الموضوع: و اخيرااااااااااا , اقدر اقول . صلحت التكييييييييف :)

السلام عليكمممممممم ..

اسف على التاخير يا رجالة . و الله لسة راجع من اخر امتحان ...

بحاول افتكر انا وصلت لاية عشان اكمل .. . اة افتكرت ..

هكمل من بعد الموضوع الاصلى

http://www.nilemotors.net/Nile/304220-a-7.html

. كان اخر حاجة . انى لسة بدور على حد محترم , بما انى مهسهس جداااااا , مش اى حد بخلية يشتغل فى العربية ...

فى الاول عايز اقولكو التكيف بتاع الفكترا عبارة عن اية ...

1- السربتينة الخارجية :




راكب فيها ماسورة السويتشات ,, و الماسورة دى بيبقى فيها 2 سويتش . ( دى بايظة شويتين )







الماسورة بتبقى متوصلة بالظهرية ( زى مبيقولو الصنايعية ) . الظهرية دى الخرطيم اللى هتلاقيها واخدة من الشجرة و من ماسورة السويتشات و بيبقى راكب فيها بلوف الفريون اللى بتملى منها الفريون لو ناقص .. .. ( اللى انا مشاور عليها دى )



و تبقى ماشية من ناحية الفانوس الشمال الامامى ( و انت واقف قدام العربية ) . مرورا بجانب السيور . ثم ورا الماتور . و بعد كدة فى صدر العربية .

و طبعا الباشا الكبير ,, الكومبريسور و الشجرة .


و كل دة كوم ,, و اللى فى صدر العربية كوم تانى ...

فى نهاية الظهرية ( زى مبيقولو الصنايعية ) , بيقى راكبة فى صدر العربية زى ماقولنا .. طبعا الموضوع مش بسيط كدة .. ..

نكمل حكايتنا .. قعدت افكر اعمل اية ,, مبقاش معايا فلوش و تقريبا لسة معملتش حاجة , الدورة كلها بتسرب ..

بدات اخش فى اكتئاب , و طبعا بعد سوال كل بتوع التكيف اللى روحتلهم

- يا بية لازم نفك الاول التلاجة عشان نكبسها و نعرف هيا اللى بتسرب ولا لا
-- طيب لو مش هية
- يبقى الاكسبنشن
--طيب لو مش الاكسبنشن
-يبقى الكومبريسور
--يا عم الكمبريسور سليم
- يبقى الشجرة
-- الشجرة جديدة
- ممكن تكون ضربت عشان هى صينى حتى لو جديدة


الخلاصة . انك هتلبس فى كل الحالات ,

, هدفى دلوقتى انى الاقى حد نظيف و احس انو فاهم ,, خدت نمرة واحد اسطى فى السابع , و كلمتو , نفسيا ارتحتلو , خصوصا انو كان بيتكلم عل دراية كبيرة و ان الموضوع بسيط جدا و عملو 60 مرة ..

و الاهم من كدة قالى المصنعية بتاعتها 120 جنية فقطططططططط !!!!!!!!!!!!!

--انت متاكد
-اة 120 جنية
-- طيب و التلاجة جديدة و لا استييراد احسن
-هفلطة - هفلطة - هفلطة
-- يعنى الجديدة احلى
-مفيش عقاد نافع
-- يعنى الاستيراد احلى
-مفيش عقاد نافع
-- طيب يا عم الحج سيبنى انا اتصرف فى التلاجة , يوم الجمعة الجاية نيجى نركب
- تشرف يا باشا
-- هجيلك على 10ان اشاء الله .

توكلت على الله و دعيت و قولت هدفى دلوقتى انى الاقى تلاجة نظيفة .. و كان ادامى اوبشنز كتييييير و كالعادة ,,

محتار , محتار ,و محتاااااااااااااااااار

1- تلاجة نظيفة استيراد

مليجى بية محدثا انا

- هديك تلاجة زى الفل مفيهاش الهوا
-- بكام يابا
- 500 جنية و ليك 450 . وممكن تاخدها كلها بالبلور و البوكس الفبر كلو ,, ب 800 .

