الكيك داون النترا 2012

**big big** · 07-10-2012 11:07 PM

اولا انا معاية النترا 2012 ام دي وعاملة 12000ك عملت مقارن امبارح مع سيرات 2012 جنط 17 المهم اولنا نجرب الانترا الاول طلعنا علي طريق صلاح سالم الساعة 2 باليل كنا صحرا اول مالعربية جابت 40 ادينا الكيك النتيجه مكنتش متوقعه من عربية بالمواصفات دية العربية حرقت صوت الموتور علي وده طبيعي اما النترة بتاعت الكيك داون مكنتش اد كده الار بي ام عنده اسهال جري بسرعه عجيبة والتجميع مكنش اد كدة يعني من 40 الي 130 في حوال من 8 الي 12 ثانية رجعنا وجربنا السيراتو حسيت بفرق في الاربي ام بيطلع براحتة وةمشبع الغيار كويس جدا والتجميع كان اسرع بكتير من الالنترا مش عارف ازاي مع انا السيراتو 124 هورس باور والالنترا 130 انا مش عارف هل هية كده ولي هربيتي فيها مشكلة
ملحوظه انا مكش بتاع حرء ولي الكلام ده خالص انا اخري اجري علي طرق مفتوحة 160 180 مش اكتر هل ده لية علاقة وجوه البلد اخر 80 90 100 لما الطريق يكون كويس ياريت تدلوني اعمل اية ولو هروح اكشف عليها في التوكيل اؤلهم اي وافهمهلهم ازاي ولي العربية كده طبيعية

شكرا لكل المهتمين بالموضوع

**moh19227** · 07-10-2012 11:42 PM

اولا يا باشا مبروك العربيه :)
ثانيا

من 40 الي 130 في حوال من 8 الي 12 ثانية

انت بتتكلم في زمن رائع ومعتقدش اي عربيه تقدر تجيبو بسهوله

لار بي ام عنده اسهال جري بسرعه عجيبة

دا بيدل علي ان موتور العربيه بسم الله ما شاء الله قوي , وبالعكس في السيراتو لما الاربي ام يعلي ببطي دا دليل علي ان موتور العربيه مش اد كده
لو حضرتك اتفرجت علي اي فيديو للمبرجيني شوف الاربي ام بيتحرك ازاي ؟! :)
واخر حاجه

انا مكش بتاع حرء

لازم كل فتره تحرق ع الموتور شويه علشان يبقي فايق معاك
وشكراااا

**big big** · 07-10-2012 11:58 PM

ياباشا الف شكر علي اهتمامك يعني كده العربية كويسة ولي مش اد كده

**Samir Elshahawy** · 08-10-2012 12:10 AM

أفضل تسارع للالنترا أم دي بيكون تحت ال 60 كم/س أو بعد ال 100 كم/س لحد 180 كم/س

اللي حصل معاك ده طبيعي في الالنترا أن عدد اللفات يعلي جامد و بعدها العربية تبدأ تجمع و تسحب لأن وزن العربية ثقيل علي المحرك ده اللي المفروض أنه يكون 140 حصان (ال جي دي أي) مش الموتور العادي أبو 130 حصان

لكن بشكل عام الالنترا أم دي الموجودة حاليا معقولة في تسارعها صحيح هيا مش بتاعة شد و لكن كويسة جدا في المواقف الصعبة و الموتور هايسعفك

اما موضوع الحرق كل فترة فالافضل منه أنك لو تقدر تمشي بالعربية علي سرعات فوق ال 120 كل فترة علي طرق مفتوحة هايبقي افضل من الحرق و كمان ياريت تستخدم منظف رشاشات أو دورة وقود كل 5000 كم أو كل 10000 كم

**Rsarabia** · 08-10-2012 12:11 AM

فتيس الالنترا 6 سرعات فطبيعى انه هينقل بدرى و هيرفع
السيراتو غالبا 4 سرعات عشان كدا الغيار بيشبع
هات الستترونك و جرب
انا حافظ السيراتو و حاليا معايا النترا الاتنين واحد فى الجرى بس وزن الالنترا اتقل حاجة بسيطة و فتيسها 4 سرعات اكيد هتسبق بفرق بسيط

