوفني وتقولي ممكن تكون العربية مسروقة شوف حد معرفة معاه وبيبعها دورت هنا مش لاقي حد مش قدامي دلوقت غير السوق ايه رايكو فعلا السوق من بعد الثورة ومعظمو مسروق ولا عادي