طبعا كتير و انا بلم نفسى على قد مقدر عشان لسة معرفش المستخبى ..

2- محل فى الحرفيين بيجيب جديد ..

- ب 750 جنية + ضمان 6 شهور
-- صينى دى
- لا سنغافورى
-- اشطة ,, دى بتاعتى ,, استنى عليا لبكرة هجى اخدها منك ..

و استقريت بعد حورات كتير مش هينفع اكتبها عشان هتاخد منى يوم , انى هجيب جديد حتى لو صينى , عشان كفاية مرمرطة فى المستعمل و ربنا عالم بالحال

و اذ فجأتا قولت اعدى على صديقى التنك ,, عبدو المهم ,, ( حيث انة لا يزال بنتابنى الشك )

-- عبدو بية ,, و حكيت القصة كلها
- ضحكت تشفى غريبة من عبدو المهم , ثم قال , عشان كدة بطلت الشتغل فى تكيف الاوبل .
-- يعنى انت تعرف تغير التلاجة
- طبعا , ياما عملتها

( بعد حوارات كتييييييير ) و نظرا لانى بثق فية جدااااا

-- طيب اعملهالى و خد اللى انت عايزو
- لا
-- و الله اللى انت عايزة
- لا
المهم بعد مكنت هبوس ايدية ,, لا برضو . و لما عرف انى هشترى تلاجة عرف سعرها و قالى هجبهالك ارخص ب 50 جنية .
-- قولتلو اوك .. قعدت اجرى وراة اربع و خميس , و يظهر انو معرفش يجيبها , فنفضتلو خالص


و بالصدفة و انا بشرب كباية الشاى فى الشغل , افتكرت فى واحد ابن حلال فى المنتدى , قال مرة انو اشترى حاجة للتكيف من واحد ورا سوق القنال . محترم اوى .

قولت نجرب لعل و عسى , روحت الاربع بليل , على حظى الجميل كان لسة فاقل , بالصدفة قابلت الصبى بتاعة , ادانى موبيلو و قالى كلمو الصبح ,,

-- سلام عليكم يا حج هيثم , عندك تلاجة 98 بى ؟
- موجودة يا بية ,, ب 500 جنية !!!
-- دى صينى .
-اة بضمان 6 شهور .

ياما انت كريم يا رب ,و روحت الخميس بعد الشغل و حورارت كتير معاة و عرفت برضو معلومات عن الكمبريسور ... اشترتها و الاكسبنشن عندو ب 75 جنبة بس !!!! فى الحرفين كان ب 150
بس مشترتش الاكسبنشن عشان كلو بيقول انو قوى و مش بيبوظ ...

و اخدين بالكو من ان الشعب بقى وحش اوى ,, كل معلومة كنت باخدها كانت بالعافية و الله العظيم كانت فى ناس بتقولى ادفع و اقولك !!!!! و منهم عبدو اللى مفيش شغل بيتعمل فى العربية غير عندو !!! .


و بكدةةةةةةةةةةةةةةةة انا جاهز لساعة الصفررررررررررررررررررررر رررر ...

اليوم .. الجمعة 31 - 8- 2012 . الساعة 9 و نص الصبح . الاحداث اللى المفروض تتعمل النهاردة :

1- هخلص العربية فى 3 ساعات بالكتير زى مقال الاسطى
2- عندى محاضرتين مهمين جدا , اخر محاضرات قبل الامتحان
3- واحد قريبى اتوفى , عرفت صباح الجمعة و لازم اروح اعزى بعد المحاضرات .

بعد مكلمت الاسطى و صحيتو من النوم , و فتح الورشة و قعدت ادور علية , سبقتنى اوكتافيا كانت بتكشف عندو ,, استنيت لحد مميشيت و بدات انا بقى على 10 و نص كدة .

نادى شاب عندو اسمو عبد الرحمن , واد ابن حلال اوى و محترم و شكلو مش زى الصنايعية يعنى , و بدا عبد الرحمن ,,

متقلقش من حاجة انا عملت الحوار دة فى 2002 من اول مالموديل الجديد نزل ,,

فك الظهرية من الاكسبنشن اللى فى صدر العربية .