**Samir Elshahawy** · 08-10-2012 12:44 AM

المشاركة الأصلية كتبت بواسطة Rsarabia

فتيس الالنترا 6 سرعات فطبيعى انه هينقل بدرى و هيرفع
السيراتو غالبا 4 سرعات عشان كدا الغيار بيشبع
هات الستترونك و جرب
انا حافظ السيراتو و حاليا معايا النترا الاتنين واحد فى الجرى بس وزن الالنترا اتقل حاجة بسيطة و فتيسها 4 سرعات اكيد هتسبق بفرق بسيط

أنت لخبطتني ..
الالنترا 6 سرعات و لا 4 سرعات ؟

**hany63** · 08-10-2012 12:15 PM

بص حضرتك الفتيس ال 6 سرعات يخنق اي عربيه 1600 عشان عندك 5 مناطق ممكن الفتيس يهنج فيها اللي هيا بين كل نقله و ده بيتطلب حساسيه في الدوسه امتى تدوس و مقدار الدوسه و امتى تسايس و امتى تكبس و هكذا و طبيعي كل طرقنا تجيب شلل من كتر الزحمه فالفتيس بيبرمج نفسه ان سواقتك اقتصاديه غصب عنك
انا بعمل حاجه كل كام يوم اني اسوقها كأنها مانيوال عن طريق الشيفت لو الطريق ماشي حتى لو ببطء و بكده هيبقى اخرك النقله الرابعه عشان انا اخري في السيفيك النقله التالته و على فكره انت كده بتحافظ على الفتيس عشان ما فيش كيك داون كل شويه
و اوتو لما يبقى الطريق قافش و بكده هتبقى فايقه و جميله حتى لو مشيت على الاوتو بعدها

**atyam** · 08-10-2012 02:12 PM

متهيالى ده عادى بالنسبة للمقارنه وعلى فكره ممكن الدوسه بتاعتك تكون برضو مش كيك داون وبجد الدوسه بتفرق

انا معايا اكسنت ار بى واحيانا بيحصل معايا كده بس لما حد معاه سيراتو بيفكر يشد معايا بنفخو بمعنى الكلمه

**hany63** · 08-10-2012 02:26 PM

المشاركة الأصلية كتبت بواسطة atyam

متهيالى ده عادى بالنسبة للمقارنه وعلى فكره ممكن الدوسه بتاعتك تكون برضو مش كيك داون وبجد الدوسه بتفرق

انا معايا اكسنت ار بى واحيانا بيحصل معايا كده بس لما حد معاه سيراتو بيفكر يشد معايا بنفخو بمعنى الكلمه

و ده عشان فتيس الاربع نقلات النقله رانجها كبير و لما بتعمل كيك و انت بتشد بتسقط نقله واحده غالبا و هتلاقي العربيه قالت معاك جامد انما الست نقلات ممكن يسقط تلات نقلات فالفتيس يهنج لحظيا عشان يعرف يحطه على انهي نقله
يعني انا في الاول كنت حاسس الكورولا الاوتو ال 1300 سلسه عن السيفيك 1600 كاستجابة بنزين و ده كان عشان السيفيك 5 غيار مقارنه بالكورولا 4 غيار بس لما رجلي فهمتها الموضوع اتغير

**Rsarabia** · 08-10-2012 04:15 PM

المشاركة الأصلية كتبت بواسطة SE_coralsea

أنت لخبطتني ..
الالنترا 6 سرعات و لا 4 سرعات ؟

هههههههه لا مفيش لخبطة ولا حاجة
اقصد الالنترا 6 سرعات فالعربية بتنقل بدرى و العزم بيقل
عكس السيراتو 4 سرعات بس فالعزم اعلى

لكن لو الاتنين عالستيبترونك مش هيفرق لان الفتيش مش هينقل و هش هتغير النقلة الا لما تجيب اقصى عزم للنقلة و ساعتها الفتيس الجديد يكسب