وعليكم السلام ورحمة الله وبركاته
1- اول مشكلة واجهتني بعد إستلام العربية مباشرة وهي صعوبة نقل الغيارات وخاصة المارشدير وإنتهى نسبيا (يعني موجود لغاية دلوقتي) بعد تغيير تروس في علبة الفتيس.
هي دي كانت موجودة في 2010 وكان التركيب بيركب مجموعة البريك اللي بينهي الموضوع ده
2- مشكلة كبيرة جدا في التوكيل ألا وهي رفض التصليح لأي حاجة تبوظ وده لو العميل هيدفع أمّا لو الحاجة اللي باظت دي تبع الضمان يبقى تتصلح مش تتغير. (مثال : - طلع عيني علشان يغير الكلاكس لدرجة إن واحد من الصنايعية صلحه مرة عن طريق إستخدام مفك وعندي أمثلة كتيرة والله لدرجة إنّ بحس إن أنا بفاصل في التوكيل ولا كإنّي بشتري طماطم )
غريبة جدا
انا التوكيل مغير لي في خلال 3 سنين:
علبة بيئة تمنها الوفات
جوان فتيس كان بينقط بعد ما قاموا بتغيير ترس الفتيس وطبعا تغيير زيت الفتيس مرتين
حساس حرارة
ترموستات حرارة عشان مشكلة الشرطتين بدل 4
بارات عجل
حاليا في تغيير طارة الدركسيون عشان ابتدت تقشر
بوابة كاملة
الحاجات اللي اتغيرت في الضمان تعدي ال 10000 جنيه واتغيرت بمنتهى البساطة بدون اي واسطة ولا خناق
3- مشكلة تانية ألا وهي الواسطة بمعنى تلاقي عربيات جات بعدك وطلعت قبلك وبتتكرر كتير جدا ... آخر مرة كنت في التوكيل كان الإستلام الساعة 4 وإستلمت الساعة 6
فيه عربيات داخله تربط عفشة او تشيك على التكييف مثلا
غير تغيير الزيت او ضبط الفرامل
4- إستغلال نسبي في بعض قطع الغيار (حتى الآن مش لاقي علبة يمكن تمنها 2 جنيه ولا حتى 5 جنية وهي علبة السبوت لايت والتوكيل عارف بقى ومشهيص الدنيا مخلي تمنها أكتر من 350 جنية بالرغم من إنه بيبيع الإكصدام كله بحوالي 1200 جنية ..... غريبة جدا جدا).
فعلا بعض قطع الغيار غالية انما ممكن تجيبها استيراد او من صقر قريش
5- نرجع لمشاكل العربية .... طلبو منّي تغيير مساعد شمال بعد صيانة الخمسين ألف.
انا المساعدين الاماميين غيرتهم على 72 الف وكانوا بيبوسوا ايدي عشان مغيرهمش
انا اللي اصريت عشان مشيي برضه معظمه طرق سريعة ليه مساعد يتغير على 50 الف ؟؟؟
المساعد لما فكيته اديته لواحد صاحبي ركبه في عربيته عشان كان اخد جامد على سرعة كسر الجنط ولوح المساعد , هي سواقة حضرتك هادية ولا فيها طرق مكسرة؟؟
6-غيرت خلال السبعين ألف 4 تيل فرامل وكمان طنابير ... مش عارف غزاي ... والله يا جماعة معظم السبعين ألف على الطرق السريعة ... تقريبا مش بستعمل الفرامل غير عند البوابات.
التيل الاصلي قعد 35 الف
بعد كده كل تيل من 15 الى 20 وثمنه 250 جنيه
انا معايا لانسر بومة التيل ثمنه 550 جنيه بدون تركيب وبيقعد 40 الف مش فارقة اي حاجه
الطنابير معايا معدية ال 80 الف ولسه مغيرتهاش
7- والآن مع المفاجأة الكبير ... طلبو تغيير طقم الدبرياج ... برضو نفس التعليق (والله يا جماعة معظم السبعين ألف على الطرق السريعة).
هي العربية دي مع حضرتك ولا سواق اللي سايقها ؟؟
ازاي تغيير طقم الدبرياج
8- طلعت من صيانة الستين ألف اللي هيه بقى أعظم صيانة ... وعلبة الشوكمان مش مربوطة (معرفش ليه فكوها اصلا) ورحت تاني يوم ... ألاقيهم بيقولولي أصل إمبارح بتاع الشوكمانات مكنش موجود ( برضو نفس السؤال مين فك علبة الشوكمان ومعاه سؤال تاني هوه بتاع شوكمانات واحد بس) .... والمصيبة بيتخانقو معايا علشان ياخدو فلوس تصليح المشكلة ...
هي فلوس ربط الشكمان كانت كام ؟؟
9- تمّ تغيير الضفيرة كاملة بسبب وجود خلل في مؤشر الحرارة (بعد 3 صيانات أو 4 مكنوش راضيين يعملو حاجة).
اللي اعرفه وعملته ان اللي بيتغير في مؤشر الحرارة هو الترموستات مش الضفيرة
السيارة معي الآن عاملة 84 الف ومفيش منها اي مشاكل تذكر لدرجة اني بحاول اقنع والدتي بشراء الاوتوماتيك
ربنا يعينك وييسر لك الحال
المفضلات