صيانة ال100.000 هوندا سيفيك الجيل الثامن

**theking2690** · 07-10-2012 04:31 PM

طبعا الحمد لله العربيه تمت معايا ال100.000 كم عمرها ما كسفتنى و لا ندمتنى على اختيارها ابدا بالعكس ديه خلتنى عاشق للهوندا

الصيانة تمت فى مركز محمد على و طبعا الفضل يرجع فى معرفته لأستاذ هيثم كمال طبعا محمد انا مش هتكلم عليه بس هو شخصيه محترمه جدا جدا و فاهم فى الهوندا كويس اوى و اسعار المصنعيه عنده ارخص من اى حته شوفتها بتاعمل مع هوندا

تفاصيل الصيانه كانت ك الآتى:
1-تغيير تيل فرامل امامى تكلفته 600 جنيه
2-تغيير تيل فرامل خلفى تكلفته 300 جنيه
3-تغيير سير الدينامو تكلفته 500 جنيه
4-تغيير بلية شداد دينامو تكلفته 250 جنيه
5-تغيير زيت الفتيس الاتوماتيك 3 لتر تكلفته 81 جنيه/لتر
6-تغيير ثرموستات الكوعه تكلفته 180 جنيه
7-تغيير زيت الفرامل تكلفته 50 جنيه
8-تغيير ماء الريداتير تكلفته 130 جنيه
10-تغيير البوجيهات تكلفته 360 جنيه جبتها من توكيل ngk هى هى اللى فى التوكيل بس هناك ارخص و ده الكود بتاعه Izfr6k-11s
طبعا عمل فحص كامل على العربيه بالكمبيوتر وبص على العفشه و راجع على كل حاجه و كل الكلام ده تقريبا تم فى حدود ساعه و نصف وطبع كل قطع الغيار انا جبتها من التوكيل و الاسعار اللى مكتوبه ديه اسعار التوكيل و انا تحت امر اى حد فى استفسار

**S O P H O S** · 07-10-2012 04:47 PM

مبروك الصيانة يا باشا ..

**Kareem Fawzy** · 07-10-2012 06:40 PM

مبروك على حضرتك الصيانة
وان شاء الله ربنا يباركلك فيها وعقبال المليون كم

**hany63** · 07-10-2012 08:29 PM

الف مبروك و انشاء الله تكون حاسس ان العربيه رجعت زيرو
بالنسبه لتغيير زيت الفتيس و السيور و السوايل هل دي اول مره يتغيروا و لا اتغيروا قبل كده في صيانة الخمسين مثلا
و ياريت الناس الخبره في الجيل التامن يعملوا موضوع و يتثبت عن صيانات الجيل التامن و تكلفة كل واحده بالتقريب عشان انا ملاحظ ان ملاك الجيل ده ابتدوا يزيدوا

**theking2690** · 07-10-2012 09:37 PM

المشاركة الأصلية كتبت بواسطة s o p h o s

مبروك الصيانة يا باشا ..

المشاركة الأصلية كتبت بواسطة kareem fawzy

مبروك على حضرتك الصيانة
وان شاء الله ربنا يباركلك فيها وعقبال المليون كم

شكرا يا شباب و عقبال ما نباركلكوا على صيانة المليون لعربيتكوا

المشاركة الأصلية كتبت بواسطة محمد أنور

تمام انا من فترة كنت بدور عالصيانات اللي لازم تتعمل كل 10 الاف بس للأسف مش لاقي حاجة في لمنتدى هنا ف دي خطوة كويسة و يا ريت نعمل موضوع يضم صيانات السيفيك

بالنسبه للصيانات اللى فاتت اللى المفروض فلتر البنزين بتغير على ال80.000 و يتم ضبط التاكيهات برضو على ال80.000 و فلتر الهوا و فلتر التكييف و تيل الفرامل على حسب حالتهم بقية الصيانات بتكون عاديه على ما اتذكر

المشاركة الأصلية كتبت بواسطة hany63

الف مبروك و إن شاء الله تكون حاسس ان العربيه رجعت زيرو
بالنسبه لتغيير زيت الفتيس و السيور و السوايل هل دي اول مره يتغيروا و لا اتغيروا قبل كده في صيانة الخمسين مثلا
و ياريت الناس الخبره في الجيل التامن يعملوا موضوع و يتثبت عن صيانات الجيل التامن و تكلفة كل واحده بالتقريب عشان انا ملاحظ ان ملاك الجيل ده ابتدوا يزيدوا

بالنسبه للزيوت بتاعة الفرامل و الفتيس و البوجيهات و السيور و ماء الريداتير متغيروش قبل كده وا انا بعد كده كل صيانه هعملها هبقى اكتب تفاصيلها هنا

**SGH** · 07-10-2012 09:49 PM

و اسعار المصنعيه عنده ارخص من اى حته شوفتها????????????

**sanhory** · 09-10-2012 02:16 PM

مبروك يا باشا عالصيانة

والله انا لسه جايب العربية و هي ماشية 106 الف و اخر صيانة ليها كانت في التوكيل بتاعة ال 100 الف ايه رائيكوا اروح صيانة ال 110 في التوكيل ولا برا التوكيل و ايه الحاجات اللي بتتعمل في صيانة ال 110 الف