مرايتى

**mazenzyad** · 07-10-2012 02:36 PM

النهاده دخل موتسيكل بسرعة بينى و بين ربع نقل و طيرلى المرايا و شوه البابين ، الحمد لله على المقدر لنا ، و روحت التوكيل عشان المرايا ظبطوهالى بس اصبحت راكبه على دعامة واحده ، اللى فك المراية هيفهمنى توجد دعامتين بلاستيك بينهم سوستة واحده فيهم اتكسرت و بقيت واحدة و المرايا بتفتح و بتقفل عدى بس على دعامة واحده ، ايه رايكو اسيبها كده و لا اركب مرايا جحيده ، ارجو الافاده من اللى فك المرايا و فهم اقصد ايه ( على فكرة مراية اللوجان حمالة قسية و عن تجربة اتخبط بيها كتير و بترجع تانى بس النهارده الخبطة كانت جامده )

**Egyzizo** · 07-10-2012 02:56 PM

بتبقى فيه زوائد بلاستيك علشان لما السوستة تشد على المراية تخلليها تحافظ على وضعها المثالى وماتبقاش مفتوحة أكتر من اللازم ، وممكن حاجة منها تتكسر منها ، فتلاقى المراية لو اتعوجت للأمام أو للخلف واتسابت ممكن ماتردش للوضع المطلوب بسبب عدم وجود الزائدة دى ، فتحتاج تظبطها بايدك.

الوضع ده حاصل عندى فى المراية اليمين.

طالما بتؤدى وظيفتها ، سبها لما يجى لها نصيبها.

**Mansour_Wael** · 07-10-2012 03:27 PM

انا مرايتى اليمين برده مكسور فيها بعد البلاستيكات الداخلية وده بيأثر على انها مش بتقفل فدايما بركن الجنب التانى علشان متتكسرش بس هيا شغالة على كده تمام بقالها معايا شهرين على الوضع ده ولوعايز تصلها روح لحد من بتوع الفايبر هضبطهالك ان شاء الله

**mazenzyad** · 07-10-2012 04:34 PM

المشاركة الأصلية كتبت بواسطة egyzizo

بتبقى فيه زوائد بلاستيك علشان لما السوستة تشد على المراية تخلليها تحافظ على وضعها المثالى وماتبقاش مفتوحة أكتر من اللازم ، وممكن حاجة منها تتكسر منها ، فتلاقى المراية لو اتعوجت للأمام أو للخلف واتسابت ممكن ماتردش للوضع المطلوب بسبب عدم وجود الزائدة دى ، فتحتاج تظبطها بايدك.

الوضع ده حاصل عندى فى المراية اليمين.

طالما بتؤدى وظيفتها ، سبها لما يجى لها نصيبها.

لكن رأيك ملمهاش اثناء الركن ؟ خايف ما احركها تانى بصراحه! !!

**amr.elsayed** · 07-10-2012 06:21 PM

خليها زى ما هى انا المرايا الشمال كدة بقالها اكتر من 4 شهور ولما يجى معادها وروحها تطلح ابقى غيرها
المراية بتاعت العربية الاصلى لو واقفة على شعرة حتشتغل معاك وحتستحمل كمان وبلاش تقفلها لما تركن
الا لو راكن فى ملطش او شارع ضيق .. لان المشكلة وهى مقفولة ان حد يسند عليها حيقوم تانيها لتحت
فانت خليها مفتوحة احسن يا مازن باشا
وبالمناسبة كنت سالت على المراية التقليد كانت ب 190 جنيه بس قلقان منها شوية و دهرها بيترش
............
انا عايز اسأل سؤال كمان المرايا الاصلى دهرها الملون دة كفر ولا مرشوش كدة على المراية على طول ؟؟؟؟

**Egyzizo** · 07-10-2012 08:16 PM

المشاركة الأصلية كتبت بواسطة mazenzyad

لكن رأيك ملمهاش اثناء الركن ؟ خايف ما احركها تانى بصراحه! !!

الطبيعى انك ما تلمهاش أثناء الركن حتى لو سليمة.

**HossAmr** · 08-10-2012 12:33 PM

في زحمة شارع فيصل واحد مستعجل الله يسامحه خبطلي مرايتي الشمال جابها على اخرها وحلفت ماهي راجعة وقفت على جنب و بعد محاولات رجعتها مكانها بس في حاجة بلاستيك اتكسرت جوة ، هي مابقتش ثابتة زي الاول بس شغالة و مش هاغيرها ان شاء الله الا اما تبوظ خالص