أوكتافياوي جديد :)

**Mostafa** · 02-10-2012 11:46 AM

صباح الفل يا رجاله ... أنا أشتريت امبارح اوكتافيا 2011 خليجي هاي لاين كسر زيرو

العربيه عامله 7000 كيلو

فيها كاسيت تاتش و فتحه سقف و زينون و بخاخات و جنط 17 و حساس خلفي وفرش نص جلد

نيجي بقي للي مفيهاش :(

مفيش حساس نور ولا مطر و لا مريات ضم ولا تعتيم ولا حساس امامي ولا بلوتوث ولا ستاره خلفيه ولا حساس كاوتش و الجديد بقي مفيش سماعات في الباب الخلفي و سألت قالولي فيه موديلات كده من الخليجي بتنزل من غير سماعات ورا !!!!!!!!

دلوقتي انا عاوز أسأل حضراتكم علي :

1- انا عاوز اجيب سماعات الباب الخلفي دي بس اصلي .. هل ينفع تتجاب و تركب ؟ وبتتجاب منين و بكام؟؟
2- الستاره كمان عاوز اجيبها ينفع و لا لأ ؟؟ و منين وبكام برضه ؟
3- العربيه معمولها ضمان أمان الشرق .. و أنا لاحظت امبارح ان فيها مشكله ازاز الباب الأمامي المشهوره في الفانتازيا ... رايكم اعملها عند الاقصى ولا فيه حد أحسن ؟؟
4- عاوز أشغل الكورنر لايت فانكشن (نور الفوجات ينور مع لف الدركسيون) أعملها ازاي دي ؟

وشكرا مقدما يا رجاله .......

**dozo** · 02-10-2012 01:01 PM

الف مبروك ربنا يديك خيرها و يكفيك شرها . اكيد الاخوه هنا حيفيدوك اكثر منى لانى مش من ملاكها

**akmm** · 02-10-2012 02:29 PM

الف مبروك .

**Mostafa** · 02-10-2012 03:02 PM

الله يبارك فيكم يا رجاله

**طارق _عبد السلام** · 02-10-2012 03:50 PM

الف مبروك يا باشا ربنا يبارك لك ويبعد عنك الشر

مبروك عليك عربيه محترمه ممكن لو أمكن حضرتك تقول لنا جبتها بكام لانى بشترى فانتازيا وعايز اعرف حدود الاسعار

**Mostafa** · 02-10-2012 05:13 PM

الله يبارك فيك يا باشا ... العربيه استعمال 5 شهور و عامله 7200 كم
هوا كان طالب 173 ألف و أشتريت ب 168 ألف

ربنا يكرمك ان شاء الله و تلاقي حاجه كويسه ... و تحت أمرك في اي استفسارات . أنا بدور بقالي 4 شهور و تقريبا عملت ماجستير في الفانتازيا :)

**badr5** · 02-10-2012 07:01 PM

طبعا الف مبروك يا درش ويارب تكون فاتحه الخير عليك :)

بس عندي شويه استفسارات لو سمحت يعني :)

- ايه الفرق من حيث الامكانيات من a5 , والفاتنازيا ؟؟ واخر انتاج من a5 سنه كام واكيد طبعا بدايه الفانتازيا ولا ايه ؟؟
يعني الفرق اللي بين ال a5 والفاتنازيا يستاهل فرق الفلوس دي ؟؟
- واحسن موديل اشتريه من a5 , الفاتنازيا ؟؟ دايما كده بيبقا فيه موديل مميز
لان عاوز اشتري العربيه دي بعد مقارانات كتير جدا
وشكرااااااااااااااا

**طارق _عبد السلام** · 03-10-2012 02:12 AM

المشاركة الأصلية كتبت بواسطة mostafa

الله يبارك فيك يا باشا ... العربيه استعمال 5 شهور و عامله 7200 كم
هوا كان طالب 173 ألف و أشتريت ب 168 ألف

ربنا يكرمك ان شاء الله و تلاقي حاجه كويسه ... و تحت أمرك في اي استفسارات . أنا بدور بقالي 4 شهور و تقريبا عملت ماجستير في الفانتازيا :)

بسم الله ماشاء الله ربنا يبارك والسعر مناسب ربنا يبارك لك يارب

اصل انا سمعت حاجات غريبه وتقريبا نفس السعر ده فى 2010
وانت بتدور ممكن تقولى تقريبا اسعار 2009 وال 2010
والف مبروك عليك وتتمتع بخيرها ان شاء الله