البطارية السائلة

**خالد عادل** · 07-10-2012 05:42 PM

امبارح نزلت من العربية ونسيت النور شغال ولما رجعت طبعاً لقيت البطارية نايمة وطبعاً ولاد الحلال دلوني علي كهربائي جة وجاب معة بطارية وتوصيلة !!! والعربية ما درتش قالي البطارية فضيت علي الاخر ولازم تروح الورشة عشان تتشحن ركبنا البطارية بتعتة ودورنا ورحنا الورشة وحط البطارية علي التونجر قالي مفيش فيها مية خالص حطها لمدة نص ساعة وجنا ندور ما درتش قالي لازم تتشحن تاني سيبنها نص ساعة تاني دورنا والحمدلله دارت الملاحظات :

اول حاجة قالي البطارية دي ٤٤ امبير صغيرة جداً علي العربية
تاني حاجة ازاي بطارية عمرها ٦ شهور والبطارية تفضي المية منها بالصورة دي لان الراجل قالي هي لو كانت مظبوطة مكنتش تفضي بسرعة كدة وكانت تقوم تاني مجرد ما نحطلها التوصيلة
تالت حاجة قالي لو كانت دي بطارية جافة كانت قعدت يوم علي ما تفصل وبمجرد ما بنحطلها توصيلة تقوم علي طول
رابع حاجة اية اللي هيتغير في العربية بعد ما البطارية اتفصلت غير كود الكاسيت والساعة
خامس حاجة هو انا لو رحت التوكيل وحبت اغير البطارية بواحدة جافة هينفع

**haissam24h** · 07-10-2012 07:02 PM

اشترى اجسن بطريه
اى س ديلكو
او فيرتا المانى جافه
ب450 ج وتسيب القديمه تقريبا احسنلك واريح وعليها ضمان وكشف مجانى

**Youssef.Awad** · 07-10-2012 07:24 PM

صيانة البطارية السائلة مرة واحدة فقط فى الشهر بتكلفة 1-2 جنيه ووقت لا يزيد عن 5 دقايق يغنيك عن جفاف المياه او ضعف الشحن .. وده خلاها معايا زى الفل فى عربيتى 2010 وبتشحن وعمرها ما عملت اى حاجة معايا لحد اما سافرت برة مصر وركنت العربية وفضيتها ولما اتشحنت تانى بقت ضعيفة وغالبا ان شاء الله الاجازة الجاية هاغيرها بواحدة جافة .

طبعا ممكن تغيرها فى الضمان وتدفع الفرق بواحدة جافة من اى مركز خدمة ووارد جدا انها تضرب فى اول 6 شهور (حصلت مع زمايلى فى العمل) لعدم عمل صيانة دورية ومراجعة المياه واعادة خلطه مرة كل شهر عالاقل

بالنسبة لحجمها .. هى الحد الادنى اللى يركب على الصنى 1600 والانسب 55 امبير طبعا والبطارية مش بحجمها ولا مقاسها .. الاهم الاداء

وبس اللى ذكرته هو اللى هايتأثر بتغيير البطارية

**Land_Cruiser** · 07-10-2012 08:09 PM

حكايه البطاريه فاضيه خالص دى غريبه شويه و لازم تعرف ايه سببها. 44 إمبير مش صغيره على العربيه يا فندم و لا حاجه على فكره. غير بس البطاريه لواحده جافه اى سى ديلكو أو هانكوك و أنساها بعد كده.