الموضوع: صوت غريب فى الفيرنا

المشاركة الأصلية كتبت بواسطة chemist shehap

السلام عليكم يا شباب
انا اسف بس هطول عليكم لأن ديه اول مره اركب عربيه وفيرنا فى حياتى
عندى كام سؤال معلش يا ريت تجاوبونى عليها
1- لما بركب حد معايا ورا فى العربيه لما باخد اى مطب حتى لو براحه بسمع صوت تزيقه عاليه أو حكه ف الارض مش عارف حتى لو خدت مطب هوا بسيط نفس الكلام ( للعلم انا عندى مقاس الكاوتش 15 بجنوط 15 )
المفروض 14 علشان متحكش (ده لو الصوت حكه )
2- انا مش عندى عمه الهوا اشتريت العربيه بفلتر هوا كده ( بيقولو عليه فلتر السباق ) ( race filter ) يا ترى هوه الاحسن ولا العمه وفلتر الهوا العادى بس انا مخنوق من صوته وعايز اشيله
احسن طبعا العمه الأصليه و الفلتر الأصلى
3- بيكون فى صوت طقطقه عندى ف المكنه ناس قالتلى عرايس التكيهات عايزه تتغير علشان فى كستبانين عايزين يتغيرو .... هل ينفع اسيبهم دلوقتى واعملهم بعدين ؟ ولا لازم الحقهم علشان ما يأثروش ع باقى المكنه؟
اعملهم احسن والا متدوس على المكنه خالص
4- انا بحط مياه عاديه...لازم احط مياه خضرا ؟ ولا لأ علشان احافظ على المكنه
المشكلة ان المياه الخضرا معظمها مضروب ف يا تجيب مياه امريكى جركن اصفر مكتوب عليه صنع فى امريكا و هى الصح بتاعها مياه زرقا و دى غالبا فى التوكيل لأنها قليله اوى بره و للأسف مش عارف سعرها
5- ايه المقاس اللى المفروض احطه للكاوتش علشان الربيه ما تحكش منى وتبقى على قد ما تقدر ثابته على الطريق لو ربنا اراد وسافرت
على اد معرفتى والله اعلم 14/175/60
6- عايز اعرف ايه اهم الكماليات اللى اعملها فى العربيه علشان تنطق كدا... وهل الفيرنا ليها نواكل داخليه ولا لأ ؟
ليها طبعا بس انا مبحبهاش
بجد شكرآ ليكم بس انا بستريح هنا لما بسمع من الاعضاء لانها عن تجربه شخصيه

يا رب اكون افدتك بمعلوماتى القليله لأنى انا كمان لسه راكب فيرنا من تلات اسابيع