نيو لوجان 2 معلومات وصور

**amr.elsayed** · 01-10-2012 03:54 PM

زى ما كلنا عارفين ان السانديرو و اللوجان الشكل الجديد طرحت بالخارج
ودى شوية معلومات عن العربيتين والمواتير اللى بتنزل بيهم
..........
الماتور الاول :-
3 سلندر 900 cc توربو 90 حصان عند 5250 rpm .. , و عزم 135 نيوتين / متر
يقال ان الماتور دة بيشمشم البنزين وبيعمل 5.2 لتر / 100 كيلو
وعلى الرغم من انه 3 سلندر الا انه بيوصل ل 90 حصان فى عند عدد لفات اقل من ماتور 1600 بتاعنا

الماتور الثانى :-
4 سلندر 1200 cc و 90 حصان عند 5500 rpm

الماتور الثالث (ديزل) :-
بينزل منه ماتورين واحد 75 حصان وعزم دوران 200 ن/م عند 1750 rpm
الماتور التانى 90 حصان وعزم دوران 220 ن/م عند 1750 rpm
التعقيد بقى ان استهلاك المواتير دى 3.9 لتر / 100 كيلو
الحقيقة مش عارف ليه مش بينزلوا لينا المواتير دى .. يمكن علشان احنا شعب غنى ؟؟؟!!!
..................
ملاحظات :-
مافيش ولا حس ولا خبر عن الماتور بتاعنا ولا 16 صباب ولا ال 8
حاجة تانية ملاحظها ان العربية دهرها مش مكتوب عليه by renault

دى المواتير اللى بتنزل بيها اللوجان والسانديرو والاستب واى
ودى بعض الصور الحية

أولا لوجان

ايه يا جدعان دة

الناس دى عايزة مننا ايه
شاشة تاتش فيها gps و بلوتوث و وكاسيت وبلاوى ههههه
انا عايز اعيش

واو
العداد بقى 210 مش 200
اذا فهى الحرب

باب السائق
واضح جودة التقفيل عالية جدا

باب خلفى

ثانيا ستب واى تحفة ونفس اللوجان من الداخل

ثالثا بقى الطفلة المدلله للعائلة سانديرو

انا عايز اعييييش

very nice

**Ahmed A Rahman** · 01-10-2012 04:17 PM

لو نزلت بالمواتير دي والبنزين غلي العربية دي حتضرب اكتر ماهي ضاربة

**ahmedeg1** · 01-10-2012 05:02 PM

ايه الجمال ده يا جدعان بلاش تعقيد

**amr.elsayed** · 01-10-2012 05:09 PM

المشاركة الأصلية كتبت بواسطة ahmedeg1

ايه الجمال ده يا جدعان بلاش تعقيد

انا عايز اعيط

**Mansour_Wael** · 01-10-2012 06:08 PM

لو اللوجان معقلتش ورجعت لرشدها مش هتنزل صر وهتحصل اختها الكليو اول مالعبت بديلها ونضفت المستوردين ادوها الصابونة
رينو كليو 2013
كشفت شركة رينو عن الجيل الرابع من كليو الذي يتمتع بتصميم عصري جديد وتقنيات عالية ومجموعة من الإضافات التي يمكن للعميل أن يختار منها ما يناسب شخصيته. وتم إستيحاء العديد من السمات التصميمية الخارجية لـ كليو 4 كالمصابيح المستطيلة، شعار رينو الضخم وشكل الواجهة الأمامية من طرازي ديزير وألبين 50- 110 الإختباريين.
وستكون كليو الجديدة أول سيارة رينو تستفيد من سلسلة محركات جديدة ومدمجة، أصغرها محرك يتألف من ثلاثة أسطوانات تقول عنه الشركة أنه يوفر نفس أداء المحركات التي تبلغ سعتها 1.4 ليتر على الرغم من أنَ سعته لا تتجاوز حدود الـ 899 سنتمتر مكعب، يساعد في ذلك جهاز توربو يرفع قوته الى 89 حصان.
وللمزيد من القوة، يمكن تجهيز السيارة أيضاً بمحرك من أربعة أسطوانات سعة 1.2 ليتر يولد 118 حصان ويتصل بعلبة تروس جديدة من رينو تحتوي على قابض فاصل مزدوج.
ومن المتوقع أن تصل كليو الجديدة الى الأسواق مباشرةً بعد عرضها الرسمي الأول خلال معرض باريس 2012 الذي سيفتح أبوابه في شهر سبتمبر المقبل.

صورة رينو كيليو 2013

**hossam_elwani** · 01-10-2012 06:09 PM

شكلها فرق جداااااااااااااااااا

ياترى حتنزل مصر امتى ؟؟؟

**Mansour_Wael** · 01-10-2012 06:14 PM

كده اللوجان مش هتنزل مصر تانى ياخسارتك يالوجى

Renault Egypt هذه الطرازت غير مخصصه للتسويق الأن بالسوق المصرى ولا يوجد ميعاد متوقع لطرحها .. لمزيد من الإستفسارات يرجى الإتصال على رقم 16202 .. "A.S."
Yesterday at 12:18pm · Like

**Mansour_Wael** · 01-10-2012 06:17 PM

وايضا الصفحة الرسمية لرينو ردت على احد الاسئلة الخاصة بالطرازات الجديدة

Renault Egypt أى أنه لا يتم تسويق هذه الطرازات بالسوق المصرى لعوامل عِده ومنها عامل السعر .. ولمزيد من التفاصيل يرجى الإتصال على الرقم السابق ,, "A.S."
September 25 at 10:35am · Like

**amr.elsayed** · 01-10-2012 07:40 PM

المشاركة الأصلية كتبت بواسطة Mansour_Wael

كده اللوجان مش هتنزل مصر تانى ياخسارتك يالوجى

Renault Egypt هذه الطرازت غير مخصصه للتسويق الأن بالسوق المصرى ولا يوجد ميعاد متوقع لطرحها .. لمزيد من الإستفسارات يرجى الإتصال على رقم 16202 .. "A.S."
Yesterday at 12:18pm · Like

لا يا كبير الدنيا مش بتمشى كدة ... ادمن رينو دة مش مستهلك علشان تاخد منه كلام مصدق
ميعاد طرحها دة سر حربى .. عارف ليه ... انت عارف معنى ان المستهلك
يكون عارف ميعاد طرح الموديل الجديد دة معناه ان الموديل القديم حيضرب بالنار
وبدل ما التجار عاملين عليه اوفر برايس حتتباع بارخص من تمنها وحطرطرت فى السوق وطبعا فى انتظار الموديل الجديد
دة العربية لسة ما نزلتش واللى اشترى موديل 2013 متضايق ما بالك بقى لو ميعاد نزولها معروف
.......................
وبعدين سعر ايه بيتكلم فيه ما هم حينفضوا العربية الاول .. ولا جى بى اس ولا abs ولا زعبوط العفريت
وحتبقى كل القصة رفرفين واكصدامين و التابلوه عوجوه شوية وخلاص هم حيشتغلونا
.........................
كل ما فى الامر شوية وقت والعربية تتنفض وتنزلنا من المغرب بس لما يحطوا عليها علامة رينو