فك الدرج - طلع الفرش من مكانو ( و يا عينى على التبطين اللى فى الفكترا اللى تحت الفرش - محترمة و الله )
فك شوية فبر و هوببببببببببب العلبة بانت ,,

قطر و قطع فى العلبة بطريقة معينة طبعا و ساعة و كانت التلاجة فى ايدو ,,, طبعا اول مالتلاجة طلعت,, عرفت انها من مخلفات الحرب و لازمممممممم هى اللى يكون فيها العيب .





اللى على الشمال الخربانة و اللى على اليمين الزيرووووووووو ,, طبعا زى مانتو شايفين جايبة زيت ازاى و مطينة و بستين نيلة ..

قعد نص ساعة يـأيف فى الصينى عشان تركب ,, طبعا المقاس مختلف سنة لان الماتيرال بتاعة الاصلى حاجة تانية ,,

كل دة بعد صلاة الجمعة طبعا و الوقت بيجرى ...

بما ان الموضوع حاسس انو طول , هنجززز ,,,,

المهم كلو ركب زى مكان و قفل العلبة بلزق جامد + سلكون ,,و و كلو ركب و لسة بردو فى تسريب , كان هيتجنن ,, قعدنا ساعتين ندور ,, فكينا صدر العربية بالمورحة بتاعت التكيف ,,

لحد مقال نجرب الكمبريسور و فعلا طلع الكمبريسور بيسرب ,,, قالى عندى الجوان بتاعو هركبهولك بضمان 6 شهور ب 175 جنة ياما تجيب و احد جديدة

و افقت و ركبو , و كبس و لاول مرة الحمد لله كلو تمام ,, حاسبتو و ادبتو تبس حلو اوى ,, و مشيت ,,و دة كان على الساعة 6 و نص !!!! ..

طبعا كل حاجة ملحقتهاش ,,,

محتطش فريون عندى عشان فى واحد حبيبى فى عين شمس عندو جهاز خرافى , بيعمل حاجات عجيبة و اختبارات قبل ميشحن عشان يتاكد انو كلة تمام ,, و الحمد لله اكد انو كلو تمام و شحن الشحنة ,,

بس الله الرحمن الريحيم ,, اجرب بقى ,, اوس على زرار التكيف , الكمبريسور مش عايز يشتغل , و الله العظيم كنت هنهار ,, مش مصدق ان بعد كل دة مش عايز يشتغل ,,

الواد طمنى ان دة ايد فيوز ,, طلعت جرى على عبدو ,, بيبص على علة الفيوزات الاماماية لقى فيوز الكبريسور من ركب مكانو ,, ركبو ...

ولاول مرة ,, هوا ساقع ا خيراااااااااااااااااااااا اااااااااااااا ..............................................ز

مكنتش مصدق نفسى لدرجة انى دمعت و انا مروح و الله .. الحمد لله ...

و دلوقتى بعد مرور شهر و معدل تشغيل يوميا ,, لدرجة انى نسيت زرار الشباك فين ..

اقول ان المهمة نجحت الحمد لله ( قولو ماشاء الله )

درجة التسقيع : تلاجةةةةةةةةةةةةةةةةةةةةة ةةةةة و الحمدلله و بشهادة كل اللى ركبو معايا ..

ملحوظة بس ,, الكلام اللى انا كاتبو تقريبا ربع اللى انا عملتو و التعب اللى شفتو , بجد انتو متتخيلوش انا طلع عينى ازاى ..

من بعد الفطار كل يوم لغاية السحور .. تناكة و قرف و تعب نفسى غير طبيبعى لموضوع مكنتش يستاهل كل دة ,, بس ابتسم , انت عشان فى مصر لو مش عايز ينضحك عليك لازم تتمرمط المرمطة دى ...

التكلف الكلية للتكيف = 2200 جنية

اللى عايز اى سؤال انا موجود يا بشر ... و السلام عليكمممممم

ألف ألف مبروك و إن شاء الله يعوض تعبك خير.