ناوى على لوجان !!

**Patrickologyy** · 06-10-2012 01:30 AM

ناوى على لوجان بإذن الله 2013 .. عايز أعرف سعرها و ألوانها و إجرائات الحجز و رأى الأعضاء فيها ... و شكراً :)

**gebreel** · 07-10-2012 12:01 AM

اولا مبروك مقدما =)

ثانيا سعر اللوجان المانيوال الفول اوبشن 72500
و سعر اللوجان الاوتوماتيك الفول اوبشن 79500

الوانها فيراني - فضي - بترولي - ابيض(عدد قليل جدا) - اسود - نبيتي

بالنسبة لاجرائات الحجز فحضرتك بتتوجه للمعرض اللي حضرتك عاوز تجيب من عندو العربية و تدفع مبلغ حجز بيبقى من 500 الى 100 جنيه و تاخد بيهم وصل و بتعمل استمارة حجز فيها نوع العربية و مواصفاتها و بتختار لونين علشان لو ملقاش اللون الاولاني يجبلك الثاني و بتعرف ميعاد الحجز

بمجرد مالعربيات توصل الميناء المعرض بيعرف و بيكلمك علشان تجهز فلوسك و اول مالعربية ما توصل عندو بيكلمك تيجي تورد باقي الفلوس و تستلم

و بالنسبة لرأي الاعضاء خدلك لفة في المنتدى و كون فكرة و اسأل اللي انت عاوزو واحنا تحت امرك

**adel_edrees** · 07-10-2012 12:10 AM

الأول أنت ناوى تجيب أيه الهاف و ألا الكاملة مانيوال و ألا الأوتوماتيك

**gebreel** · 07-10-2012 04:34 PM

المشاركة الأصلية كتبت بواسطة mansour_wael

نصيحتى زود 4 الاف وهات الكاملة
الفروقات بين الهاف والكاملة
الهاف 2 زجاج كهرباء
الكاملة 4
الهاف مرايات عادة مش كهرباء ولونها اسود
الكاملة مرايات كهرباء ولونها بنفس لون السيارة
الهاف كراسيها مش بتعلى وتوطى الكاملة بتعلى وتوطى
طارة الدريكسون متحركة فى الكاملة وثابتة فى الهاف
كمبيوتر رحلات بيحدد نسب الاستهلاك ومتوسط السرعة والمسافة المقطوعة وعدد الليترات المتبقية من البنزين وده مش موجود فى الهاف
نوعية الفرش فاخر فى الكاملة ومتوسط فى الهاف
الكاسيت فى mp3 + بلوتوث + usb فى الكاملة بينما الهاف كاسيت اوديو فقط
الهاف سماعتين قدام فقط الكاملة سماعات قدام ووراء
الكاملة سعر اعادة بيعها افضل لان اى حد بيشترى مستعمل بيدور على الكاملة
الكاملة فيها شريط نيكل شكله حلو على الشنطة من ورا بينما الهاف لأ
الكاملة فيها سخان للزجاج الخلفى بيشيل البخار من على الزجاج وبينشفه هو والمرايا الجانبية بينما الهاف لأ
الكاملة مقابضها نفس لون السيارة بينما الهاف مقابضها سوداء
كل الفروقات دى ب 4 الاف جنيه بس وفى حاجات تانية بس انا ناسيها

بالظبط كدة و اللانوس الهاف ب 67500 و الفيرنا ب 68000 و اللوجان ب 68000

قصاد ال4000 دول هتاخد عربية مليانة اوبشنز و سعرها كويس و وكيلها افضل من منصور و غبور

و في الاول و الاخر استخير و توكل على الله

**Mansour_Wael** · 08-10-2012 10:57 AM

المشاركة الأصلية كتبت بواسطة yo85258

الله ينور علي العرض الرائع ده..........
في حاجه مهمه هي ان الكامله فيها اير باج للسائق و اعتقد ده حاجه مهمه للامان

شكرا لك اخى الحبيب
وكمان الكاملة فيها تحكم فى اتجاه الفوانيس الامامية والهاف مفيهاش
ولو عايز تقارن مع الفيرنا واللانوس ممكن تاخد لفة فى منتديات الفيرنا واللانوس وتشوف مميزاتهم وعيوبهم
وبالنسبة للميزات اللوجان بصفة عامة واخص بالذكر المميزات التى تميزت بها اللوجان عن السيارات فى نفس الفئة السعرية
1- علوها على الارض اعلى سيارة فى تلك الفئة
2- عفشة ناعمة وممتازة
3- شنطة واسعة جدا 510 لتر ممكن تركب فيها سرير وتنام
4- ايرباج للسائق
5- اوسع صالون فى تلك الفئة اوسع من اللانوس والفيرنا ويرجع ذلك لذكاء التصميم نظرا لصغر حجم الكبوت وصغر حجم الشنطة مع تعويض الشنطة بارتفاع عالى جدا مما اعطى للشنطة حجم هائل وفى نفس الوقت تبدوا من الخارج صغيرة وفى الآخر الصالون استفاد من كل ده وبقى حجمه زى حجم صالون العربيات الكبيرة الالنترا والاوبترا
6- عربية مش هتشوفها تاكسى يعنى مش هتحس انك راكب لادا عكس الفيرنا واللانوس
7- اقتصادية الى حد ما فى البنزين لو اتظبطت
8- كمبيوتر الرحلات مفيش عربية بالسعر ده فيها كمبيوتر رحلات
9- توكيلها افضل من توكيل اللانوس واليفرنا

عيوبها
1- مكان الكلاكس وحش شوية بس هتتعود عليه مع الوقت وهتحس انه هو ده المكان الانسب
2- اماكن توزيع زراير الزجاج متفرقة وتخنق شوية
3- الباور بتاعها اتقل شوية من باور العربيات الكورى
4- صوت الماتور اعلى شوية من ماتور العربيات الكورى
5- مش اى حد ممكن يصلحها بس فى ناس كتير دلوقتى متخصصة فى الرينو
6- قطع غيارها اغلى شوية من العربيات الكورى بس بدأت ترخص وتنتشر