ماذا تقفعل لو كنت فى هذا الموقف....

**Amanda** · 04-10-2012 09:24 PM

السلام عليكم
رأيت اليوم عربية نقل وقفت امام منزل جيراننا واخرجت الاسلحة استعدادا لاى شىء وبدأوا يخرجون ادوات من السيارة النقل وفتحوا البوابة الحديد فى الجراح واخذوا كل محتويات الجراج (غالية الثمن) ثم عندما انتهوا بدأو فى خلع البوابة ايضا وكانوا مسلحين تماما وللاسف عندما سمعوا ان هناك صوتا من ناحيتنا بدأوا بتوجيه الاسلحة تجاههنا (انا كنت اختبىْ) وفى اخر لحظة سمع جارنا اخيرا الصوت وعندما نظر من الشباك بدأوا بضرب النار تجاهه وفروا هاربييييييين - للاسف انا لم اقدر انا افعل شىء كل ما فعلته فقط هو اننى اخذت رقم السيارة وحفظت اشكالهم ...... احسست بالضعف .... وبدأ ضميرى يؤنبنى انن كان من الممكن ان اصرخ او افعل اى شىء . علما ان السرقة كانت الساعة الواحدة ظهرا !!!!!! امام مسجد !!!!
- اولا ماذا كنت تفعل اذا كنت مكانى - لاننى اشعر بالذنب .
- ثانيا ماذا نفعل لنؤمن انفسنا ؟

واخيرا سؤال بجد اين نحن؟ هل انا فى مصر ؟ وحتى البوليس يعجز عن فعل شىء كل ماقاله احمدوا ربنا انكم سالمين فقط ...........

اشكركم لسعة صدوركم

**monamize4** · 04-10-2012 09:40 PM

اللهم احفظنا و جميع المسلمين ,,,,,اللهم امين

**hugan** · 04-10-2012 09:51 PM

ماتقدرش تعمل حاجه غير انك تبلغ البوليس
ولا صاحب المكان نفسه يقدر يعمل حاجه
طلقه ب20 جنيه ممكن تضيع اي حد منكم
فين المكان اللي حصل فيه الكلام ده

**hossam_elwani** · 04-10-2012 10:00 PM

كنت فى التليفون بلغت البوليس .. وكونك حفظت اشكالهم واخدت رقم العربيه دى نقطه ايجابيه.. وكتر خيرك على كده لانهم الظاهر كانو ناوين على قتل مفيش هزار

**mohammedabdallh** · 04-10-2012 10:21 PM

الحمد لله ان مفيش حد اتصاب
وهتعملى ايه اكتر من انك تتصلى بالبوليس ؟؟؟؟؟؟؟؟؟؟؟
ربنا يسترها علينا فى الايام الجايه

**Elawany13** · 04-10-2012 11:53 PM

اللهم ارفع مقتك وغضبك عنا

**m_adeleid** · 05-10-2012 02:20 AM

انا مش عارف اقولك ايه
بس اللي انتي عملتيه اكتر من اللي كان ممكن يعمله رجاله بشنبات كمان
اخدتي نمر العربيه و بلغتي عن اوصافهم والله برافو عليكي
بس في نقطه ايجابيه لو اخدتي بالك
الجار اللي طلع و بص بس من الشباك معملش غير كده خلاهم يهربوا
اي نعم ضربو كام طلقه بس في الهوا ده لو كان اصلا طلق حي
مقصود كلامي ان الحرامي جبان و في منتهي الخوف حتي لو مسلح بأي نوع تسليح ودي نعمه من ربنا
لو حصل لا قدر الله موقف مشابه وانتي بعربيتك اوعي تقفي ابدا مهما حصل و حاولي تتصرفي بهدوء زي ماعملتي كده النهارده وكنتي مركزه كويس
برضو حاولي تركزي انك تعدي من الموقف واوعي تقفي ابدا وربنا يستر عليكي و علينا جميعا