الموضوع: ظاهرة انتشار المختلين عقلياً ....... ظاهرة يجب الوقوف عليها .

[justify]ظاهرة عجيبة انتشار المختلين عقلياً بطريقة عجيبة عندنا فى المحافظة كانو 2 والناس كانت بتحاول تساعدهم بس بخوف بس دلوقتى ظهر اكثر من واحد واخرهم على طريق مصر السويس فى اتجاه القاهرة بعد بوابة السويس يوم الجمعة اللى فاتت وانا مسافر هما بيجو منين هل المستشفيات بتتخلص منهم ام الاهل هم من يتخلصو منهم لعدم قدرتهم على رعايتهم والتكفل بمصاريفهم هما مبيأذوش حد بس أحيانا تلاقى واحد ماشى عكس اتجاه سير السيارات فى طريق سريع وممكن تحصل كارثة وواحد ماشى فى الشارع بيقف قدام كل محل عايز كيس وطبعاً العيال الصغيرة وصراحة عيال مش متربية تضربه والناس تزعق فيهم بس مفيش عملينه لعبة ومرة كنت انا وصحابى فى مطعم دخل واحد منهم وفضل يبصلنا فواحد من زمايلى خاف وقام قعد ما بينا بالفعل جرى عليه معرفش ليه وقعد يقوله انت مندوب شركة وكلام مفهمتش منه حاجة طبعاً صاحبى طيران على عربيته ومشفنهوش وعرفت من صاحب المطعم انه كان صاحب شركة جنبهم وخسر كل فلوسه واتجنن الراجل شكله محترم لكن هدومه رثة ومرة واحد فى عز الشتا نايم فى الطل اخوى راح جاب له بطانية بس ملقهوش وناس بيجبلهم لبس واحذية بس صعب انه يلبسها او تلبسهم له مين مسئول عن الرعاية الصحية الخاصة بيهم الدولة بتعملهم ايه فين دور الدولة ووزارة الصحة لسه المستشفيات النفسية بتعاملهم بعنف الضرب والحاجات دى ليه الناس دى مهمله ملهمش اى وجود على الخريطة وممكن يتعملهم ايه وربنا يتولاهم ولا حول ولا قوة الا بالله .[/justify]

المشاركة الأصلية كتبت بواسطة mastr_n

الحمد لله الزى عافانا مما ابتلى بة الاخرين

الحمد لله الذي عافانا مما ابتلى به كثيراً من خلقه الحمدلله

المشاركة الأصلية كتبت بواسطة ahmed_dinamo

فعلاً انا مع حضرتك فى انتشارهم بطريقه غريبه عندنا فى المنطقه فى واحد كل ما عربيه تعدى من جنبه يخبط الزجاج يكسره او يطبق رفرف او كبوت حاجه كده اعوووذ بالله مؤذى جداً بس ده اتجنن تدريجى من 7 شهووور كان فله متعرفش ايه ال حصله وفى اوقات تلاقيه طبيعى واوقات كده


اكيد فى حاجه فى المياه ولا الأكل ههههههههه

الحمدلله الذى عافانا مما ابتلى به الاخرون

ضغوط الحياة صعبة وربنا يهون على الناس

المشاركة الأصلية كتبت بواسطة lanos2004

ملهم المخللين عقليا ما المجتمع كله مخلل عقلى ومن غير ملح مخلل عادب

على رايك

المشاركة الأصلية كتبت بواسطة ahmed air

ربنا يشفينا جميعااا والله فى ناس شوفتها كانت مناصب كويسه جدااا ودلوقتى بيكلمو نفسهم ربنا يسترها علينا والضغوط تخف شويه على الناس

كلنا ماشين فى ظل رب العالمين املين ستره