الموضوع: امبارح كنت هموت بسبب توك توك انا واسرتي !

أن الله لطيف بالعباد



امبارح بالليل كنت. هايص على المنتدى .... المدام والعيال سهرانين عند حماية وحماتي
وبالليل بعد ما سكيت المنتدى رحت اجبهم وطبعاً حماية مسك فيا اطلع اشرب حاجة لا معليش ..... الى اخره
المهم خدت عيالي ومراتي ومروحين بالعربية عادي ولمن وصلنا اكتوبر .... وفي احدى الشوارع العمومية لكن متعرفش شوارع منوره وشوارع مضلمة بس الشوارع فاضية .... بصيت لقيت بنتي ابتدت مشاكل كالعادة مع ابني. بابا خليه يديني الشوكلاته. .... اديها الشوكلاته يا حبيبي .... ابني : لا جدوا اداني الشكولاتين ليا انا .... ياحبيبي وحده ليك ووحده لاختك ... البت مش راضية تسكت ابتدت تعيط. والواد محكم راسوا انو ميديش اختوا حته

قمت لافف بسرعه وشي وعاوز اضربوا واخطف منو الشكولاته علشان اديها للبت علشان تسكوت
وفجئة سمعت مراتي بتزعق بعلو صوووتها
. حاااااااااااااااااااسيييي يييييييييييب
بلتفت الاقي حتت بتاعه سودة في وووووووشي وجيه في وشي
طبعاً انا كنت ماشي على سرعة تسعين ميه. الشوارع فاضية وواسعه وجميلة .... واتفاجئ توك توك جاي في وشي وداخل عكس في وشي ومفيش بيني وبينوا اي مسافة هطيروا يعني هطيروا وهلبس فيه. قومت بسرعة لافف الدريكسيون
علشان اتفاديه لفت الدريكسيون وعدلتوا على سرعتي. فقدت تماماً السيطرة على العربية

العربية جالها حالة من الجنان. وعلى ايييييييء. شمال وايييييييء. يمين وابتدت تطوح مني العربية
و في اللحظات الي انا عمال. عاوز اهدي ام العربية واسيطر عليها. بصرخ بعلو صوتي امسكووو نفسكووو يولاد. امسكو نفسوكوا يا ولاد .... والمشكلة في داهية العربية في داهية انا بس العيال ورى مش رابطين الحزام ومطوحة العربية المفاجئة دي مش قادر اوصفهالكم وقلت لنفسي هتقلب يعني هتقلب ياما هلبس في الجزيرة الي في نص أواخوش في عمود وبرضوا هتقلب .... بس الحمدالله ربك العلي العظيم نجاني ومش هنقول الثبات الزفت بتاع العربية ولا هنقول مهارت سواق. لكن هقول. اللطف وحدوا من عند رب العالميييييييييييييييين

طبعاً العربية مع الي حصل ده وشها لف لمن وقفت بسرعه عدلتها لاحد يجي على حين غرة ويلطشني ويقلبني وانا واقف في نص الشارع كده وانا بسرعة بلم نفسي على جنب سمعت صوووت شتيمة قذررررررررررررة من سواق التوك توك وخد بعضوا وخرم في شارع من الشوارع وقال يافكيك بعد ماشتمني. شتيمة عمرك ما تتمنى عيالك يسمعوها اتشتم ابوهم بيها قدامهم

@@@@@@@@@@@@

وكل الي فاكروا اني شفت اربع او خمس شباب تقريباً واحد راكب جمب السواق سنهم ١٥ او ١٣ سنة. راكبينوا طبعاً مطفين نور التوك توك وداخليين عكس في العمومي .... فاكر منهم السواق لابس بنطلون جينز مقطع وشيبشب زنوبة وكاب اسود وكان في نور ازرق فوقيه خفيف. كده طبعاً حد هيقولي شفتوا ازاي في الظلمة ديه هقولوا ماهو كان في وشي الوش في الوووووش وانا كنت مولع نور العربية المتوسط .

@@@@@@@@@@@@@@

الف حمد وشكر ليك يارب انك نجيتني انا واسرتي الصغيرة
وحافظتلي على ارواااااااح عيالي. الف حمد وشكر ليك يارب
بس انا بسئل نفسي سؤال لو كنت متت او كان اسرتي ماتت لاقدر الله كان الناس هتقول على وفاتنا ايه .... دول ماتوا في حادثة توك توك .... ماتوا بسبب توووووووك تووووووووك ولا يمكن محدش هيقول حاجة لان مش هيكون في توك توك واقف من اساساوا وياخد بعضوا ويفلسع واكيد هيقولوا السواق الي هو انا كان شاااااااارب
واتقلب مع نفسوا .... قلنا مش مشكلة. اهو التكاتيك شباب بياكلوا عليها عيش وقلنا مش مشكلة .... صدعونا بصوت كاسيتتهم وقلنا مش مشلكة زحموا الشوارع. وبيعطلوا المرور وقلنا مش مشكلة

لكن توصل بيهم الجرئة بعدم المبالاة. وداخل عكس في شارع عمومي وشايف عربية في وشو. ولازمر ولا كلكس ولا حتى مشي على جنب .... يضيع حياة اسرررررررررررة بالبساطة دي انا مش فاهم. ، مش قادر استوعب. طلع فجئة في وشي ازااااي. وليييييييييه مالشارع فاضي وليه مزمرش ولانور .... لييه هل كان بيتحداني .... ولا هل كان عاوز ينتحر .... ولا كانو شاربين ولا بيهزروا ولا حكايتهم ايه. !!!!