صني 2013" اللى مش موجودة ولا "لانسر 1300 سي سي 2012

**hassaan_handom** · 30-09-2012 12:20 PM

محتار اشتري

"صني 2013" اللى مش موجودة ولا "لانسر 1300 سي سي 2012"

ياريت حد ينصحني ضروري

**saint2011** · 30-09-2012 12:27 PM

بلاش لانسر 1300 ناس كتير بتقول عليها ضعيفة لو عايز لانسر أركب 1600 والله أعلى و أعلم

**hassaan_handom** · 30-09-2012 12:54 PM

شكرا على الرد
بس لية الشركة لسة بتنتجها لما هى ضعيفة
والمشكلة فى السحب فقط لأنى مبحبش اجرى

**the_air_devil** · 30-09-2012 01:04 PM

خلينا نتكلم بحيادية شوية ... ونفكر بالترتيب وندي كل حاجة وزن ونجمع في الآخر مجموع الأوزان:

1- انت عايز العربية حالاً ومزنوق فيها ولا ممكن تستنى... في الحالة دي هاتضطر تنتظر نيسان

2- مش معنى ان العربية 1300 انها "ضعيفة" ... العربية ليها 4 عجلات وموتور وصالون يشيل 4 ركاب ... مافيش عربية لانسر ماعرفتش تطلع الكوبري علشان هي 1300 سي سي.... الفروق بتكون في التسارع والسحب, وكمان في مصروفات الترخيص والضريبة, وطبعاً في استهلاك البنزين (وخد بالك من حتة التخطيط لإلغاء الدعم عن العربيات ذات السعة اللترية العالية).

3- وسائل الأمان : اللانسر مافيهاش وسائل الأمان بالشكل الموجود في نيسان بكل موديلاتها الجديدة.... عايز أمان في ميتسوبيشي يبقى لازم تدفع أكتر ... أما لو بتحب الشكل الخارجي والداخلي بتاع اللانسر أكتر ومستعد تضحي بالأمان فده يبقى اختيارك.

4- السعر, وهو سؤال تقدر انت لوحدك اللي تجاوب عليه ومدى استعدادك لتحمل تكلفة كل موديل منهم

5- خدمة ما بعد البيع: نيسان متفوقة في المجال ده

6- سعر إعادة البيع: اللانسر ماشاء الله اسمها منور...وكذلك نيسان مايتخيروش عن بعض, انت بتقارن بين ماركتين ياباني, مش بين ياباني وصيني

وفي النهاية استخر ربنا وشوف اللي قلبك يرتاح له وتوكل على الله.... وكل عربية لها الكويس والوحش, ولمست فيك ميلك للانسر أكتر من صني

**S O P H O S** · 30-09-2012 01:06 PM

1300 !!!!!
صني بالتأكيد ...

**hassaan_handom** · 30-09-2012 01:40 PM

شكرا على الرد
بس انا ميال للنيسان اكتر بس المشكلة فى انها مش موجودة و الاوفر بريس اللى وصل ل 8 الاف جنية و مش لقينها
وياريت لو فى اخبار عند حضرتك بخصوص النيسان نلقيها فين يبقى تمام
وشكرا

**koshary** · 30-09-2012 01:42 PM

صنى طبعا شوف حاجه كسر الزيرو حتى

**hassaan_handom** · 30-09-2012 01:57 PM

بس اللى عجبانى الصنى الجديدة بمميزاتها

**saint2011** · 30-09-2012 02:05 PM

بالنسبة للصنى الجديده يبقى حضرتك لازم تنتظر شويه فى حدود شهرين مش أكتر عشان المصنع مركز جدا فى الأنتاج عشان قوائم الأنتظار وتسليم الناس المتأخره وأنصحك تحجز مع الموزعين المعتمدين أتو أيجيبت او السبع او مودرن موتورز وبلاش الأوفر برايس حرام تدفع فلوس زيادة من غير لازمة