الموضوع: تجميع العيوب والذهاب الى الوكيل مع بعض

انا يا جماعة عندى فكرة وحابب انى اطرحها على سيادتكم .

أولا : ايه الهدف من هذا المنتدى . اعتقد ان الهدف هو مساعدتنا لبعض يعنى اللى عنده مشكلة ويكون فى أحد العضاء المحترمين قام بحلها فيستفيد اللى عنده المشكلة .. وأيضا احيانا بدل الذهاب الى الوكيل للتأكد من معلومة أو من مشكلة هل هى طبيعية فى السيارة أم لا فمن الممكن ان يستفيد من الذين ذهبوا الى الوكيل ويعرف رد الوكيل دون الذهاب واعتقد ان هذه هى الميزة والفائدة من وراء هذا المنتدى

ثانيا : الكمال لله طبعا ولكنى اعتقد ان فى بعض العيوب فى السيارة البومة والشارك طبعا وانا بتكلم عن الموديلين دول علشان اغلبهم لسه فى الضمان وكتير مننا بيروح التوكيل وعنده مشكله او صوت غريب فى السيارة وبمجرد ان المهندس يقول ان هذا طبيعى نتكتفى بذلك بس المشكلة أو الصوت الغريب أو اى شىء من هذا القبيل بيفضل زى ما هو قارفنا ومش بنحب نسمعه بس مطمنين علشان الوكيل ريح دماغه وقال ده طبيعى وعلى فكرة الوكيل مش فاهم عقليتنا يعنى احيانا المشكلة أو الصوت بيكون طبيعى فعلا وهو من عيوب فى صناعة السيارة بس احنا عايزين التعديل لمنع هذه المشكلة أو الصوت وده اللى مش فاهمه الوكيل .

فاقتراحى وهو عندما تكون هناك مشكلة ما أو صوت غريب مش طبيعى ومتكرر وموجود فى كل العربيات فنجتمع مع بعض ونذهب الى الوكيل سويا لكى يعرف ان المشكلة عامة وناس كتير بيشتكوا منها ومش حلها كلمة "هذا الشىء طبيعى" ويعرف ان احنا عايزين تعديل لهذه المشكلة أو هذا الصوت وبهذه الطريقة اعتقد ان الوكيل سيراسل الشركة الام وسوف تعمل التعديل المناسب ومن ضمن المشاكل أيضا علو أسعار قطع الغيار .


ملحوظة : هذا الاقتراح ليس دعوة للتشاجر أو الاعتصام مثلا فى الوكيل أو اى شىء من هذا القبيل ولكن لكى يعرف ان الذين يشتكوا من هذا الشىء كثيرين وهى مشكلة موجودة بالفعل فى أكثر من سيارة فبذلك اعتقد انه هيلاقى حل لها لما يلاقى كثيرين فى وقت واحد يطالبوا بحل لهذه المشكلة ولا يرضون بكلمة هذا الشىء طبيعى .

ولو وافق الاعضاء على هذا الاقتراح فمن الممكن ان احنا نعمل موضوع واحد نجمع فيه العيوب والمشاكل والاصوات المتكررة فى البومة والشارك لكى نتأكد انها مش مشكلة فردية بل جماعية وبعد منجمع العيوب والاصوات والشاكل تنفق على يوم للذهاب الى الوكيل لنطلعهم على الامر .