الموضوع: مشاكل مالهاش حل

يا هلا بالغالى .. ما بنشوفكش غير فى المشاكل ههههههههههه

بالنسبة للتساؤلات:

1. هل تقصد اللسان او الصباع زى اللى بيكون فى الابواب هو اللى باظ ولا فيوز مثلا عاوز يتغير وخلاص ؟
وبالنسبة للانتظار شهرين لحين توفره .. طبعا حاجة رخمة لكن اكيد عشان قطعة غيار اساسا غير مستخدمة ونادرا ما حد بيحتاج يغيرها .

2. الصوت ده اول مرة اسمعه فى عربيتى الصنى 2010 لما نزلت اجازة فى رمضان الماضى وسافرت بورسعيد وفعلا بيظهر من كارتيرة العجلة اليمين قدام زى الصفارة كده كأنه تفريغ هواء كده من فواصل الرفرف مع الكبوت والباب وتجويف العجلة ودايما بيكون فوق ال100 كم / س .. لدرجة انى فتحت الزجاج اليمين والشمال شوية عشان اعرف هل بسبب الرياح الجانبية ولا لأ
لكن اللى طمنى انه مش ثابت يعنى ممكن نفس السرعة ونفس الطريق وما يظهرش تانى
وما تنساش انى مغير مقاس الكاوتشات الى 195/65-15 بدلا من 185/65-15 .. فقولت يمكن السبب منه او من التسليح !!!
لكن سرعان ما جاوبت لأ لأنى مغيره من اكتر من سنة وماشى بيه فى نفس الطرق والسرعات بقالى فترة واول مرة الاحظ الصوت ده !!!
اما التسليح فاستبعدته برضه مؤقتا لأنى لم الاحظ اى رفة فى العجل او دربكة خالص وحدفة غير عادية وعدم اتزان
فقررت ان السبب هو وجود رياح باتجاه معين فى الطريق وقتها .. واعتقد عندك نفس الوضع لأنك فى سيناء والهواء شديد برضه.

على العموم متابع معاك لو فيه جديد ياريت تبلغنى بيه ان شاء الله ..